☉ Arrigorriaga
Mendikosoloren behin betiko proiektua urrian aurkeztuko da bilera irekian
Mendikosoloren etorkizuna erabakitzeko parte-hartze prozesua abiarazi dute Lonbon. Ekainetik irailera bitartean eztabaidak eta ekarpenak egiteko saioak egingo dira. Bi urte iraungo ditu konponbidea erabakitzeko eta lanak egiteko ibilbideak
Arrigorriagako Udalak Mendikosolo parkearen inguruko prozesu parte-hartzailearen aurkezpena egin zuen maiatzaren 28an Lonbo aretoan. 60 herritar inguru bertaratu ziren. Ekitaldiaren aurretik, Maite Ibarra alkatearekin, Paola Sangalli SCIAko teknikariarekin eta Amaia Albeniz prozesu parte-hartzailearen arduradunarekin berba egin genuen Mendikosolo gaiaren ertz guztien inguruan emango diren aurrerapausoak argitzeko.
Iazko uda ostetik, hamar hilabete joan dira herritarrek Mendikosolo urtegiaren etorkizuna ezbaian jartzen zuen inguruko informazioa jaso zutenetik. 2011n, Konfederazio Hidrografikoak urtegiaren katalogazioa A motako presara aldatzea eskatu zion Arrigorriagako Udalari eta 2019an Konfederazioak eskatutako zehapen batekin topo egin zuen Gobernu Taldeak.
Paola Sangalli Mendikosoloren etorkizuna nola bideratu aztertzeko Udalak kontratatutako talde teknikoko kidea da, zehazki, Sangalli Coronel Asociados ingenieritza eta paisaia estudioko (SCIA) biologoa. Hego Uribe eskualdean hainbat esku-hartze egin ditu talde honek, gertuena, Zaratamoko Txarrota urtegia eta paisaia berreskuratzea. “Sailkapena 2019koa da. Ziurrenik lehenagokoa izan zitekeen, duela urte batzuetatik existitzen delako, baina urtegien zuzendaritza nagusiak ez zuen bere garaian adierazi edo ez zuten jakinarazi. Horren berri eman zutenean, mekanismo desberdinak jarri ziren martxan”, azaldu zuen Sangallik.
Martxan jarri duten prozesuari buruz egin zuen berba Maite Ibarra alkateak: “Gardentasun ariketa erraldoia egingo dugu. Gure herriko arnasgune eta naturagune nagusiaren geroa landu eta erabakitzea udal gobernuari eta herritar guztioi dagokigu. Hori da bere momentuan hartu genuen konpromisoa eta gure hitza betetzen ari gara”, azaldu zuen Maite Ibarra alkateak: “Hasieratik argi izan genuen ezin genuela gaia kaxoi batean sartu eta egoera gehiago luzatu, bai ala bai, heldu behar geniola. Bagenekien gai delikatua izango zela bertan lanean aritu diren pertsonengatik. Gu heltzerako urtegiaren auziak hainbat eta hainbat urte zeramatzan mahai gainean eta herritarrek ez zuten honen berri. Bitxia da hamar urtetan egoeraren berri izan dutenek eta ezer egin ez dutenek, udal gobernu honi leporatzea hilabete batzuetan konpondu ez izana. Kontua da konponbidea jartzen ari garela eta hamar urte barru datorrenak ez dituela topatuko inondik inora guk aurkitu ditugun arazoak”. Era berean, 2011tik herritarrei gaiaren berri eman ez izana deitoratu zuen Ibarrak.
Lonbo aretoan egindako aurkezpena / Geuria
Hiru aukera mahai gainean
Paola Sangalli biologoak gakoak diren hainbat puntu aipatu zituen: “Mendikosolo parke bat da, eta, aldi berean, urtegia -dinamitaren presa delakoa-. Zehazki, A kategoriako urtegi bat da eta horrek berarekin dakartza zenbait betebehar. A kategoria maximoa da, arriskugarritasun eta altuera handiena adierazten du. 15 metrotik aurrera A kategoriakoak dira eta Mendikosolok 16 ditu”. Horiek horrela, honakoak dira talde teknikoak aztertzen dituen hiru aukerak: “Lehena: urtegia bere horretan mantentzea, A kategorian. Ez da guk gehien aztertuko duguna, beste ingeniaritza batek aztertu baitu”. Urtegia A kategorian mantentzeak erregulazio zorrotzak betetzea eta aisialdirako guneak mugatzea ekarriko luke.
“Bigarren aukera: A kategoriatik C kategoriara jaistea. Horrek zer esan nahi du? Ur-lamina neurri batean mantenduko genukeela, baina beherapen-jarduketa batzuk egin beharko genituzke biltegiratutako ur-kopurua txikiagoa izan dadin”, azaldu zuen Sangallik. Bigarren aukera honek bai urtegia, bai parkea orain ezagutzen ditugun bezalatsu mantenduko lituzke. Izan ere, C sailkapena duten urtegien derrigorrezko baldintza teknikoak A sailkapenekoenak baino leunagoak dira.
Hizlariak eta herritarrak / Geuria
“Eta hirugarren aukera paisaia berri bat sortzea da, jatorrizko Kubo edo Goikozulo errekaren ibilgua berreskuratuz eta bidean ur-xafla jakin batzuk mantenduz”. Horrela, ura berak eta bere inguruneak sortzen duten ekosistema mantenduko litzateke, baina urtegiaren edozein sailkapen mota kenduko litzateke. “Azterketa geoteknikoek, hidrologikoek eta gunean bertan egindako ikerketek esango digute sailkapena ezabatzeko gai garen edo c sailkapena mantentzearekin konformatu behar dugun”.
2023rako, prest
Baina noiz izango dugu Mendikosolo berriaz gozatzeko aukera? Hori da herritar askoren buruan dagoen galdera eta hori bera galdetu genion Sangalli biologoari: “Aurreproiektu fase batean gaude, hau da, hiru hilabete ditugu aurretiko azterketak egin eta ostean proposamen batzuk luzatzeko. Hiru hilabete horietan egindako lanei esker, urtegiaren eta parkearen etorkizun aukeren ideia argiagoa izango dugu. Behin aurreproiektua izanda, inplikatuta dauden administrazioekin hitz egitea litzateke zuzenena. Eskaintzen ditugun aukerak kontsultatu, ikusi eta aukeratu azkenik ekintza bat egin ahal izateko. Guztira, uste dut bi urteko prozesu bat dagoela behin betiko konponbidea zein den erabakitzeko eta gero gauzatzeko”.
Paola Sangalli / Geuria
Eztabaidak eta ekarpenak
Lonbo aretoan egindako lehen bilera irekia izan zen Mendikosoloren etorkizuna erabakitzeko herritarrekin batera egindako prozesu parte-hartzailearen lehen pausoa. Modu paraleloan, prozesu teknikoa ere aurrera egiten ari dela gogorarazi zigun Amaia Albeniz arkitektoak, Hiridunak estudioko kideak eta parte-hartze prozesuaren arduradunak: “Bilera informatiboaren ostean, ekaina eta iraila bitartean prestakuntza eta eztabaida saioak egingo ditugu. Helburua da Mendikosolo parke berria denon artean amestea. Betiere derrigorrezkoak diren baldintza teknikoak kontutan hartuta, herritarrek zer nolako erabilerak garatu nahi dituzten zehaztuko dugu. Horretarako beste parke batzuen adibideak ekarriko ditugu eta beste toki batzuetan nola garatzen dituzten ikusiko dugu”.
Behin herritarrek ideiak mahai gainean jarrita dituztela, talde teknikoek eta politikoek proiektu oso bat itzuliko diete herritarrei. Ondo bidean, urrian egingo den saio ireki batean behin betiko proiektua aurkeztuko zaie herritarrei: “Horrek txertatuta izango ditu, batetik derrigorrezko baldintza teknikoak, bestetik herritarren ekarpenak”.
☉ Arrigorriaga
Ahotsa “askatzeko” tailerra antolatu dute Arrigorriagan, euskara hutsean
Urriaren 15ean antolatu dute tailerra Lamiaenan: “Gure ahotsa askatasunez bizitzen dugunean, geure buruarekin erosoago sentitzeko aukera dugu”
Urriaren 15ean ‘Askatu zure ahotsa’ izeneko tailerra antolatu dute euskara hutsean Lamiaenan, 18:00etatik 20:00ak arte.
Saioa Shakti Olaizolak antolatu du: “Ahotsa ahula bezain indartsua da. Izan ere, ahulezia horrek ematen dio duen indarra”, azaldu dute Lamiaenatik.
“Geure burua adierazteko, komunikatzeko, garena kanporatzeko, sortzeko ahalmena da hori. Horrexegatik dago beti hain baldintzatua tentsio eta blokeoekin. Gure ahotsa askatasunez bizitzen dugunean, geure buruarekin erosoago sentitzeko aukera dugu”.
Ikasturte berriaren programa urriaren 4an hasiko du Lamiaenak Emakume Sortzaileen IV. azokarekin eta ‘(Des)kontrolatuta’ antzerki ikuskizunarekin. Egun horretan, herritarrek egitaraua jasotzen duen liburuxka eskuratu ahal izango dute.
Jarduera honetan eta Lamiaenako besteetan izena emateko epea urriaren 6an zabalduko dute eta leku bitan egin ahalko dira: Lamiaenan bertan, arratsaldeko ordutegian (astelehenetik ostegunera 17:00etatik 20:30era eta ostiraletan 20:00ak arte) edo Abusu Zentro Soziokulturalean (astelehenetik ostiralera 8:00etatik 14:45era).
☉ Arrigorriaga
Gizonak berdintasunaren borrokan inplikatzeko hitzaldia antolatu dute Arrigorriagan
Ikasturte berriaren programa urriaren 4an hasiko du Lamiaenak Emakume Sortzaileen IV. azokarekin
Lamiaena emakumeen etxeak ikasturte berriko programa iragarri berri du Udaleko Berdintasun sailarekin elkarlanean.
“Aurtengo egitarauak ikastaroak, hitzaldiak, solasaldiak, zinema, erakusketak eta tailerrak hartzen ditu barne. Gehienak proposamen berriak dira, Lamienakideek proposatutakoak batzuk, Berdintasun Sailetik behar espezifikoetara erantzuteko diseinatuak besteak”, azaldu dute Lamiaenatik.
Jarduera guztien artean berdinatsuna eta gizonek esparru honetan duten errolaren inguruko hitzaldia prestatu dute: «Non gelditzen gara gizonok berdintasunaren garaian?».
Saioa herritar guztiei zuzenduta dago eta urtarrilaren 20 eta 27an antolatu dute, 18:00etatik 20:00ak arte.
Azkenaldi honetan, berdintasunaren giroa askoz indartsuagoa da. Horrek gizonok kolokan jartzen gaitu eta, askotan, gure lekua zein den ez dugu argi”, azaldu dute Lamiaenatik. “Gainera, gure lagun batzuk ezkor agertzen dira honen aurrean. Tailer honetan, gizonak elkartuko gara, horretaz hitz egiteko, patxadaz eta matxismoak gure kontra eragiten diguten guztiaz hausnartzeko (kotxe istripuak, gartzela, drogak…)”.
Ikasturte berriaren programa urriaren 4an hasiko du Lamiaenak Emakume Sortzaileen IV. azokarekin eta ‘(Des)kontrolatuta’ antzerki ikuskizunarekin. Egun horretan, herritarrek egitaraua jasotzen duen liburuxka eskuratu ahal izango dute.
Jardueretan izena emateko epea urriaren 6an zabalduko dute eta leku bitan egin ahalko dira: Lamiaenan bertan, arratsaldeko ordutegian (astelehenetik ostegunera 17:00etatik 20:30era eta ostiraletan 20:00ak arte) edo Abusu Zentro Soziokulturalean (astelehenetik ostiralera 8:00etatik 14:45era).
☉ Arrigorriaga
Haurrentzako Breakdance ikastaroa antolatu dute Arrigorriagan, urtarrilera bitartean
Eneko Redondo ‘BBoy Witxillok’ eskainiko ditu jarduera hauek eta lehen saio irekia hilaren 23an antolatu dute, 17:30ean
Altzoan Zaintza Sareak eskolaz kanpoko Breakdance ikastaroa antolatu du urritik urtarrilera Arrigorriagako eskolako frontoian 4 eta 8 urte bitarteko haurrentzat.
Eneko Redondo ‘BBoy Witxillok’ eskainiko ditu jarduera hauek eta lehen saio irekia hilaren 23an antolatu dute, 17:30ean. Ordubeteko saioak izango dira hilabeteko astearte bitan: 4 eta 5 urteko haurrena 17:15etan programatu dute eta 6 eta 8 urte bitarteko umeen taldearen saioa 18:15etan izango da.
“Helburua eskolaz kanpoko ekintza ezberdinak eskaintzea da”, azaldu dute Altzoan Zaintza Saretik. “Kirola egiteko jarduerak ere martxan ipiniko ditugu eta baita gorputz adierazpena susatzen dituztenak ere, adin tarte horretan oso garrantzitsua baita umeentzat norberaren gorputza ezagutzea, kontrolatzea eta maitatzea, ‘Dantza & Jolasa Familiartean’ jarduerarekin bezala”.
Eskolaz kanpoko ekintzen maiztasunari dagokionez, helburua da haurren denbora eta jolas librea ez moztea. Hori dela eta programatu dituzte bi astean behin: “Horrela, familiei bestelako jarduerak egiteko aukera ematen diegu”.
Lauhilekoaren prezioa 65 eurokoa da. Informazio gehiagorako eta izena emateko ipini harremanetan altzoansarea@gmail.com helbide elektronikora e-posta bidaliz.
☉ Arrigorriaga
Bideoa | Infekzio-gaixotasunei aurre egiteko prebentzio-protokolo falta salatu dute Arrigorriagako Arandia egoitzako langileek
Domus VI taldeko langileak ostegunero elkartuko dira Arandiako egoitzaren aurrean, bizi duten egoera salatzeko
Gaur goizean kalera irten dira berriro Arandia egoitzako langileak, beren lanpostuetan “osasuna arriskuan dagoela” salatzeko.
GEURIAri azaldu lez, infekzio-gaixotasunei aurre egiteko prebentzio-protokolo falta salatu dute Arrigorriagako zentroko langileek eta egoera salatzeko mobilizazioa egin dute zentroaren aurrean.
“Arrigorriagako egoitzan ez dago langile nahikorik”, gehitu dute ELA sindikatuko ordezkariek. “Garabi falta, aldagelak, ohe barrak, gortinak… eta infekzio gaixotasunei aurre egiteko prebentzi-protokolo eguneraturik ez dago. Horri gehitu behar zaizkio inolako justifikaziorik gabeko kaleratzeak eta zehazpen-espedienteak”.
Gainera, sindikatuko ordezkariak azaldu du Domus VI taldeak langileen mobilizazioari esker egindako arrisku psikosozialen balorazioa ez duela osatu: “Ebaluazio horrek argi eta garbi islatzen du langile falta eta lan-gainkarga. Datuak kezkagarriak dira eta presazko neurri eraginkorrak hartzea eskatzen dugu”.
ELA: “Ebaluazio horrek argi eta garbi islatzen du langile falta eta lan-gainkarga. Datuak kezkagarriak dira eta presazko neurri eraginkorrak hartzea eskatzen dugu”
Ondorio modura, Arandiako langileek ez dute onartuko beren osasunarekin jolasten jarraitzea, eta mobilizazio-dinamika batekin jarraituko dutela iragarri dute, egoera konpondu arte. Izan ere, langileak ostegunero elkartuko dira Arandiako egoitzaren aurrean, bizi duten egoera salatzeko.
Langileak, Arandia zentroko leihoetan // Geuria
Langileak eta egoiliarrak, kaltetuak
Gaurko mobilizazioak egoiliarren eta langileen arreta erakarri du eta horietako batzuk kalera irten dira, langileen borrokarekin bat egitera.
GEURIAk bertako familia batekin berba egiteko parada izan du eta egoera honek egoiliarrengan eta beren familiengan eragin zuzena duela azaldu dute. Ez dute izen abizenik eman nahi, “horrek izan ditzakeen ondorioak direla eta”. Hala ere, familiaren arabera, 43 egoiliar daude solairu bakoitzean eta horiek artatzeko pertsona bi baino ez daude kasurik onenean. Guztira 132 egoiliar daude Arrigorriagako egoitzan: “Langile falta izugarria da egoitza honetan”, kexatu dira.
Familiaren arabera egoerak nabarmen egin zuen txarrera 2019an, zentroak zuzendaritza aldatu zuenean: “Kudeaketa guztiz aldatu zen pribatizatu zenean langile eta janari kopuruan eta zainketan aurreztu zuen enpresa berriak. Langileak leher eginda daude: ordutegi txarrak dituzte, soldata kaxkarrak… eta lanez gainezka daude beti”. Enpresari langileek bizi duten egoeraren berri ematen dieten bakoitzean “egin beharrekoak egiten dituztela” izaten da erantzuna, familiaren arabera.
“Kudeaketa oso txarra izaten ari da, baina momentu txarrena itzalaldi masiboa gertatu zen bezperan bizi izan genuen Arandian”, gehitu dute. “Joan den apirilaren 28an izan zen eta zentroa argindarrik gabe egon zen bi orduz. Elektrogeno-taldea ez zebilen eta ez zegoen larrialdi egoetarako planik ere ez. Zentroko zuzendaritza oporretan zegoen eta inprobisazioz egin behar izan zuten lan bertako langileek. Onartezina da”. Sindikatuaren arabera, gaur egungo lan-giroa “tirabiratsua” izaten ari da eta “egungo zuzendaritzarekin ezinezkoa da elkarrizketa adeitsua izatea”.
Elkarretaratzeko langileak // Geuria
Egoiliarren osasuna eta ongizatea lehentasuna dira guretzat, eta hori bermatzeko konpromisoz eta profesionaltasunez lan egiten jarraitzen dugu”, azaldu dute ELAtik. “Baina premiazkoa da egoera hau aldatzea, langileen osasuna jokoan dagoelako”
☉ Arrigorriaga
Bihar da Gure Magalean Arrigorriagako elkarteko eskolaz kanpoko ekintzetan izena emateko azken eguna
“Lankidetza, talde lana, besteenganako begirunea eta parte-hartze aktiboa dira ekintza hauen ardatza”, azaldu dute Gure Magalean elkartetik
Irailaren 19a da Gure Magalean Guraso Elkarteak antolatutako eskolaz kanpoko jardueretan izena emateko azken eguna.
Balleta, eskalada, batukada, xakea, jolas kooperatiboak, irristaketa, margogintza, multikirola… eskaintza zabala plazaratu dute guraso elkartetik: “Lankidetza, talde lana, besteenganako begirunea eta parte-hartze aktiboa dira ekintza hauen ardatza”, azaldu dute Gure Magaleanetik.
Gure Magalean | Eskolaz kanpoko jarduerak 2025
4-5 urteko haurrak
Ingelesa Ludoteka: 4 urtekoak, astelehenetan; 5 urtekoak, asteazkenetan
Balleta: astezkenetan
Dantza Modernoa: 4 , ostegunetan; 5 urtekoak, ostiraletan
Taekwondo: 5 urtekoak, astelehenetan; 4 urtekoak, asteazkenetan
Irristaketa: 5 urtekoak, ostiraletan (16:45-17:45)
Jolas kooperatiboak: 4 eta 5 ustekoak, asteartetan
1. 2. eta 3. mailakoak
Margogintza: 3. maila, astelehen eta asteartetan; 1. eta 2. maila, asteazkenetan; 1. maila, ostegunetan; 2. maila, ostiraletan
Ingelesa Ludoteka: 1. maila, ostiraletan
Balleta: 1. maila, asteazkenetan
Eskalada: 1. 2. eta 3. maila, astelehenetan eta ostegunetan
Batukada: 1. eta 2. maila astelehenetan; 2. eta 3. maila, asteazkenetan
Dantza modernoa: 1. 2. eta 3. maila, astelehen, astearte eta asteazkenetan
Xakea: 2. eta 3. maila, ostegun eta ostiraletan
Joskintza: 1. 2. eta 3. maila, astelehen eta asteazkenetan
Esku Pilota: 1. 2. eta 3. maila, astelehen eta ostiraletan
Irristaketa: 1. 2. eta 3. maila, ostiraletan (16:45-17:45)
Multikirola: 1. 2. eta 3. maila, asteartetan
4. 5. eta 6. maila
Margogintza: 5. maila, astelehenetan; 4. maila, astearte eta ostegunetan; 6. maila, asteazkenetan; 5. eta 6. maila, ostiraletan
Eskalada: 4. 5. eta 6. maila, astelehen eta ostegunetan
Antzerkigintza: 5. eta 6. maila, asteazkenetan
Batukada: 4. 5. eta 6. maila, astelehen eta asteazkenetan
Dantza modernoa: 4. eta 5. maila, astelehenetan; 6. maila, ostiraletan
Hip Hop: 4. 5. eta 6. maila, ostegun eta ostiraletan
Xakea: 4. 5. eta 6. maila, ostegun eta ostiraletan
Joskintza: 4. 5. eta 6. maila, astelehen eta asteazkenetan
Irristaketa: 4. 5. eta 6. maila, ostiraletan (16:45-17:45)
Multikirola: 4. 5. eta 6. maila, asteartetan
Argazkiak | Moda pasarela bilakatu da gaur Galdakao, Santakurtze jaietan
‘Jone, batzuetan’ filma euskaraz proiektatuko dute Social Antzokian, Basaurin
Ahotsa “askatzeko” tailerra antolatu dute Arrigorriagan, euskara hutsean
Argazkiak | Moda pasarela bilakatu da gaur Galdakao, Santakurtze jaietan
Argazkiak | Galdakaoko jaietako Playback lehiaketa 140 argazkitan!
Argazkiak | Kuadrillak busti dira gaur Galdakaoko jaietan: batzuk euripean, beste batzuk Paddle Surfean
Bideoa | DJ Pipi Galtzaluze: «Musika ona, energia eta publikoarekin konektatzea da ondo pasatzeko gakoa»
Bideoa | Antzeko, Bertan Kaldo eta Dekantzekoz, Galdakaoko jaietako Playback lehiaketako onenak!
