☉ Etxebarri
eTwinning sari europarra jaso du Etxebarriko Institutuak ‘sÜRreÂLíST’ proiektuarekin
Bestetik, Etxebarriko Institutua eTwinning School izango dela 2021 eta 2022 urteetan jakinarazi dute.
Etxebarri Institutuko Kultura Zientifikoko 2019-2020 ikasturteko ikasleek eta irakasleak eTwinning sari europarra irabazi dute, ‘sÜRreÂLíST’ proiektuagatik. Gaztelaniazko hizkuntzan, proiektu hori beste sei ikastetxerekin elkarlanean burutu zuten: Lyceé de Grombalia (Grombalia, Tunisia), Oleksandriya School (Oleksandriya, Ukrainia), Miguel de Cervantes (Sofia, Bulgaria), Julio Caro Baroja (Iruñea, Nafarroa), Melchor de Macanaz (Hellin, Albacete) eta Leopoldo Queipo (Melilla). Saria otsailean jaso zuten, Hezkuntza eta Lanbide Heziketako Ministerioak babestua.
“sÜRreÂLíST proiektuan Surrealismoaren korronte kulturala landu dugu, hainbat diziplinatatik: Historia (surrealismoaren denboraren lerroa), Hizkuntza eta Literatura (poema dadaistak), Biologia eta Ingurumen Zientziak (Klima Aldaketaren aldeko Zoo surrealista, espezie berrien izen zientifikoarekin), Plastika (obra piktoriko surrealistak eta Museoa), Matematika (Dalíren lanen azterketa urrezko proportzioari buruz), Heziketa Fisikoa (dantza surrealista) eta Musika (ikasleek sorutako musika surrealista). Jarduera horiek guztiak nazioarteko talde mistoetan egin dira, parte hartzen duten ikastetxe guztietako kideekin. Elkarrekintzan ere egin dira, hala nola, ikasleen, zentroaren, hirien aurkezpena eta proiektuaren logoa aukeratzea”, dio Amaya Alonso Cabria Etxebarriko Institutuko irakasleak: “Sari hau nazioarteko talde mistoetan egindako diziplinarteko lanaren kalitateagatik eman da, eta, gainera, asko baloratu da pandemiaren inguruabarrak gorabehera gauzatu izana, ikasleen eta irakasleen partaidetza- eta inplikazio-maila handiarekin”.
eTwinning Erasmus+ programaren atala da, Europar Batasunak hezkuntza, prestakuntza, gazteria eta kirolerako duen programaren barruan. Helburua da eTwinning-en parte hartzen duten herrietako irakasle-ikasleen arteko ideia trukea eta lankidetza sustatzea eta harremanak erraztea IKTen bidez.
eTwinning School 2021-2022
Etxebarriko Institutua eTwinning School izango da 2021 eta 2022 urteetan. “Aitorpen horrek Institutua Europan hezkuntza-jardunbide egokien zentro gisa kokatzen du, non ikasleak aldaketa-eragileak diren eta proiektu eta jarduera berritzaileak, sortzaileak eta inklusiboak egiten diren. Era berean, eTwinning praktika-eredua gara, eta konpromiso handia dugu diziplina anitzeko eta lankidetzako talde-lanarekin”, dio Alonsok. Martxoaren 22an argitaratu zuten eTwinning zentroen zerrenda.
Otsailaren 4an, Santa Ageda bezperan, Etxebarriko Partekatu adinekoen proiektuko kideak eta aisialdi taldeko arduradunak kalera atera dira lurra esnaraztera.
Sagardotegi garaia hasi da eta Hego Uribe eskualdetik hainbat eta hainbat irteera antolatzen dituzte urtero.
Etxebarrin otsailaren 14an izango da irteera eta Astigarragako Alorrenea Sagardotegian izango da bazkaria.
Aurretik, ordea, Chillida lantokira bisita antolatu dute, Legazpin.
Etxebarritik 09:30ean izango da irteera (Cime eraikinaren aurrean) eta itzulera 21:00etan izango da Hernanitik.
Irteerara joan nahi duenak izena eman behar du etxebarri.eus webgunearen bitartez. Etxebarritarrek 40 euro ordainduko dituzte eta Etxebarrin erroldatuta ez daudenek 45 euro. Leku mugatuak dira.
☉ Etxebarri
Irakasle eta begirale euskaldunen lan-poltsa eguneratuko du Etxebarriko Udalak
Lan-poltsan 18 urtetik gorako gazte euskaldunek parte hartzeko aukera dute. Eta familiek zerbitzuaren inguruko informazioa jaso ahal izango dute
Adingabeen zaintzaile gisa lan egin nahi duten, eskola partikularrak eman nahi dituzten eta aisialdirako begirale izan nahi duten gazteen lan-poltsa eguneratuko du Etxebarriko Udalak.
Lan-poltsan parte hartu nahi duten 18 urtetik gorako gazteak euskaldunak izan behar dira, eta izena eman behar dute euskarazerbitzua@etxebarri.eus helbide elektronikora mezua idatzita eta curriculuma bidalita.
Bestetik, zaintzaileekin, irakasle partikularrekin eta aisialdiko begiraleekin harremanetan jarri nahi duten familiek infirmazioa eskatu ahal izango dute 944 267 005 telefono zenbakira deituta (Euskara Zerbitzua).
“Ekimen horren bidez, Etxebarriko Udalak udalerriko gazteenei zuzendutako aukera berriak bultzatzen jarraitu nahi du, eta, era berean, edozein zirkunstantzia dela medio, lan-bizitza eta familia-bizitza bateratu ahal izateko pertsona horien profilean oinarritu behar duten familiei zerbitzu bat eman nahi die”, diote udal ordezkariek.
☉ Etxebarri
Pantailak modu osasungarrian erabiltzeko hausnarketa egingo dute Etxebarrin
Saioa urtarrilaren 29an izango da Kultur Etxean. Herritarrek parte har dezaten deia zabaldu dute: “Zure ekarpenek aldaketa sortzen dute”, diote
Aisialdi eredu osasungarriei eta teknologia erabiltzeko alternatibei buruz hausnarketa egingo dute Etxebarrin. Zehazki, pantailak modu osasungarrian erabiltzeko lanketa egingo dute urtarrilaren 29an, 17:00etatik 19:00etara, Kultur Etxean.
Kasu honetan, herriko eragilez osatutako Bizikidetza Batzordeak egindako lanketaren ondorioak aurkeztu eta partekatuko dituzte Etxebarriko gainontzeko eragileekin, taldeekin eta herritarrekin.
“Hau honela, dei egiten zaie herritar guztiei saio ireki honetan parte hartzera, guztion artean prozesu honi erantzungo dion alternatiba bateratua sortu ahal izateko”, diote.
Saioa bukatu ostean luntxa egongo da, “ideiak eta asmoak partekatzen eta trukatzen jarraitzeko”, diote.
Saioan parte hartu nahi dutenek izena eman behar dute komunikazioa@etxebarri.eus helbide elektronikora mezua idatzita. Gainera, Ludoteka zerbitzua behar duten zehaztu ahal izango dute.
Etxebarriko Udalaren ekimenez, Bizikidetza Batzordeak ezarritako lan ildoen artean dago teknologia erabiltzeko alternatiba osasuntsuak lantzea. Gaiak sorturiko kezka oinarri harturik, 2025. urtean zehar Etxebarriko Udalak, Etxebarriko herritarrengan eta udalerrian aisialdi osasungarriko eredu bat sustatzeko eta teknologia erabiltzeko alternatibak bilatzeko hausnarketa abian jarri zuen.
☉ Etxebarri
Aingeru Picaza Calero etxebarritarra laguntzeko 4.000 euroko ekarpena egin dio Etxebarrik
Balkoi Solidarioak ekimenari eta euskal dantzak eta zumba ekitaldiei esker 4.000 euro lortu dituzte etxebarritarrek
Elkartasunak distira egin zuen iragan Gabonetan Etxebarrin, herritarren inplikazioari esker. Atzo Julene Alonsoren alde 723,50 euro bildu zirela kontatu genizun, eta gaur Aingeru Picaza Calerori 4.000 euroko ekarpena egin diotela kontatzera gatoz.
Balkoi Solidarioak ekimena eta euskal dantzen eta zumba ekitaldia egin zituzten Gabonetan, eta ekimen bakoitzeko 2.000 euro lortu zituzten; hau da, 4.000 euro guztira.
“Lehen erronkak, Gabonetan 1.100 balkoi argiztatzea helburu zuena, aise gainditu zituen hasierako aurreikuspenak. Azkenik, 1.928 balkoi argiztatu ziren, proposatutakoak baino 828 gehiago, auzotarren inplikazioari eta lankidetzari esker”, diote udal ordezkariek eta Erronka Solidarioen talde eragileko arduradunek.
Bigarren erronka urtarrilaren 3an egin zen Etxebarriko kiroldegian. Euskal dantzak, zumba dantza eta haurrei zuzendutako jarduerak antolatu ziren eta guztira 240 lagun bildu ziren.
Etxebarriko Udalak eta Erronka Solidarioen talde eragileak aurreko Gabonetan antolatutako ekimen solidarioen inguruan “balorazio oso positiboa” egin dute, eta publikoki eskertu nahi izan dute herritarren parte-hartzea, elkartasuna eta konpromisoa, “beste behin ere azpimarratuz Etxebarri gehien behar dutenekin bat egiten duen herria dela”.
Pozokoetxeko trenbide azpiko pasabidea estaltzeko lanak hasiko ditu Basauriko Udalak otsailaren 9an
Naxker, Sembrando Kaos, Kaparrak eta SKC taldeen kontzertuak bihar, Basauriko Txarraska Gaztetxean
Hutsik dauden lokalak etxebizitza bihurtzeko neurriak malgutu ditu Galdakaoko Udalak
Argazkiak | Galdakaoko ikastetxeek Santa Ageda bezpera ospatu dute
Argazkiak | Galdakao eta Altsasu senidetu egin dira inauterien transmisioari jarraipena emateko
Argazkiak | Lokatz artean lehiatu dira Ausartak Mendi Lasterketako korrikalariak Arrigorriagan
Pozokoetxeko trenbide azpiko pasabidea estaltzeko lanak hasiko ditu Basauriko Udalak otsailaren 9an
Bideoa | Egia auzoan esnatu dute lurra Zeberioko eskolako haurrek
