1. Erredakzio bilera

• Audientzien analisiak berrikusten dira
• Kazetariek gaiak proposatzen dituzte
• Analitika planaren helburuekin bat egin eta interes digital handiena dutenei lehentasuna ematen zaie.
• Eduki-mota, ikuspegia eta formatu nagusia definitzen dira.
• Gionizazioa: Sorkuntza prozesuaren aurretik gidoia behar duten edukien testuak edo galderak pentsatu eta idatzi

2. Informazioa bilatzea, lortzea eta egiaztatzea (Hau da desinformazioarekin lotura zuzena duen pausua)

• Kazetariak gaia ikertu, informazioa lortu eta materiala sortu edo biltzen du. Erredakziotik bertatik egin daiteke, edo bertatik bertarako estaldura eginez, informazioa, argazkiak, bideoak eta datuak jasoko ditu.
  Egiaztatze-prozesuan, iturriak eta informazioa kontrastatzen ditu: bi prozesu nagusi ikusten ditugu: batetik, barne-analisia (lantaldean bertan egiten dena); eta bestetik, kanpo-analisia (lehen eta bigarren mailakoa iturriekin, erakundeekin, adituekin, esaterako). Finean, zer egiten da? Hausnarketa bat da: -Informazioa egiaztatzea
• Bertsio ofizialak zalantzan jartzea
• Iturri eta bertsio ezberdinak lortzearen garrantzia (erreplika aukera, iturri aniztasuna, informazio gehigarria, testuingurua eman…).
• Eta informazioa lehen eskutik lortzea (“norberak lortutako infoa, onena”).
• Beharrezkoa balitz, fact checking tresnak ere zerrendatuta eta erabilgarri ditu Geuriak. Adibidez, argazkien egiazkotasuna konfirmatzeko, informazioaren iturriak eta kokapenak detektatzeko.

3. Pieza nagusiaren ekoizpena (digitala)

• Titularra: Titular zehatza, deigarria eta iradokitzailea idatziko du, erabiltzaileak pieza kontsumitzeko lehen pausua eman dezan.
• Testua: Testu laburra, arina eta zehatza idatziko ditu. Erabiltzailea edukia kontsumitzeko hautua egin du eta informazioak asetu behar du, bestela esanda, bere galdera edo nahiei erantzuna eman behar die.
• Irudia / Thumb / Bilduma: Informazioari lotutako irudi zehatza, deigarria eta iradokitzailea sortu edo aukeratuko du. Piezaren arrakastaren % 50a baino gehiago irudian datza.
• Bideoa: Bideo labur bat sortzea, formatu bertikala lehenetsita.
• Baliabide osagarriak lantzea: hala badagokio, argazkiak, grafikoak, infografiak edo audioak lantzea baliabide osagarri gisa.
• Materiala online eta seguru jartzea: Dropbox zerbitzarira igo, gainontzeko lankideen eskura egon dadin eta materiala galdu ez dadin.

4. Egokitzapenak eta optimizazio digitala

Kanal bakoitzak dituen beharretara egokitzapenak egin. Oro har, webgunean argazki nagusiaren optimizazioa eta argazki bildumaren aukeraketa egin, eta edukiaren metadatuak zehaztu; eta sare sozialetarako storiak sortu, argazki-bildumak editatu eta testuak labur eta hizkuntza hurbilean idatzi.

5. Berehalako argitalpen digitala

Audientziarekiko berehalakotasuna eta hurbiltasuna lortzeko, argitalpen digitalak azkar sareratzea funtsezkoa da, ez soilik azken ordukoak direnean. Argitaratze-estrategiak honako ordena zehazten du Geurian:

• Lehenengo beti webgunean argitaratzen da edukia.
• Edukiaren aurrerapen berezirik balego edo sareetarako bereziki sortutako edukirik balego ere, webgunean horri erreferentzia egiten dion edukiren bat egon behar du, sareetan zabaldu aurretik. Horrela, webgunean ere kapitalizatzen da edukiaren azalpen zabalago bat eginez.
• Azken orduko edukia bada, webgunean ere argitaratuko da eskura dagoen informazioa aurreratuz eta “[informazioa osatzen ari gara]” zehaztuz.
• Ondoren, mezularitza-kanaletan eta sare sozialetan zabaltzen dira egindako egokitzapenak, eta webguneari erreferentzia egiten zaio trafikoa erakartzeko asmoz.
• Azkenik, mezularitza zuzenaren bidez zabaltzen da, hau da, edukiarekin lotura duten eragile edo norbanakoei edukia zuzenean bidaliz.
• Egiaztatze-prozesuaren berri eman: hau da, informazioak hala eskatuko balu, argitalpenean bertan egiaztatze-prozesuaren berri eman dezake komunikabideak, argi eta garbi adieraziz kaleratu duen informazioa egiaztatzeko zer egin duen. Erabiltzailearentzako oso informazio baliagarria izan daiteke kazetariak argitaratutakoa nondik, nola eta norekin lortu duen, edo egiaztatzeko arazoak edo erreplika lortzeko gorabeherak izan dituen ere jakitea.

6. Jarraipena egin eta eguneratu

Zer da jarraipena egitea? Laburrean azalduta: Batetik, edukiak sortzen dituen datuen hasierako trafiko horren monitorizazioa egiten da. Bestetik, gaiaren momentuko eguneraketak beharko balira, horiek egingo liratezke, edukian bertan edo eduki berriak sortuz. Adibidez, erreplika, testinguru informazioa, datu berriak, adierazpenak eta halako informazio gehigarria.

7. Beste egokitzapenak egin

Paperezko edizioan txertatuko den edukia bada, sortutako materialarekin bertsio garatuago egiten da, testuingurua, analisia eta sakontasuna emanez.

8. Eta azkenik, lan-fluxuaren prozesua ixteko, hausnarketa eta balorazioa egiten da

Hurrengo erredakzio bileran edukiaren metrikak berrikusten dira eta, beharrik balego, gaiari jarraipena emateko bideak aztertzen dira.

Eta horrela, edukia sortzeko prozesua berriro hasiko litzateke. Kontutan izan behar da informazioa egiaztatzeko protokoloa gertakizuna datuez osatzeko bidea dela. Informazioak ez direlako beltzak edo zuriak, ez direlako ehuneko ehunean egia ala gezurra, eta informazioa grisetan egon ohi da. Horregatik, informazioa osatzeko prozesuak berak egiatik gertuago kokatuko gaitu.

Lan-fluxuaren eta horretan desinformazioa saihestu eta informazioa egiaztatzeko bideoak geuria.eus atarian, komunikabidearen atalean, ikusgai dauden komunitate osorako.