☉ Ugao
Ernesto Fernandez: « Telebistan ausardia eta Ikuskizuna emateko gaitasuna bilatzen dute partaideengan»
‘Atrápame si puedes’, ‘Lingo’, ‘Dale una vuelta’ eta ‘La ruleta de la suerte’ saioetan lehiakide moduan ikusi dugu kamera aurrean ugaotarra eta azken parte-hartzea Antena3ko ‘Salta’ saioan izan da
Ernesto Fernandez Valerio auzotarra (Ugao, 1981) soberan ezagutzen dugu GEURIAn. Izan ere, 2022an elkarrizketatu genuen Ugaoko antzerki ziklo baten haritik. Baina oraingo honetan beste arrazoi batengatik izan gara berarekin: Fernandezek telebista programak maite ditu, bereziki kulturako quiz show formatukoak: ‘Atrápame si puedes’, ‘Lingo’, ‘Dale una vuelta’ eta ‘La ruleta de la suerte’ saioetan lehiakide moduan ikusi dugu kamera aurrean eta azken parte-hartzea Antena3ko ‘Salta’ saioan izan da. Kamera aurrean zoriontzu bizi da Ugaoko aktorea, eta mendekotasuna sortzen duen fenomenoa dela aitortu digu.
Ernesto, Jane jauregian // Geuria
Zer dela eta egin hasi zinen telebistako programetan parte hartzen? Telebistako lehiaketetan parte hartzen hasi nintzen, eta, aldi berean, eszenatoki batera igo nintzen lehen aldiz; jendaurrean hitz egiteko beldurra galdua nuen. 2009an hasi nintzen nire lehen lehiaketan, eta ordutik hamar baino gehiagotan parte hartu dut. Horiek guztiak kultura orokorraren ingurukoak dira, zeren eta, azken finean, uste baitut horietan defenda naitekeela hobekien. Ikusi nauzuen azken saioa Antena3en ‘Salta’ da, baina parte hartu dut ‘Atrápame si puedes’, ‘Lingo’, ‘Dale una vuelta’, … agian egunen batean ‘El conquis’-en ikusiko nauzue? Ez dut uste! (barreak).
Ikusi dugu ‘La ruleta de la suerte’ saioan ere hartu duzula parte. Parte-hartze hau bereziki gogoan dut, telebistako saio historikoa baita, betidanik gogoratzen dut garai ezberdinetan. Eta oso zaila da lehiatzea, oso gutxitan irekitzen dutelako castinga eta jende askok parte hartu nahi duelako. Baina saiatu nintzen, deitu zidaten, proba batzuk egin nituen eta azkenean aukeratu egin ninduten. Begi ona izan nuen, finalera iristea lortu nuen eta diru asko lortu nuen.
Nolako esperientzia izan da Salta saioan parte hartzea? Esperientzia guztiz sinestezina izan zen: programa hau berezia izan zen. Kateak Herbehereetan grabatzea erabaki zuen, bertan grabatu baitziren formatuaren bertsio guztiak. Beraz, esperientziak hiru egun iraun zuen, eta reality baten antzekoena izan zen: hegazkinak, hotela, platoa… Hiru egun oso trinkoak izan ziren, eta 25 lehiakidez osatutako talde batek bat egin genuen. Programari berari buruz ari garela, lantalde osoak bikain tratatu gintuen, hasieratik amaierara, lantalde tekniko eta giza talde bikaina izan genuen. Ehun aldiz errepikatuko nuke begiak itxita. Leku bakoitzetik, beti geratzen naiz ezagutzen dudan jendearekin, eta kasu honetan are gehiago. Hau da abentura hauetan parte hartu ondoren geratzen dena: pertsonak.
Nik gogoratzen dut zurekin antzerkiaren inguruan egin genuela berba baina telebistaren mundua, quiz showena zehazki, oso ezberdina. Nolako aldea ikusten duzu? Antzerkia eta telebista oso desberdinak dira. Antzerkian entseatu, lan egin, orduak sartu… egin dezakezu, baina telebistako lehiaketetan, ikusleek ikusten dutena da egiten duzuna, zure ezagutzaren mende zaude. Baina, aldi berean, oso antzeko munduak dira: bi kasuetan, badakizu jende asko duzula zuri begira, zu epaitzen, baina batez ere gozatzen. Eta antzerkiko txipa baduzu telebistan zaudenean, erdia eginda daukazu. Urduritasuna kontrolatzen baduzu, dena naturalago irtengo da, jendearekin hobeto konektatzeko aukera egongo da. Ikuskizuna eman behar da edozer gauzaren gainetik. Telebistako lehiaketa batera joan behar baduzu lehenengoa joango zarela pentsatuz, hobe duzu ez joatea. ‘Salta’ saioan, 20.000 eurorekin planto egin nezakeen, baina ez nuen egin: azken momentura arte eman behar da ikuskizuna. Horixe da azken batean baloratzen dutena fitxatzen zaituzten pertsonek: ausardia eta ikuskizuna.
‘Atrápame si puedes’ saioan // Utzitakoa
Animorik jaso duzu Ugaoko herritarren aldetik? Zerbait nabarmendu behar badut, nire ugaotar bizilagunen babesa da. Kalean gelditu eta animatu egiten naute, ikusten nauten bakoitzean hurrengo lehiaketa zein den galdetzen didate. Eta noizbait galdera bat huts egiteagatik galdu egin badut, ez dago gaitzespenik; guztiz kontrakoa! nirekin daude beti. Jende askok esaten dit ni lehiaketetan ikusteak poza ematen diela, hunkitu egiten direla nirekin, harro daudela hiriko bizilagun batek Ugao izena alde guztietatik harro daramadalako. Ezin naiz harroago egon Ugaokoa naizelako eta jendeak horrela maite nauelako. Gainera nire gurasoei asko gustatzen zaie ni lehiaketetan ikustea, eta ni zoriontsu naiz nitaz harro ikusita.
Zein da zure hurrengo erronka? Nire interesekoa den lehiaketa bat hasiko dela jakin bezain pronto, bertan izena ematen dut. Momentu honetan Brasilen grabatuko den programa batean parte hartzeko zain nago, eta baita gure lurraldeko beste batean ere, Euskal Telebistan. Baina badakizu nola doan hau, ezin dizut asko kontatu (barreak). Dena ondo badoa, laster ikusiko nauzue lehiaketa gehiagotan. Telebista saioetan parte hartzearen fenomeno honek mendekotasuna sortzen du: behin hasita ezin diozu parte hartzeari utzi. Eta ni kamera baten aurrean zoriontsua naiz. Zertarako nahi dut gehiago?
☉ Ugao
Nagore Urueña Ugaoko zinegotziak herriko jaietan jasandako azken erasoa salatu du
Aurreko urteetan ez bezala, aurtengo erasoak “muga guztiak gainditu dituela” adierazi du Ugaoko zinegotziak sareetan
“Beste urte batez, Ugaoko jaietan opari berria utzi didate etxean”, azaldu du Nagore Urueña Ugaoko zinegotziak. “Baina aurreko urteetan ez bezala, aurten trafiko-bolardoa bota digute balkoira eta azken eraso honek muga guztiak gainditu ditu”, salatu du herritarrak.
Urueñaren arabera, onartezina da ideologia politiko jakin bat izateagatik urtez urte era horretako erasoak jasatea: “Pentsatzeko era biolentziaren bidez aldatzen saiatzea ez da bidea, guztiz kontrakoa; gure pentsaera zuzena dela esan nahi du horrek”, eta jende horrek besteek desberdin edo beraiek bezala pentsatzen saiatzeko beste modu batzuei buruz hausnartzea “interesgarria” litzatekeela proposatu du.
Ugaoko gobernu taldeak “bere gaitzespenik sendoena” adierazi du joan den asteburuan gertatutako azken erasoaren aurrean. Izan ere, Segurtasun Sailak aditzera eman duenez, joan den irailaren 14ko goizaldean, 01:00ak aldera, norbaitek trafiko-bolardo edo pibote bat jaurti zuen Ugaoko EAJko zinegotziaren etxearen aurka, kalteak eraginez balkoiko pertsianan.
“Ez da gertaera isolatua. 2022az geroztik, zinegotzia iraindu, mehatxatu eta bere etxebizitzaren aurkako erasoak jasan ditu”, azaldu dute udal ordezkariek. “Indarkeriazko ekintza horiek gure gizartea gidatu behar duten bizikidetza, errespetua eta printzipio demokratikoak larriki urratzen dituzte.”
Nagore Urueña: “Pentsatzeko era biolentziaren bidez aldatzen saiatzea ez da bidea, guztiz kontrakoa; gure pentsaera zuzena dela esan nahi du horrek”
Bozeramaileen Batzordeak elkartasuna eta babes osoa adierazi nahi izan dizkio Nagoreri eta bere familiari. “Aldi berean, irmo arbuiatzen dugu herritarrak zilegitasunez ordezkatzen dituztenen aurkako indarkeria, mehatxu edo jazarpen oro. Ugaon ez dute lekurik jokabide koldar eta onartezin hauek”.
“Ekintza onartezina, justifikaezina eta koldarra da”, azaldu du Iñigo Ansola Kareaga Bizkai Buru Batzarreko presidenteak bere sareetan, eta alderdi guztiek salatu beharreko ekintza dela gehitu du. Ekaitz Mentxaka Ugaoko alkateak ere irmoki gaitzetsi du eraso berri hau: “Hirugarren erasoa da eta Udaletik guztiz gaitzesten dugu”.
“Aniztasun politikoan oinarrituta, errespetuaren, bizikidetza baketsuaren eta balio demokratikoen defentsaren aldeko deia bateratua egiten dugu. Indar guztiekin lan egiten jarraituko dugu indarkeriarik gabeko Ugao baten alde, non inor ez den erasotua bere ideiengatik edo konpromiso instituzionalagatik”, gehitu dute udal ordezkariek.
Beste eraso bat
Urueñak horrelako ekintza gehiago jasan ditu azken urteetan: arazoak 2022an hasi ziren, eta 2024an irainak eta mehatxuak egin zizkioten. Gainera, urte berean etxearen kontra objektuak bota zizkioten.
Azken erasoa iazko ekainean jasan zuen, GEURIAn iragarri lez, norbaitek etxeko fatxadaren aurka arrautzak bota zizkionean. Egoera honen aurrean, Ugaoko Udalak “aho bateko gaitzespena” erakutsi zuen, eta “Udalbatzako indar politiko guztiek gertutasuna eta babesa adierazi nahi izan zizkieten irainak eta bere etxeko leihoan objektuen jaurtiketak jasan behar izan dituen biktimari eta haren senideei”.
☉ Ugao
Argazkiak | Jaietako indaba janak ugaotarrez bete du institutuko pista
Beste urte batez bertara gerturatu gara, indaben usain zoragarria eta festetako giro ezinhobeaz gozatzeko
Ugaoko jaiek azken txanpa hasi dute eta egun garrantzitsua da gaurkoa ugaotarrentzat, herri indaba jana egin dutelako institutuko kirol pistan. Beste urte batez bertara gerturatu gara, indaben usain zoragarria eta festetako giro ezinhobeaz gozatzeko.
Aurten 340 pertsonak hartu dute parte herri bazkarian. Urtez urte errezeta egiteko teknika alda daiteke, baina badago edizio bakoitzean mantendu egiten den ezaugarri bat: indabek ez dutela adinik ezta bereizketarik egiten: haurrak, gazteak, helduak… ikusten dira elkarren artean urtero, denok elkarrekin, giro zoragarrian.
Sukaldarien amantaletan ipintzen duen moduan: “Guztion artean, geurea zaintzen”.
☉ Ugao
Ugaoko udal bozeramaile batzordeak EAJko zinegotzi bati egindako azken erasoa gaitzetsi du
“Ez da gertaera isolatua. 2022az geroztik, zinegotzia iraindu, mehatxatu eta bere etxebizitzaren aurkako erasoak jasan ditu”, azaldu dute udal ordezkariek
Ugaoko gobernu taldeak “bere gaitzespenik sendoena” adierazi du EAJko zinegotzi batek jasandako azken erasoaren aurrean.
Izan ere, Segurtasun Sailak aditzera eman duenez, joan den igande goizaldean, 01:00ak aldera, norbaitek trafiko-bolardo edo pibote bat jaurti zuen Ugaoko EAJko zinegotzi baten etxearen aurka, kalteak eraginez herritarraren pertsianan.
“Ez da gertaera isolatua. 2022az geroztik, zinegotzia iraindu, mehatxatu eta bere etxebizitzaren aurkako erasoak jasan ditu”, azaldu dute udal ordezkariek. “Indarkeriazko ekintza horiek gure gizartea gidatu behar duten bizikidetza, errespetua eta printzipio demokratikoak larriki urratzen dituzte.”
Bozeramaileen Batzordeak elkartasuna eta babes osoa adierazi nahi dizkio erasoa jasan duen ordezkariari eta bere familiari. “Aldi berean, irmo arbuiatzen dugu herritarrak zilegitasunez ordezkatzen dituztenen aurkako indarkeria, mehatxu edo jazarpen oro. Ugaon ez dute lekurik jokabide koldar eta onartezin hauek”.
“Ekintza onartezina, justifikaezina eta koldarra da”, azaldu du Iñigo Ansola Kareaga Bizkai Buru Batzarreko presidenteak bere sareetan, eta alderdi guztiek salatu beharreko ekintza dela gehitu du. Ekaitz Mentxaka Ugaoko alkateak ere irmoki gaitzetsi du EAJko zinegotziak jasandako eraso berri hau: “Hirugarren erasoa da eta Udaletik guztiz gaitzesten dugu”. Hurrengo orduetan oharra plazaratuko du Udalak.
“Aniztasun politikoan oinarrituta, errespetuaren, bizikidetza baketsuaren eta balio demokratikoen defentsaren aldeko deia bateratua egiten dugu. Indar guztiekin lan egiten jarraituko dugu indarkeriarik gabeko Ugao baten alde, non inor ez den erasotua bere ideiengatik edo konpromiso instituzionalagatik”, gehitu dute udal ordezkariek.
Beste eraso bat
Ugaoko EAJko zinegotziak horrelako ekintza gehiago jasan ditu azken urteetan: arazoak 2022an hasi ziren, eta 2024an irainak eta mehatxuak egin zizkioten. Gainera, urte berean etxearen kontra objektuak bota zizkioten.
Azken erasoa iazko ekainean jasan zuen, GEURIAn iragarri lez, norbaitek etxeko fatxadaren aurka arrautzak bota zizkionean. Egoera honen aurrean, Ugaoko Udalak “aho bateko gaitzespena” erakutsi zuen, eta “Udalbatzako indar politiko guztiek gertutasuna eta babesa adierazi nahi izan zizkieten irainak eta bere etxeko leihoan objektuen jaurtiketak jasan behar izan dituen biktimari eta haren senideei”.
☉ Ugao
Ugaoko EAJko zinegotzi baten etxea erasotu dute asteburuan, pibote batekin
Ekaitz Mentxaka Ugaoko alkateak irmoki gaitzetsi du EAJko zinegotziak jasandako eraso berri hau
Segurtasun Sailak aditzera eman duenez, joan den igande goizaldean, 01:00ak aldera, norbaitek pibote bat jaurti zuen Ugaoko EAJko zinegotzi baten etxearen aurka, kalteak eraginez herritarraren pertsianan.
“Ekintza onartezina, justifikaezina eta koldarra da”, azaldu du Iñigo Ansola Kareaga Bizkai Buru Batzarreko presidenteak bere sareetan, eta alderdi guztiek salatu beharreko ekintza dela gehitu du.
Ekaitz Mentxaka Ugaoko alkateak irmoki gaitzetsi du EAJko zinegotziak jasandako eraso berri hau: “Hirugarren erasoa da eta Udaletik guztiz gaitzesten dugu”. Hurrengo orduetan oharra plazaratuko du Udalak.
2024an bota zizkioten arrautzen arrastoak // Utzitakoa
Beste bat
Ugaoko EAJko zinegotziak horrelako ekintza gehiago jasan ditu azken urteetan: arazoak 2022an hasi ziren, eta 2024an irainak eta mehatxuak egin zizkioten. Gainera, urte berean etxearen kontra objektuak bota zizkioten.
Azken erasoa iazko ekainean jasan zuen, GEURIAn iragarri lez, norbaitek etxeko fatxadaren aurka arrautzak bota zizkionean. Egoera honen aurrean, Ugaoko Udalak “aho bateko gaitzespena” erakutsi zuen, eta “Udalbatzako indar politiko guztiek gertutasuna eta babesa adierazi nahi izan zizkieten irainak eta bere etxeko leihoan objektuen jaurtiketak jasan behar izan dituen biktimari eta haren senideei”.
Emahots talde feministak bere sareetan jakitera eman du bart goizaldean emakume bat erasotua izan zela Ugaoko txosnagunean.
Modu berean, eraso honi eman zitzaion erantzuna ere gaitzetsi dute, “ egondako irain arrazista eta indarkeriagatik”.
Bukatzeko, “txosnagunea espazio segurua izatea denon ardura” dela aldarrikatu dute.
Haurrentzako Breakdance ikastaroa antolatu dute Arrigorriagan, urtarrilera bitartean
Etxebarriko Euskaltegian izena emateko epea zabalik dago urriaren 3ra arte
Bi gazte atxilotu dituzte Galdakaoko etxebizitza batean indarrez sartzeagatik
Argazkiak | Galdakaoko jaietako Playback lehiaketa 140 argazkitan!
Argazkiak | Kuadrillak busti dira gaur Galdakaoko jaietan: batzuk euripean, beste batzuk Paddle Surfean
Argazkiak | Jaietako indaba janak ugaotarrez bete du institutuko pista
Bideoa | Antzeko, Bertan Kaldo eta Dekantzekoz, Galdakaoko jaietako Playback lehiaketako onenak!
Bideoa | Infekzio-gaixotasunei aurre egiteko prebentzio-protokolo falta salatu dute Arrigorriagako Arandia egoitzako langileek
