☉ Basauri
Hezkuntza sistema propio baten aldeko mugimendua hasi da Basaurin
LOMCEri aurre egiteko eta “gure hezkuntza” eraikitzeko proposamenak batzen eta hedatzen hasi dira Arizko Ikastolan. Martxoaren 26an elkarretaratzea antolatu dute.
Gaur egun ahoz aho dabilen gaia da hezkuntza sistemarena. Espainiako Hezkuntzaren Kalitatea Hobetzeko Lege Organikoa –LOMCE gaztelaniazko siglez edo Wert legea goitizenaz ezagunagoa- 2013. urtean sartu zen indarrean Espainian. Ordutik, Euskal Herrian horren aurkako mugimenduak sortu dira.
Horren adibide da Hezkuntza Plataformen Topagunea. 2014ko abenduaren 6an lan saioa antolatu zuten Durangon. Ehun bat lagun elkartu ziren bertan eta Basauriko Arizko Ikastolatik lau lagun joan ziren: hiru irakasle eta ikasle baten ama. “Bertan argi ikusi genuen ikastolan ere hasi behar genuela gaiaren inguruan gogoeta egiten eta jarrera adostua lantzen”, diote Ikastolako lantaldeko kideek. Pentsatu zuten mugimendu horrek ez zuela soilik LOMCEri aurre egiteko izan behar: “LOMCEri aurre egin bai, baina zergatik, zertarako eta zer lortu nahi dugun kontuan izan behar dugu, hau da, ez da legearen kontra egitea bakarrik, baizik eta eraikitze prozesu bat zehaztea”.
Lan saio horren ondoren, lau lagunek lantaldea osatu zuten Arizko Ikastolan zuzendariarekin batera, eta honakoa adostu zuten: “LOMCEren kontra gaude, LOMCE ez aplikatzeko konpromisoa landu nahi dugu, Euskal Herriak bere hezkuntza behar duela sinestuta gaude eta horretan egin nahi dugu lan”. 2015. urtearen hasieran baieztapen horiek Eskola Kontseiluak onartu eta bere egin ditu. Lantaldeko kideen iritziz, “pauso hori oso garrantzitsua izan da. Izan ere, guk aurreikusten dugun bide hau eskola komunitate osoak onartu beharko luke eta eskola komunitate osoa ordezkatzen duen organoa Eskola Kontseilua da”.
Eskola Kontseiluan aurkeztu baino lehen, Irakasleen Klaustroan eta Guraso Elkartean aurkeztu zuten: “Ekimenaren lanbidea txikitik handira joan da: lehenengo lantaldeak osatu zuen plangintza, ondoren irakasleei eta Guraso Elkarteari azaldu zitzaion, onartu egin zuten eta orduan Eskola Kontseilura eraman genuen”.
KALEAN HEDATUZ
Behin Eskola Kontseiluak onartuta, ekimena lau haizeetara zabaltzen hasi dira. Alde batetik, agerraldia egin zuten Agate Deuna egunean: Basauriko zahar-etxeetara egin zuten bisita eta bidean, elurra lagun, LOMCEren kontrako bertso batzuk abestu zituzten. Bestetik, LOMCE aplikatzeak ekarriko lituzkeen ondorioen berri eman diete ikasleei eta gurasoei , esaterako, ikasgaiak garrantziaren arabera mailakatuko liratezkeela eta euskara hirugarren mailan egongo litzatekeela, azken mailan, alegia.
Sinadurak bilduko dituzte ikasleen familietan eta Irakasle Klaustroan. “Helburua LOMCErik gabeko Arizko Ikastola lortzea da”, diote. “Guk egiten ditugun ekimenak kopia litezke, hau da, ez da ezer esklusiboa. Mugimendu hau beste leku askotan piztu da iaztik hasita: Gasteizen, Barakaldon edo Sestaon, besteak beste”. Hego Uribe eskualdeko eskolak ekimenera batzea da Arizko Ikastolaren helburua. “Gu Arizko Ikastolako lantaldea besterik ez gara eta herri mailako plataforma bat lortzea da gure helburua. Horretarako, beharrezkoa da zonalde edo herri bateko antolaketa egitea”, zehaztu dute.
________
EGUNERO PAUSOAK EMATEN
2015. urtean, besteak beste, bi ekimen berri sortu dituzte Arizko Ikastolan “Guk geure hezkuntza” programaren barruan: familien jolas tailerra eta gurasoen antzerkigintza taldea.
Jolas tailerra Sortzen elkarteari esker jarri dute martxan. Bi talde osatu dituzte eta guztira sei saio egingo ditu talde bakoitzak, ordu eta erdikoak. Hamaika helduk eta hamalau umek eman dute izena: Haur Hezkuntzako ikasleak dira denak eta euskara da tailerreko ardatz nagusia. Kantak, esamoldeak, esku-jolasak, harrapaketa-jolasak, zotz egiteko formulak eta jolas zerrenda zabala lantzen dituzte. Tailerra Guraso Elkarteak ordaintzen du.
Bestalde, gurasoen antzerkigintza taldean zortzi lagunek parte hartzen dute. Euskarabila Basauriko elkartearen bidez egiten dute, eta astero ordu eta erdiz elkartzen dira ikasturte osoan zehar. Kasu honetan guraso bakoitzak bere diru ekarpena egiten du. Ikastolaren helburua, alde batetik, guraso euskaldunen artean euskararen erabilera sustatzea da eta, beste aldetik, prestatu duten antzezlana ikasturtearen amaieran ikasleen aurrean aurkeztea.
☉ Basauri
Kepa Larrea idazleak ‘Zubia’ eleberria aurkeztuko du Basaurin
Urtarrilaren 29an egingo du aurkezpena Ibaigane Kultur Etxean. Eleberria 1936ko Gerraren eta diktaduraren hainbat pasartetan oinarritzen da
Kepa Larrea idazleak -basauriarra jaiotzez baina Arrigorriagan 35 urte daramatzana-, bere azken lana aurkeztu zuen azaroan: ‘Zubia’ [hemen aurkezpenaren bideoa].
Eleberria 1936ko Gerraren eta diktaduraren hainbat pasartetan oinarritzen da, egileak berak azaldutakoaren arabera: “Asko eta asko txikitan entzundako kontuak dira; helduek ahotsa apaldu eta xuxurla batean hitz egiten zutenean horrek gure arreta pizten zuen, eta adi entzuten genituen kontu haiek”.
Hego Uribe eskualdea ere islatu nahi izan du idazleak bere azken lanean; izan ere, bertako herriek, kaleek, basoek eta mendiek protagonismo berezia dute eleberri osoan zehar: “Bolintxu”, “Izartza”, “Arguia” edo “Lapurzuloa” dira kapituloetako batzuen izenburua, hurrenez hurrenez.
Bada, urtarrilaren 29an, ostegunez, ‘Zubia’ eleberria aurkeztuko du Larreak Basaurin, Ibaigane Kultur Etxeko Eskarabilera aretoan.
Solasaldia euskaraz izango da eta 19:00etan hasiko da. Sarrera librea izango da edukiera bete arte.
Ertzaintzak 30 urteko gazte bat atxilotu du Basaurin, bertako joko- eta apustu-establezimendu batean kalteak egitea leporatuta.
Gertaerak atzo, urtarrilak 25, 21:00ak aldera jazo ziren Basauriko herriguneko joko-areto batean. Establezimendura sartzea debekatuta zuen gizon bat barrura sartu zen, makina bateko pantailak kolpatu zituen eta 300 euro inguruko kalteak egin zituen.
Ertzaintzako agenteak bertaratu eta gizonak aitortu zuen makina kolpatu zuela, “diru-kopuru handia galdu ostean”.
Atxilotuta eraman zuten ertzain-etxera eta eginbideak ireki ondoren, aske utzi zuten. Epailearen aurrean deklaratzera deituko dute.
☉ Basauri
Arizko zubiaren ondoko eskailerak egokituko ditu Basauriko Udalak
Era berean, Agirre Lehendakaria kaleko 85 zenbakia eta Frantzisko Kortabarria kalearen arteko eskailerak ordezkatuko dituzte eta zubiko baranda margotuko dute
Arizko zubitik Nerbioi ibaiertzeko pasealekura jaisteko dauden eskailerak egokitu egingo ditu Basauriko Udalak.
Gainera, Agirre Lehendakaria kaleko 85 zenbakiko atarira sartzeko arrapala berria eraikiko dute, eta Frantzisko Kortabarria kalearekin lotzeko eskailerak ordezkatu eta egokituko dituzte. Esku hartze hauen helburua da irisgarritasuna hobetzea.
Era berean, Arizko zubiko baranda eta kale-argiak saneatu eta margotuko dituzte.
Basauriko Udalak 162.382 euro bideratuko ditu obra horietara eta hiru hilabetez luzatuko dira. Udal ordezkariek adierazi dutenez, “ez da aurreikusten trafikoari eragitea”.
Trafikoan ez, baina obrak egiteko Frantzisko Kortabarria eta Soloarte arteko pasealekua eten egingo dute.
☉ Basauri
Bi gazte atxilotu dituzte Basaurin emakume bati poltsa lapurtzeagatik
Lapurreta igande goizaldean gertatu zen Soloarte auzoan. Atxilotuek 19 urte dituzte eta epailearen esku utziko dituzte
Ertzaintzak 19 urteko bi gazte atxilotu zituen atzo, emakume bati poltsa lapurtzeagatik.
Gertaerak igande goizaldean, 02:40ean, jazo ziren Soloarte auzoan. Bi gazteek emakumeari hainbat galdera egin zizkioten eta oldartu ostean, indarra erabiliz lurrera bota zuten eta poltsa lapurtu zioten.
Lekuko batek lapurreta ikusi eta Ertzaintzara deitu zuen. Hainbat patruila bertaratu ziren eta erasotzaileetako baten deskribapenarekin bat zetorren gizon bat aurkitu zuten, edukiontzi batzuen atzean ezkutatzen saiatzen ari zenean, ertzainak ikusi zituenean.
Agenteek identifikatu egin zuten, eta ikusi zuten soinean zeraman arroparen zati batek odol-arrastoak zituela, eta horrenbestez, atxilotu egin zuten.
Handik gutxira, beste patruila batek bigarren inplikatua aurkitu zuen. Esku batean zauri bat zuen, eta atxilotu egin zuten. Atxiloketan, lapurretaren unean zeraman arropa harrapatu zioten, aldatu egin baitzen odol arrastoak zituelako.
Ertzaintzak bi atxilotuak ertzain-etxera eraman eta beharrezko polizia-eginbideak egin zizkieten. Ondoren, epailearen esku utziko dituzte.
Buruz Buruko Txapelketako finalak jokatuko dira bihar, urtarrilak 24, Gautegiz Arteagan 17:00etatik aurrera. Umeak, emakumeak eta gaztetxoen finalak jokatuko dira.
Basauriko Bidebieta Pilota Taldetik Aratz Mendietak gaztetxoen bigarren mailako finala jokatuko du.
Mendietak aurkari izango du Lea Ibarra klubeko Jurdan Zuazo.
Bideoa | Faxismoaren aurkako manifestazioarekin bat egiteko deia egin dute Hego Uribeko GKStik
Auzoak Galdakao: “Proiektu honetan jarraitzen dugunok ez dugu ezer ezkutatzeko”
Pole Dance ikastaroa antolatu dute euskara hutsean Arrigorriagan, gorputzaren kontrola lantzeko
Argazkiak | Lokatz artean lehiatu dira Ausartak Mendi Lasterketako korrikalariak Arrigorriagan
Argazkiak | Errege Magoek ilusioa eta gozokiak banatu dituzte Galdakaoko kabalgatan
Argazkiak | Errege Magoen Kabalgatak eta epifaniak jendez bete du Arrigorriagako plaza
Bideoa | Faxismoaren aurkako manifestazioarekin bat egiteko deia egin dute Hego Uribeko GKStik
Bideoa | Naiara Trifol: «Gabonetan Zeberion eman dudan kontzertua oso berezia izan da niretzat»
