☉ Hego Uribe
Europako jardunaldiek ekitaldi inklusibo eta irisgarriak ekarriko dituzte Arrigorriaga, Etxebarri eta Ugaora aurten
Urtero bezala eta udazkenaren helduerarekin, urrian Ondarearen Europako Jardunaldiak bueltan Bizkaia osoko herrietara helduko dira, aurtengo gaia ‘Ondare irisgarria eta inklusiboa’ izanik.
Urtero bezala eta udazkenaren helduerarekin, urrian Ondarearen Europako Jardunaldiak bueltan Bizkaia osoko herrietara helduko dira, aurtengo gaia ‘Ondare irisgarria eta inklusiboa’ izanik. “’Guztion ondarea, denok parte!’ leloak ezin hobeto finkatzen dau bizipenak eta ikuspegiak alkarri azaltzeko eta danontzako moduko programea gozatzeko esparrua, pertsonak erdigunean jarrita. Kultura ondarea komunidadeko pertsonen adierazgarria baino ez da: geure baloreak, sinisteak, ezagutzak eta ohiturak adierazten ditu. Horregatik, guztion eskubidea da kultura ondarea gozatzea. Horixe da aurtengo edizinoan aldarrikatzen doguna: ondare inklusiboa, kidetasunean, libre, lasai, oztoporik gabe, gustora bizitzea gure kuktur esperientzia” azaldu zuen Euskara, Kultura eta Kirol diputatu Lorea Bilbao Ibarrak Bilbon egindako aurkezpen egunean.
214 jarduerak osatuko dute aurtengo Ondarearen Europako Jardunaldiak bizkaiko hainbat lekuta, formatu askotako jarduerak eskainiz: bisitak, ibilbide eta ibilaldi gidatuak, tailerrak, hitzaldiak, mahai-inguruak, konferentziak, topaketak, lekukotzak, ipuin kontaketak, erakusketak, kontzertuak, ikus-entzunezkoen proiekzioak, bideo-forumak, lehiaketak, ginkhana formatuko jarduerak…
Ondarearen Europako Jardunaldiak Etxebarriko hezkuntza zentroetan, 2020an // Geuria
Jarduerak, eskualdean
Foru Aldundiak Bizkaia osoan antolatu dituen 214 jarduera horietatik bost gure eskualdean antolatuko dituzte: Arrigorriagan, Etxebarrin eta Ugaon.
ARRIGORRIAGA
- Gure Memoria Migrantea Eraikitzen: Iragana eta Oraina: Gure herrira, etorkizun desberdin baten bila etorri ziren pertsonen istorioak ezagutzeko jarduera proposatzen dugu. Urruneko jatorria duten pertsonekin esperientziak partekatu ahal izatea da helburua. Horrela, beste orainaldi bat eraikiko dugu, pertsona guztiak kontutan hartzen duen orainaldia, etorkizun komuneko pertsonen iraganeko eta orainaldiko ezagutzak partekatuz.
- Noiz: Urriak 7, 19:00etatik 20:30ak arte
- Non: Arrigorriagako udaletxeko Euskaldunberria aretoan
- Antolatzaileak: Malmasingo Lagunak, Arrigorriaga Harrera Herria eta Arrigorriagako Udala
- Emakumeak Barne: Emakumeak Erdi Aroan Bizkaian: Oraingoan emakumetara eta historian zehar izan duten presentziara gerturatuko gara, zehazki Erdi Aroan Bizkaian izan zuten papera eta bizimodua aztertzera. Horrela, diskurtso inklusiboagoa sortu nahi dugu. Era berean, historikoki esanguratsua izan den talde gisa, hau da jasotzen dugun diskurtsoaren subjektu historiko gisa, emakumeen presentzia erakustarazi nahi dugu. Horrela, berdintasun historia baterantz aurrera egin dezagun.
- Noiz: Urriak 28, 19:00etatik 20:30ak arte
- Non: Lonbo aretoa
- Antolatzaileak: Malmasingo Lagunak eta Arrigorriagako Udala
ETXEBARRI
- Ibilbide ludiko-historikoak: Etxebarriko beheko aldean udalerriaren toponimia, zenbait leku historiko eta interes arkitektonikoa duten lekuak ezagutzera emango diren hiri-ibilbide bat dinamizatuko da (4 km guztira). 1,5 km-ko aukera laburrago bat ere moldatuko da.
Mugikortasun murriztua eta aniztasun funtzional sentsoriala (ikusmen edo entzumen urritasuna) duten pertsonentzat moldatutako informazioa eta seinaleztapena izango ditu Udalak seinaleztatutako ibilbide honek.- Noiz: urriaren 18tik 21era, 12:00etatik 14:00ak arte (talde hitzartuak); urriaren 22 eta 23, 12:00etatik 14:00ak arte eta 17:00etatik 20:00ak arte; urriak 24, 12:00etatik 14:00ak arte
- Non: San Esteban eliza
- Antolatzailea: Etxebarriko Udala
- Harrera-Acogida: Erakusketa gidatu eta iruzkindu honen bitartez aniztasun funtzional intelektuala eta psikikoa duten artisten lanak ezagutzeko aukera izango ditugu. Erakusketaren gaiak gerren eta gatazka belikoen ondoriozko
errefuxiatuen fenomenoan sakonduko du.
Ekintza BilbaoFormArte prestakuntza-zentroarekin elkarlanean antolatuko da Zentro honek arte sorkuntzaren bidez, aniztasun funtzional intelektual edo psikikoa duten pertsonei garapen pertsonaleko eta profesionaleko programa bat eskaintzen die.- Noiz: urriak 15 eta 22, 17:00etatik 20:00ak arte; urriak 16 eta 23, 12:00etatik 14:00ak arte eta 17:00etatik 20:00ak arte; urriak 17 eta 24, 12:00etatik 14:00ak arte; urriaren 18tik 21era talde hitzartuak.
- Non: Kultur etxea
- Antolatzaileak: Etxebarriko Udala eta Bilbao Formarte
UGAO
- Ondarea eta Hirugarren Adina “Guztiona eta Guztientzat” bisita antzeztuak: Bisita antzeztua Ugaon zehar, non Martin Merkataria dugun. Berarekin aukera izango dugu errege-bidearen abenturak ezagutzeko. Ibilbidean zehar aukera izango dugu istorioak zein pasadizoak ezagutzeko, eta Erdi Aroko joko errazak burutuko dira. Gainera, amaitzeko tailer bat burutuko dugu hiribilduko eta gure museoko oroigarri bat eraman dezagun.
Era berean, aurreko egunetan museoa Ugaoko eguneko zentrora “mugituko da” museoa bertara joan ezin diren adinekoei gerturatzeko. Bertan, belaunaldi arteko zenbait tailer burutuko ditugu, non jakintzak, esperientziak… trukatuko diren. “Gazteen eta nagusien parte-hartzea bultzatzea da edizio honetako beste helburuetako bat, belaunaldien arteko tailerren bitartez. Nagusien lekukotzak, “oroimenaren zaindarienak”, gazteenekin partekatuko dira Artzentalesen, Bermeon, Garain, Getxon eta Ugaon. Besteak beste, bizimoduen eta ohituren eraldaketa edo kultur paisaia bezalako gaiak jorratuko dira”, azaldu dute Bizkaiko Foru aldunditik.- Noiz: urriak 7 eta 8, 10:00etan eta 12:00etan
- Non: HIEZK Ugaoko Historia eta Ingurumena Ezagutzeko Zentroa
- Antolatzaileak: Ugaoko Udala, HIEZK Ugaoko Historia eta Ingurumenna Ezagutzeko Zentroa, CIHMA
2020ko Europako jardunaldiak Ugaon, UB5 Teatroko Ernesto Fernández aktoreagaz // Utzitakoa
☉ Hego Uribe
ZOZKETA / ‘Ezinbestekoak’ diren bi saskien zozketa, Errigora eta GEURIAren eskutik
Zozketa Geuriaren Instagram sare sozialaren bidez egingo da eta parte-hartzaileek hiru pauso erraz bete beharko dituzte, komunitatea sortzeko eta Agerreko euskara pizteko.
Martxoaren 10etik 26ra luzatuko da Errigora auzolan-ariketa erraldoi honetan Agerreko —alegia, Nafarroa erdi eta hegoaldeko— produktuen eskaintza. Horien balioaren % 25 zonaldeko euskalgintzari bideratuko zaio.
Euskara hauspotzen duten eragileentzako ekarpena indarrak batuz egiten da ‘Eskutik eskura’ kanpainari esker, Nafarroa hegoalde eta erdialdeko euskalgintzari behar duen haize bolada bidaltzeko.
Zozketa Instagram sare sozialaren bidez egingo da eta honakoak dira zozketan parte hartzeko pausoak:
😍 @geuria.eus jarraitu
❤️ Like eman
💬 Zein lagunekin egingo zenuke otordutxo eder bat? 😉 Etiketatu.
🔴 Gorria edo 💚 Berdea? Elkarbanatu zure story-etan nahiago duzun saskiaren argazkia eta @geuria.eus aipatu. Horrrela jakingo dugu zein saski duzun gustukoen.
Zozketan parte hartzeko epea zabalik dago urriaren 31ra arte (12:00). Datozen egunetan egingo dugu zozketa eta irabazleak postean bertan etiketatuko ditugu. 48 orduren buruan irabazleren bat ez bada GEURIArekin harremanetan jarri, txandapasa egingo dugu eta zerrendako hurrengoari paso emango diogu.
Irabazleetako bat bazara, nola jarri GEURIArekin harremanetan? Instagram bidez mezu bat bidalita, info@geuria.eus helbide elektronikora idatzita edo 944 406 692 telefono zenbakira deituta.
Errigorak produktuak salgai ditu errigora.eus atari digitalaren bidez. Eskaera egin eta banaketa hurrengo asteetan izango da eta, salbuespenak salbuespen, produktu guztiak aldi berean jasoko dituzte erosleek. Eskaera egiterakoan aukeratu behar duzu produktuak jasotzeko puntua eta bertan zehaztutako egun eta ordutegian pasa beharko duzu jasotzera. Hego Uribe eskualdeko hainbat puntutan ere eros daitezke kutxak. (+) ikurra duten guneetan, internet bidez erosi eta bertan jaso daiteke erosketa.
ARRIGORRIAGA
Arrigorriagako AEK
BASAURI
+Bolintxu AEK
GALDAKAO
+Eguzkibegi Ikastola
Martxan da Basaurin eta Galdakaon Berbalagun egitasmoa. Aurtengoa hamabosgarren edizioa da Basaurin eta hogaita batgarrena Galdakaon.
Programaren helburua da euskaldun berriei ikasitakoa praktikara eramateko zubi lana egitea eta euskaraz bizi nahi duten euskaldun osoei euren ingurua euskalduntzen laguntzea.
Hasierako asmoa zen taberna batean euskaraz berba egiteko taldeak sortzea, baina urtetik urtera hedatu egin da ekimena eta interes talde desberdinak eratu dituzte bai Basaurin bai Galdakaon. Hala nola, mendi taldea, jostun taldea, euskal dantza taldea, txalaparta taldea, bizkaiera lantzeko taldea, Gurasolagun taldeak, musean aritzeko taldeak edota irakurketa taldea.
Eta, aurten, nobedade gehiago izango ditu egitasmoak: “Basaurin kakorratz taldea sortu da eta aurten gure erronka izango da gurasoberriak edo haur txikiak dituzten gurasoak elkartzea parke edo plaza batean euren artean harreman euskaldunak sortzeko; horri Parkelagun deitu diogu”, dio Ioritz Lopez de Alda Basauriko Berbalagun dinamizatzaileak.
Hego Uribeko Berbalagun egitasmoko arduradunak eta Basauriko eta Galdakaoko udal ordezkariak // Geuria
Txakurlagun taldeak ere eratu nahi dituzte Basaurin, baita Galdakaon ere. “Ikasturte honetako erronka da Txakurlagun taldeak sortzea; izan ere, eskualde honetan hainbat txakur daude eta jabeak askotan entzuten ditugu eurei euskaraz egiten”, esan du Asier Martin Galdakaoko Berbalagun arduradunak.
Eskualdeko ondarea ezagutzen
Eskualdeari begira ere talde berri bat martxan jarriko du Berbalagun egitasmoak: Euskal Herriko ondare kulturala ezagutzeko taldea, hain zuzen.
“Basauriko eta Galdakaoko kultur ondarea ezagutzea da asmoa. Hilean behin batuko gara, eta hasteko, azaroaren 8an Galdakaon izango dugu hitzordua. Elexalde auzoan elkartuko gara, Guzur Aretxaren ondoan, eta ibilalditxoa egingo dugu”, dio Martinek.
Abenduan Basauriko ondare kulturala ezagutuko dute: “Oraindik data zehazteke dago —abenduaren 13an edo 14an izan daiteke—, baita zein ibilbide egingo dugun ere”, adierazi du Lopez de Aldak.
“Eskualdeko ondare kulturala ezagutu nahi dugu, baina baita Bizkaikoa eta Euskal Herrikoa ere. Hirugarren hitzordurako Bermeora irteera antolatu nahi dugu. Aurrerago emango dugu informazio gehiago”, diote.
Izena ematea: doan!
Berbalagun taldeak martxan dauden arren, izena emateko epea ikasturte osoan zehar zabalik dagoela gogorarazi dute Berbalaguneko dinamizatzaileek.
Izena ematea doakoa dela azpimarratu dute, eta eskatzen den gauza bakarra euskaraz elkarrizketa bat mantentzeko kapaz izatea dela.
Taldeetan eta ekintzetan izena emateko 607 146 855 telefonora deitu edo galdakao_berba@aek.eus (Galdakao) edo hegouribe@aek.eus (Basauri) helbide elektronikoetara idatz dezakete interesdunek.
Basauriko eta Galdakaoko Udalek, Udal euskaltegiek, AEK-k eta, Basauriko Hizkuntz Eskolak babesten dute Hego Uribeko Berbalagun programa.
Agenda | Hego Uribeko Berbalagun
2025 Urria-Abendua
Urriak 26, igandea | Basauri-Galdakao
Mendi irteera: Belatxikieta
09:00 Basauriko udaletxe pareko autobus geltokia
Urriak 30, osteguna | Basauri
Mintzodromoa
10:00 Solobarria plaza
Azaroak 4, asteartea | Galdakao
Berbalagun aurkezpen jaia
18:30 Ganguren taberna
Azaroak 8, larunbata | Galdakao
Ondare taldearen lehen txangoa: Elexalde
10:00 Elexaldeko Guzur Aretxa plaza
Azaroak 13, osteguna | Basauri
Berbalagun aurkezpen jaia
18:30 Bonboi taberna
Abenduak 4, osteguna | Galdakao
Mintzodromoa
10:30 Kurtzeko frontoia
Abenduak 12, ostirala | Basauri-Galdakao
Baskot Gaua
19:00 Bananas tabernatik
Abenduak 13 edo 14 | Basauri
Ondare taldearen bigarren txangoa: Elexalde
Abenduak 19, ostirala | Galdakao
Gurasolagun taldearen lehen hitzordua
17:15 Galdakaoko AEK Euskaltegian
☉ Hego Uribe
Palestinaren alde elkarretaratzeak deitu dituzte gaur Hego Uriben, lanuzte orokorrarekin bat eginez
Mobilizazio guztiak 19:30ean egingo dituzte. Arrigorriagan, Ugaon, Galdakaon, Etxebarrin eta Usansolon udaletxeen aurrean burrunbak antolatu dituzte
Gaur, urriak 15, Palestinaren aldeko elkarretaratzeak deitu dituzte Gernika-Palestina herri ekimenetik Hego Uribe eskualdeko hainbat udalerritan, lanuzte orokorrarekin bat eginez.
“Israeli zilegitasuna kentzea eta mendebaldeko estatuen interesen kontra egitea da gure ekarpenik onena palestinarrek indar-harreman hobea izan dezaten erabakiak hartu ahal izateko”, azaldu dute Palestinarekin Elkartasunatik. “Horregatik atera ginen hamarnaka milaka pertsona Iruñean joan den urriaren 4ean palestinar erresistentzia babestu eta sionismoa suntsitu behar dela aldarrikatzeko eta horregatik aterako gara urriaren 15ean palestinarren aldarri historikoekin”.
Gaurko mobilizazioen helburua, Palestinarekin Elkartasunatik azaldu lez, Eusko Jaurlaritzari, Nafar Gobernuari, Espainiako zein Frantziako Gobernuei eta CAF bezalako enpresa konplizeei presio egitea da, “Israelekin harreman oro eteteko”.
Mobilizazio guztiak 19:30ean egingo dituzte. Arrigorriagan, Basaurin, Ugaon, Galdakaon, Etxebarrin eta Usansolon burrunbak antolatu dituzte.
Elkarretaratzeak: Hego Uribe eskualdea
Basauri
Bentako plazan
Galdakao
Udaletxeko plazan
Arrigorriaga
Udaletxeko plazan
Ugao
Herriaren plazan
Etxebarri
Etxebarriko plazan
Usansolo
Izar Gorri plazan
GEURIAk bat egingo du Hego Euskal Herriko sindikatuek Palestinaren alde deitutako lanuztearekin, eta horiek iraun bitartean horiei buruzko informazioa emango du soilik webgunean.
Era berean, arratsaldean Gernika-Palestina herri ekimenak deitutako mobilizazioen jarraipena egingo dugu bai webgunean bai sare sozialetan.
Lanuztearen erreferentziazko ordutegia 11:00etatik 14:00etara izango da, eta 15:00ak arte luzatuko da ordu horretan amaitzen diren jardunaldietan. Arratsaldean 19:00etatik 22:00etara bitartean deitu dituzte lanuzteak.
☉ Hego Uribe
Itziar Atienza eta Itziar Ituño aktoreek bat egin dute Donostian Gazako genozidioa salatzeko egingo den manifestazioarekin
Palestina-Euskal Herria Elkartasun Batzordeek manifestazioa deitu dute irailaren 24an, asteazkenez, Donostian
Zinemaren eta kulturaren munduak bat egin du Palestina-Euskal Herria Elkartasun Batzordeek Gazako genozidioa salatzeko Donostian irailaren 24an egingo duten manifestazioarekin.
Eta deialdi horrekin bat egin dute Itziar Atienza galdakoztarrak eta Itziar Ituño basauriarrak.
Hain zuzen ere, Atienzak irakurri zuen atzo adierazpena Donostiako Victoria Eugenia Antzokiaren aurrean, Antonio De la Torre aktorearekin batera.
“Hitz egiten ari garen bitartean, haur errugabeak hiltzen ari dira Gazan”, adierazi dute.
‘The Voice of Hind Rajab’ filma
Manifestazioa irailaren 24an, asteazkenez, izango da Donostian 18:30etik aurrera.
Aurretik, ‘The Voice of Hind Rajab’ filma proiektatuko dute Zinemaldian.
Kaouther Ben Haniaren filmak Israelgo Armadaren eraso batean bere familia osoa, ama izan ezik, galtzen duen sei urteko neskato baten istorioa kontatzen du.
“Bere laguntza-oihuek ezin dute salbatu, eta erreskatatu nahi duten anbulantzia-taldeko kideak ere hiltzen dituzte”, aurreratu dute Palestina-Euskal Herria Elkartasun Batzordetik, eta gaineratu dute: “Ez da istorio isolatua, palestinarren egunerokoa da: suntsitutako familiak, suntsitutako ospitaleak eta 70.000 pertsona baino gehiago erailak”.
Palestina-Euskal Herria Elkartasun Batzordearen barruan honako kolektiboak daude: Artistas con Palestina, Campaña Final Comercio de Armas con Israel, Donostia Palestina, EAB Euskal Aktoreen Batasuna, EPE-thaia, Gernika Palestina Herri Ekimena, Gure Haurrak Ere Badira; Kulturatik, creadorks culturales con Palestina; Rescop eta Trabajadors del Cine x Palestina.
Azeituna con huesos, Keax, Reeler, Jaimones, Kruddö eta Silkat lehiatuko dira larunbatean, Rockeineko finalean
Basauriko Social Antzokiko zubia itxiko dute ibilgailuentzat, San Faustoko obrengatik
Gazteen hiru laurdenak ezin du emantzipatu Arrigorriagan, udal diagnostikoaren arabera
Argazkiak | Aldatxa eta Urbiko Lagunak, Basauriko jaietako buruhandienak!
Argazkiak | Jaietan etenaldia egin dute ehunka basauriarrek Palestinari elkartasun keinu bat egiteko
Argazkiak | Laguntasuna eta Ontzak garaile, Basauriko jaietako Sokatira txapelketan
Bideoa | Dozenaka pertsona elkartu dira Arrigorriagan Heidelberg enpresan gertatutako lan-heriotza salatzeko
Bideoa | Berbalagun egitasmoa martxan da Basaurin eta Galdakaon, nobedade askorekin
