☉ Galdakao
Bizkaiko planta fotovoltaiko handiena eraikiko dute Usansoloko Gorozibai auzoan
Gaur eguerdian prentsaurrekoa eskaini dute Galdakaoko Udaleko Iñigo Hernandok, Asier Egiraunek eta Iñaki Urgoitik Gorozibaiko Kultur Etxean, Usansolon
Gaur eguerdian prentsaurrekoa eskaini dute Galdakaoko Udaleko Iñigo Hernandok, Asier Egiraunek eta Iñaki Urgoitik Gorozibaiko Kultur Etxean, Usansolon. Bertan Bizkaiko parke fotovoltaiko handiena eraikiko dute Udalak eta herritarrek, koperatiba baten bidez kudeatutakoa. Urte eta erdi eta hiru urte tarteko epean gauzatuko den proiektuaren nondik norako guztiak azaldu dizkiete komunikabideei lekuan bertan.
“Galdakaoko Udalak apostu handia egin du trantsizio energetikoaren bidean”, hasi du prentsaurrekoa Iñigo Hernando Galdakaoko alkateak. “Gorozibaiko lursailak 9 hektarea dauzka eta bertan 6 megawatteko potentzia instalatzeko gaitasuna dago eta horien bidez 3.000 etxebizitza argiztatu daitezke. Datu horien arabera, Gorozibaikoa Bizkaiko parke fotovoltaivo handiena izango dugu”. Galdakaoko alkateak azpimarratu du proiektu hau gauzatu ahal izateko “baliabide guztiak” jarri dituela mahai gainean.
Gorozibai Auzo Elkarteko Aroa Sagarminaga eta Geli Barañano kideak poz-pozik eta ezkertuta agertu dira prentsaurrekoan eta proiektu berri honek itxaropena ekarri diela aitortu diete komunikabidei: “Basañezekin eta gero RCDko kontuarekin gorriak ikusi genituen eta parke fotovoltaikoaren proiektu honen berri izan genuen momentuan benetan poztu ginen”. Proiektuaren emaitzaren zain agertu dira auzotarrak: “Lursail zoragarriak dira eta egunean zehar argi asko dago hemen. Proiektu benetan interesgarri izan daiteke denon onerako”.
Asier Egiraun, Aroa Sagarminaga, Iñigo Hernando, Geli Barañano eta Iñaki Urgoiti, Gorozibaiko Kultur Etxean // Geuria
Proiektu Publiko Komunitarioa
EH Bilduk, Auzoak eta Usansolo Herria (UH) eta Elkarrekin Podemos alderdiek osatzen duten gobernu taldeak benetan sinisten duen proiektu publiko komunitarioa dela azpimarratu dute: “Honek esan nahi du plaka fotovoltaikoen parke honetan alde batetik Udalak parte hartuko duela, eta bestetik herritarrek ere aukera izango dute proiektuaren parte izateko”, gehitu du Hernandok.
80 eta 90. hamarkadetan Basañez enpresa egon zen parke fotovoltaikoa eraikiko duten lurretan. “Handituz joan zen enpresa izan zen, eta zenbat eta handiagoa orduan eta arazo gehiago ematen zituen”, azaldu du UHko Iñaki Urgoitik. “Trafiko arazo handiak sortu zizkieten Gorozibaiko auzotarrei bertatik igarotzen ziren kamioiak, atzera eta aurrera. Auzotarrak benetan kezkatuta zeuden bertan bizitzen ari ziren egoeragatik”, nabarmendu du. Basañezek 2011n itxi zuen enpresa eta kamioen arazoa bukatu bazen ere bestelako arazoak azaleratu ziren: “Arrisku handiko lekua zen, kutsadura zegoen bertan, hainbat sute gertatu ziren bertan… bertan behera utzita zegoen leku hura”, gehitu du UHkoak.
Bisita Gorozibaiko lursailetan // Geuria
Hortaz, lursailak enkantean jartzeko presioa egin zuten eta enpresak erosi zuen. Bere proiektua RCD bat ezartzea zen: “Auzotarrentzat ez zen proiektu aproposa. Ezta gutxiago ere! Eta auzotarren elkarlanaren bitartez lursaila erosi du Udalak gaur egun aurkezten ari garen parke fotovoltaikoa ezarri ahazl izateko”, azpimarratu du Urgoitik.
“Udalak hitzarmen expropiatorioa egin du”, azaldu du Asier Egiraun Galdakaoko Udaleko Hirigintza zinegotziak. “Enpresak enkantean ordaindutako diru kopurua kontuan izanda eta kutsadura kendu eta lursaila garbitzeko egindako gastu horiek bueltatu zaizkio. Ez da inolako erosketarik egin; xahututako dirua baino ez zaio bueltatu, inolako irabazirik gabe”, argitu du zinegotziak.
Udalak, aurreko enpresari baldintza moduan eskatu zitzaion Plan Berezia bete beharko du ere: “Zonalde industriala da bertakoa eta han egingo diren erabilerak ez dira aurreikusitak zeuden horiek izango. Hori dela eta, egoera horietarako erabiltzen den erreminta urbanistikoa Plan Berezia dugu”. Erabilera nagusia plaka fotovoltaikoak izango dira eta baita bigarren mailako erabilerak ere: gune berdeak, aisialdi zonaldeak, aparkalekuak… horiek guztiak jasoko ditu Plan Bereziak.
Bisita Gorozibaiko lursailetan // Geuria
Kooperatiba, proiektuaren burua
“Zonalde jakin bat egongo da plaka fotovoltaikodun ortuak egiteko. Leku oso aproposa dugu, hegoalderantz jotzen duen gunea delako eta bertan sortutako energia kopurua altua delako bertan, Bizkaiko beste zonalde batzuekin alderatuta”, nabarmendu du Egiraunek. Hori guztihori kudetazeko kooperativa bat sortuko dute Udala eta herritarren artean oinarritutakoa. Kooperatiba hori 3.000 bazkidek osa dezakete. “Kooperatibaren kideen arabera bigarren mailako erabileren espazioak handiagoak edo txikiagoak izan daitezke”.
Gorozibaiko plantako lursailak // Geuria
“Energiaren etorkizuna da honako hau”, azaldu du Gelik gaur egungo elektrizitatearen prezioari erreferentzia eginez. Energia berriztagarria sortzeko erabiliko diren lursailak “birjinak ez direla” gehitu du Egiraunek: “Aukera izanda ere, ez dugu lur uztiatugabeak erabiliko proiektu honetarako; zikindutako lurrak erabiliko ditugu lur industriala zen, potentzialki kutsatutakoa eta erabilera berriztagarria emango diogu jadanik degradatuta dagoen lur honi”.
Plantako sarrera // Geuria
☉ Galdakao
Galdakaoko PSEk ez du 2026ko aurrekontua negoziatuko, “2025eko proposamen gehienak bete gabe dauden bitartean”
Aurrekontua negoziatzeari uko egin dioten arren, emendakinak aurkeztuko dituztela esan dute alderdi sozialistako ordezkariek
Galdakaoko Udalak oraindik ez du 2026ko aurrekontua onartu, baina PSEk dagoeneko aurreratu du ez duela negoziaziorik egingo gobernu taldearekin.
Arrazoia, honakoa: “Udal Talde Sozialistaren aldetik ezinbestekotzat jotzen dugu, 2026ko aurrekontuari buruzko edozein elkarrizketa eduki baino lehen, gobernu taldeak 2025eko aurrekontuan sartzea onartu zituen gure taldearen proposamenen egoeraren buruzko informazioa ematea”, diote talde sozialistatik.
“Ez zaigu oso serioa iruditzen 2026ko aurrekonturako proposamen berriei buruzko eztabaida hasteko planteamendua bultzatzea, 2025eko proposamen gehienak bete gabe dauden bitartean”, diote.
Eta adibideak eman dituzte: “Galdabusari buruzko edo negoziazioa azterlana, Ibaizabalen inguruko jarduketak, Maximo Moreno parkea eraberritu eta egokitzea edo Elexaldeko igerilekuak estaltzeko proiektua”.
“Beraz, jakinarazi nahi dugu ez dugula aurrekontu-negoziaziorik egingo Gobernuarekin, aurrez aipatutako gaiak konpontzen ez diren bitartean”, diote.
Negoziazioa ez, emendakinak bai
Alderdi sozialistako zinegotziek aurrekontua negoziatzeari uko egin dioten arren, emendakinak aurkeztuko dituztela esan dute.
“Bidezkotzat jotzen ditugun enmendakinak ohiko bideetatik erregistratuko ditugu, udalerriaren onerako zuzenketa horiek herritarrei ekar diezazkiekeen onuren arabera baloratuko direlakoan, eta ez jarrera errebantxisten, interes alderdikoien edo kontakizun politikoaren beharren arabera”, diote.
☉ Galdakao
Eskailera margoketa egingo dute gaur Galdakaon, Euskal Selekzioren eta Palestinaren arteko partidaren atarian
Ekintza Zizpa Gazte Konpartsak antolatu du: irekia da eta Iturrondo plazan izango da
Euskal Selekzioaren eta Palestinaren arteko futbol partida jokatuko da bihar, azaroak 15, San Mamesen.
Eta, partida horren atarian, Galdakaon, elkartasun ekitalkia antolatu du Zizpa Gazte Konpartsak gaur, azaroak 14, ostiralez.
Eskailera margoketa irekia antolatu dute Iturrondo plazan 17:00etatik aurrera.
“Herrialde askeen aldeko elkartasun keinua egin nahi dugu. Bi herri, borroka bakarra”, diote.
☉ Galdakao
Ganguren Mendi Taldeak hamaika ekitaldi antolatu ditu Galdakaon bere sorreraren 80. urteurrenean
Ekitaldi nagusia abenduaren 4an izango da, baina azaroan Mendi Astearen barruan erakusketa, dokumentalak eta hitzaldiak antolatu dituzte
Ganguren Mendi Taldeak 80 urte bete ditu aurten, eta azaroa eta abendua bitartean ekintza bereziak antolatuko dituzte.
Ekitaldi nagusia abenduaren 4an izango da. ‘Iragana bihotzean, etorkizuna bidean’ lelopean, topaketa egingi dute Torrezabal Kultur Etxean (19:00).
Topaketa horretan, iraganeko pasadizoak gogoratuko dituzte, oraina ospatuko dute eta etorkizunera begiratuko dute.
“Topaketa xumea baina sentitua izango da. Bertan, klubaren azken 30 urteak laburbiltzen dituzten liburua eta bideoa aurkeztuko ditugu, eta ekitaldia mokatu baten bueltan bukatuko da”, diote.
Mendi Astea
Bestetik, ekitaldia nagusia baino lehen, Mendi Astea antolatuko dute.
Erakusketak, proiekzioak eta hitzaldiak eskainiko dituzte, mendizaletasunaren arloan aditu diren profesionalen parte hartzea barne.
Pou anaiek, Txomin Uriartek, Elixabete Arbek, Joanna Maluendak eta Bego Gonzalezek hartuko dute parte jardunaldietan.
Hona hemen Mendi Asteko egitaraua:
Azaroak 3-28
Erakusketa Ganguren MTren egoitzan: ‘Everesterako lehen euskal espedizioa’
11:30-22:00
Azaroak 13, osteguna
MendiTour Mendi Film zirkuitua: ‘Hiru Haundiak. Taupadak eta Gailurrak’ eta ‘Of a Lifetime’ film luzeak eta ‘Red Rock Revolution’ film laburra
19:00 Torrezabal
Azaroak 20, osteguna
Dokumentala eta hitzaldia: GR11 ibilbidea. Elixabete Arbe, Joana Maluenda eta Bego Gonzalez
19:30 Ganguren MTren egoitza
Azaroak 29, larunbata
Dokumentala eta hitzaldia: ‘Bizitzari sokaz lotuta’. Eneko eta Iker Pou anaiak
19:00 Torrezabal
☉ Galdakao
Etxebizitza prefabrikatuak Urretan eraikitzeko lanek trafikoan eta aparkalekuetan izango du eragina, Galdakaon
Ganguren eta Ramon Rubial kaleak trafikoari itxita egongo dira abenduaren 19ra arte. Gainera, ezin izango da aparkatu eskuineko lerro osoan
Etxebizitza prefabrikatuak eraikiko ditu JIT Housing enpresak Galdakaon. Ekintza pribatua da eta Urreta auzoan eraikiko dituzte, Ganguren eta Ramon Rubial kaleen artean.
Moduluka eraikitzen dituzte etxebizitza mota hauek eta lanak azaroaren 14an, ostiralez, hasiko dituzte. Materialak ekarri eta jarriko dituzte, eta Galdakaoko udal ordezkariek adierazi dutenez, trafikoan eta aparkalekuetan eragina izango dute obrek.
“Lehenengo fasea hilabete batez luzatuko da, abenduaren 19ra arte. Epe horretan, Ganguren eta Ramon Rubial kaleetan trafiko mozketak eta aparkatzeko murrizketak izango dira, makineria instalatzeko beharrezkoa den espazioa eta izango diren kamioien joan etorriak direla eta”, diote.
Zehazki ,Ramon Rubial kalearen sarreratik eta Ganguren kaleko 7. zenbakiraino sarbidea itxita egongo da abenduaren 19ra arte, astelehenetik ostiralera, 07:30etik 15:00etara.
Era berean, ezin izango da aparkatu zirkulazioaren norabideko eskuineko aparkaleku lerro osoan.
“Bizkai kaleko 92, 94 eta 96. zenbakietako bizilagunei pasabidea baimenduko zaie. Horretarako, seinale emaileak egongo dira ibilgailuen pasabide txandakatua koordinatzeko, muntaketa lanen faseen arabera”, diote udal arduradunek.
Herritarren joan etorriak ahalik eta gehien errazteko, gunea behar bezala babestuklo eta seinaleztatuko dute.
☉ Galdakao
Galdakaoko Bengoetxe auzoan etxebizitzak egitea adostu dute aho batez: % 40a babes publikokoak izango dira
Eremu komertzial izatetik bizitegi izatera igaroko da, eta etxebizitzen %40a babes publikokoak izango dira
Galdakaoko udalbatzarrak ostiral goizean egindako ez ohiko osoko bilkuran puntu bakar bat eztabaidatu eta onartu zuen: Bengoetxeko lur eremu batean etxebizitzak eraikitzeko hitzarmena egitea.
Eremu hori, orain arte komertzial gisa izendatua egon den arren, bizitegi eremu bihurtuko da aurrerantzean. Horrela, Galdakaoko Udalak Durruti XXI, Saema, Zeletxe 2005 eta Zuatzaurre enpresekin hitzarmena sinatuko du, etxebizitza libreak eta babes publikokoak eraikitzeko. Egingo diren etxebizitzen % 40a etxebizitza babestuak izango dira.
Asier Egiraun Hirigintza zinegotziak azaldu duenez, “helburua da UEBE-2 egikaritze unitateko eremu komertziala bizitegi eremu lez kalifikatzea, herritarren etxebizitza beharrizanei erantzuteko eta bizigune berriak sortzeko”. Egiraunek nabarmendu du, gainera, metroaren etorrerak bultzada eman diola egitasmoari, mugikortasun eta irisgarritasun behar berriak sortuko direlako.
Udalak adierazi du proiektuaren bideragarritasun ekonomikoa bermatuta dagoela, urbanizazioaren eta eraldaketa urbanistikoaren kostu guztiak enpresek bere gain hartuko dituztelako. Horrez gain, lanen garapenarekin batera sortuko diren plusbaliak direla eta, 2,8 milioi euro inguru jasoko ditu Udalak, eta diru hori beste proiektu publiko batzuetan inbertituko du.
Egiraunek gogorarazi du neurriak udal gobernuak bultzatzen duen etxebizitza politikarekin bat egiten duela: “Gure helburua da Galdakaon babes publikoko etxebizitza gehiago sortzea eta gazteei zein familiei bizitzeko aukera errealak eskaintzea”.
Osoko bilkuran ez da kontrako iritzirik jaso, eta talde guztiek adostasuna adierazi dute. Koldo Goioagak, EAJko zinegotziak, egitasmoaren garrantzia nabarmendu du, eta etxebizitza politiketan denok “bultza” egiteko beharra azpimarratu du.
Galdakaoko PSEk ez du 2026ko aurrekontua negoziatuko, “2025eko proposamen gehienak bete gabe dauden bitartean”
Eskailera margoketa egingo dute gaur Galdakaon, Euskal Selekzioren eta Palestinaren arteko partidaren atarian
Korrika 2026 | Martxoaren 19tik 29ra izango da 24. Korrika, Atharratzetik Bilbora
Argazkiak | Basauriko bi bizilagunen etxegabetzea eta herritarren elkarretaratzea, argazkitan
Argazkiak | Mozorroak jantzi eta kalera irten dira zeberioztarrak Gau Beltzan
Argazkiak | Antzerkia, tailerrak eta edabe magikoa prestatu dituzte Galdakaon Gau Beltza ospatzeko
Bideoa | El Kangri: «Egiten dudan rap-ak nire bizitza du oinarri, inor kaltetzeko asmorik gabe»
Bideoa | Basaurin etxegabetzea gauzatu ostean: “Beste etxebizitza bat hutsik, negozioa egiteko”
