☉ Basauri
Sakonean / 60 urtez dantzan
Edurre Dantza Taldeak 60. urteurrena ospatu berri du. Frankismoaren gerizpean sortua, euskal folklorearen zabalkundean dihardu.
Edurre Dantza Taldeak 60. urteurrena ospatu berri du. Frankismoaren gerizpean sortua, euskal folklorearen zabalkundean dihardu
1957. urtea zen Basauriren egoera sozialak aldaketa nabari bat izan zuenean. Edurre Dantza Taldearen lehen pausoak eman ziren garai hartan. Solasaldirako giroa urria zen, Francoren erregimena zela eta. Aisialdiaren errealitatearen beste ikuspegia elizak berak eskaintzen zuen.
50. hamarkada horretan Fernando Barquin apaizaren lana aipatu beharra dago. Hain zuzen, 1956ko abuztuaren 5ean etorri zen Ariz auzora On Alfredo Amezaga San Pedro elizako parrokoaren eskutik (azken hau Jose Antonio Agirreren koinatua izan zen). Barquinen ardura gazteria zen eta folklorearen bidez bere ideia abertzaleak sustatu zituen euren artean, kontuan izanda frankismoaren garaia zela.
“Edurre taldea, niretzat, gazteak eta haurrak, neskak eta mutilak elkartzeko bidea izan zen. Garai haietan eskaintzen zitzaien baino askatasun gehiagoz elkarrekin bizi eta ibiltzeko zuten premiari hobeto erantzun zielako. Jakina, nire apaiz eginkizun eta zerbitzua zirela eta, banituen nire irizpide apostolikoak, baina Jainkoari esker, ez nituen inoiz ere baldintza legez jarri jendea hau edo bestea egitera behartzeko. Erabili nituen, baina harremanetarako aukerak eskaintzeko baino ez”, zioen Fernando Barquinek 1991ean, Edurre Dantza Taldearen 35. urteurrenaren harira argitaratu zuten liburuan.
Frankismoaren zapalkuntza eta kulturaren aurka herriak bizi izandako borrokaren ezaugarria izan da Edurre taldearen historia. Eta hori azaltzeko Peto Lezameta eta Cristi Horno dantzarien testigantzak hartu ditugu. Edurre Dantza Taldeko arima izan dira denbora luzez eta nahiz eta gaur egun dantzatik baztertuta egon, lotura oso zuzena dute oraindik ere taldearekin.
Neskak aitzindari, gero mutilak
Nesken taldea Arizko baselizan egiten ziren bileretan hasi zen eratzen, 1956. urtean. Bilera horietan dantza talde bat egiteko ideia proposatu zuten eta Fernando Barquinek hartu zuen hastapen dantza talde horren erantzukizuna.
Historiaren zati honetan agertzen da Irene Ruiz de Galarreta. Garai hartan Mariaren Alabak taldearen arduraduna zen eta Barquinek lehen neska dantzari horien zuzendari izendatu zuen Ruiz de Galarreta.
Lehendabiziko entseguak Lanbide Heziketako eskolan egiten zituzten, Lehendakari Agirre kaleko 69 eta 71 zenbakietako lokaletan (gaur egungo Tximeleta). Arizko okindegia eta Muñuzurin ere entseatzeko lekuak egon ziren.
Urtebete geroago, 1957an mutilak batu ziren Edurre Dantza Taldera. Urte hartako urrian hasi ziren lehenengo harremanak. Peto Lezameta mutilen lehen taldeko kidea zen: “Egun batean, eskolatik etxera nindoala, Jose Ramon Larrea (Basconia futbol taldeko jokalaria) hurbildu zitzaidan eta anaiei deitzeko esan zidan, dantza-talde bat osatzeko bilera batera joateko (14 eta 15 urte bitarteko mutilak biltzeko ardura zuen Larreak). Nik ere taldekoa izan nahi nuen, nahiz eta 12 urte baino ez izan. Larrearen ustez gazteegia nintzen, baina joaten utzi zidaten eta lehenengo egunetik eutsi nien entseguei”.
Edurre Dantza Taldeko lehen neska-mutilek Galdakaoko Andra Mari Dantza Taldearen laguntza jaso zuten (1955ean sortua). Modu horretan heldu ziren Vicente Arroyo eta Jesus Uriarte Andra Mariko dantzariak. Edurreko gazteentzako entseguak zuzendu zituzten. “Hasierako urte haietan izan genuen prestaketa eta gaur egunegoa guztiz ezberdinak dira. Garai hauetan erraztasun gehiago daude, harreman zuzenagoak egiten ditugu beste udalerri batzuetako dantzariekin eurek ere bertako dantzen berri emateko”, dio Lezametak: “Lehen, Durangaldera joatea esperientzia oso xelebrea zen. Benetan txango bitxiak ziren haiek!”.
Dantza ikuskizunak
Cristi Horno Lezametaren emaztea da eta 1965. urtean sartu zen Edurre Dantza Taldean. “Urbiko eta San Migelgo jaietan egiten genituen ikuskizun asko. Batez ere, santuaren prozesioak egiten zirelako. Hori hasierako urteetan baino ez zen egiten. Ni sartu nintzenean, 1965ean, jada ez zen horrelakorik egiten” dio.
Bizkaiko herrietan egiten zituzten emanaldi gehienak. Ondoren, urteak aurrera egin ahala eta taldearen eraketa indartuta zegoenean, beste herri batzuetara mugitzen hasi ziren.
Horren arrazoia izan zen Dantzarien Biltzarreko parte izatea. Dantzarien Biltzarrera sartzeak ere ateak ireki zizkion Edurre Dantza Taldeari. Emanaldi gehiago egiten zituzten herritik kanpo, beste dantza batzuk ikasteko aukera gehiago ahalbidetzen zuen, eta azken finean, Bizkaiko
zein Euskal Herriko dantzarien sarea osatzen lagundu zion horrek.
Gainera, atzerrira joateko aukera eman die. Besteak beste, Alemania eta Kroazia bezalako herrialdeak bisitatu dituzte eta euskal folklorea lau haizetara zabaldudute.
Jantzien garrantzia
“Hasieran, dantzarako arropak egiteaz Cristina, On Fernandoren ama arduratzenzen. Lehendabiziko koadrodun jantziak berak egin zituen. Gero, bakoitzak bere jantzia josten zuen”, dio Cristina Hornok: “Ez zegoen diru askorik eta gurasoek ahal zutena egiten zuten jantziak prestatzeko. Hori bai, oso sinpleak ziren jantziak, gaur egunekoak ez bezala”.
Gona luzeak, lauki gorri eta zuridunak, eta alkandora era berdinekoa. Amantala urdina, tolesak emanda. Buruko zapia horia, urdina edo zuria izan zitekeen, hiru puntakoa. Lepoan zapi urdina, izur eta guzti (gero lepoko zapia desagertu egin zen). Galtzerdi zuriak, galtza luzeak ere zuriak puntila eta xingola gorriekin, azpi-gona ere puntilarekin. Kalamuzko abarketa zuriak, etxean eskuz bordatutako lorez apainduta.
Mutilen jantzia: galtza eta alkondara zuriak, txapela gorria, kalamuzko abarketa zuriak xingola gorriekin eta gerriko berdea.
“Mutilak klasikoagoak ginen, gaur egungoen antzera: praka eta alkandora zuriak, eta gerriko eta txapel gorriak”, dio Lezametak: “Alpargatek ikuskizun baterako baino ez zuten balio. Entseguetan ere oinetako berak erabiltzen genituen eta lokalen zoruak ondatu egiten zizkigun”.
Monitoreak, ezinbesteko piezak
Dantza Talde guztien arazo nagusia da monitoreena. “Egiten duten lana debalde egiten dute eta ordu gehiegi sartu behar dira dantzak txikiei irakasteko”, dio Cristik: “Horiek bai direla Edurreko eta beste dantza talde batzuetako heroiak. Horiek gabe dantza irakaskuntza ezerezean geratuko litzateke”.
“Monitoreak egoteak dantza ikasteko pertsonak badaudela ziurtatzen digu. Etorkizunean dantza egiteko desioa txikiengan pizten dutenak dira monitoreak, erreferente bat. Gainera, kontuan hartu behar da monitorea dena ez dela beti dantzaririk onena izaten, baizik eta bere denboran besteei iraskasteko gai dena”, dio Lezametak.
Bai Lezametaren bai Hornoren esanetan, aipatzekoa da gaur egun Kepa Ogiza eta Sagrario Alcoceba dantzariek egiten duten lana. “Ez da bakar batzuen izena bakarrik nabarmendu behar. Izan ere, jende asko dago Ogiza eta Alcocebaren atzetik, baina gaur egungo Edurreren arima mantentzen da biek egiten duten esfortzuagatik”, diote. Egun, 100 dantzari inguru eta hamar dantza irakasle daude Edurre Dantza Taldearen barnean.
“Edurre taldeak gure herriko dantza eta kulturari eutsi eta aberastasun horiek berpizteko balio izan du; baina, batez ere, topagune izan da, jolas giro eta adiskidetasun iturri, elkarrekin egoteko aukerak eman ditu; hau da, bizi izateko balio izan du. Horixe da nik maitasunez gogoratu eta azaltzen dudana. Edurreren historiak une ederrak izan ditu, gertaera maitagarriak, egoera hunkigarriak, eta guztiak elkartzen badira, era batera edo bestera gaurdaino iraun duen bizitzaren mosaikoa egin daiteke, egun guregan poz sakona sorrarazteko gai den mosaikoa, bizitzako txataltxoak baitakartza gure gogora; eta horiek elkartuta daudenean, herrien eta pertsonen benetako bizitza osatzen dute” […] (Fernando Barquin, 1991. Edurre Euskal Dantza Taldea. XXXV. Urteurrena 1956-1991).
☉ Basauri
Laia Arteagarentzat eta Gaizka Hernandezentzat izango da Basauriko jaietan bilduko duten dirua
Herriko Taldeakeko kuadrilla guztiek antolatuko dituzte ekitaldi solidarioak sanfaustoetan
Basauriko jaiak hasiko dira larunbatean, urriaren 11n. Herriko Taldeakek 200 jarduera baino gehiago antolatu ditu, eta urtero bezala, ekitaldi solidarioek leku nabarmena izango dute sanfaustoetan.
Herriko Taldeakeko kuadrilla guztiek, 16 guztira, konpromiso solidarioa erakutsiko dute ekitaldi desberdinekin. Aurten Laia Arteaga Perezentzat eta Gaizka Hernandez Yagüerentzat izango da jaietan zehar bilduko duten dirua.
Urriaren 12an, igandeaz, kotxe klasikoen topaketa egongo da Bizkotxalden (Edurre); hirugihar-jana Arizgoitiko plazan (Ontzak), eta saltxitxa-jana Mojaparte plazan (Txikerrak).
Urriaren 14an, asteartez, muskuilu-jana izango da Basatiaken lonjan. Urriaren 15ean, asteazkenez, txanpi solidarioa eskainiko dute (Mozkorrak) eta txorizo-jana ere egongo da (Alaiak) Solobarriako karpan; eta pintxo solidarioa ere izango da Mojaparte plazan (Urbiko).
Urriaren 16an, ostegunez, sardina-jana (Zoroak) eta sandwich-jana (Ogeta) egingo dituzte Arizgoitiko plazan; eta odoloste-jana ere egongo da San Pedro plazan (Itsaslapurrak), eta bingo solidarioa Solobarriako karpan (Zigorrak).
Urriaren 17an, ostiralez, Sagardo Fest antolatu dute Arizgoitiko plazan (Basajaunak), txokolatada San Pedro plazan (Txano Gorritxu), eta jolas solidarioa Bizkotxalden (Laguntasuna). Eta, urriaren 18an, larunbatez, txistorra-jana egongo da San Pedro plazan (Aldatxa). Ekitaldi solidario horiek guztiak Laia Arteaga Perezen alde izango dira.
Era berean, Hauspoak kuadrillak urtero antolatzen du merkatu txiki solidarioa Gaizka Hernandez Yagüeren alde. Urriaren 12an, igandez, izango da, goizez, Solobarriako karparen inguruetan.
Eta beste alde batetik, urriaren 19an, igandez, Basauriko Merkatari Elkarteak bakailao-dastaketa herrikoi solidarioa antolatu du San Isidro plazan.
Urriaren 11tik 19ra bitartean izango dira Basauriko jaiak. Herriko Taldeakek 200 ekitaldi baino gehiago antolatu ditu.
Egitaraua | Basauriko jaiak 2o25
Urriak 11, larunbata
18:00 Kuadrillak elkartzea udaletxeko inguruetan
18:10 Alkate txikiei eta kuadrillei harrera udaletxean
18:30 Yeray Gonzalez pregoilariari omenaldia udaletxean
18:35 Eskarabileraren aurkezpena
18:40 Alkate txikien, alkatearen eta Herriko Taldeaken agurra udaletxeko balkoitik
18:55 Pregoia udaletxeko balkoitik
19:00 Txupinazoa
19:05 Kuadrillen jaitsiera Eskarabilerarekin udaletxetik Solobarria plazara. Kuadrillen hurrenkera: Mozkorrak, Aldatxa, Hauspoak, Ontzak, Urbiko Lagunak, Ogeta Bat, Zigorrak, Basajaunak, Edurre, Zoroak, Txanogorritxu, Alaiak, Itsaslapurrak, Basatiak, Laguntasuna eta Txikerrak
21:30 Jaitsierarik onenari saria Solobarrian eta lonjak irekitzea
21:30 Kalejira Gazte Leku Fanfarrearekin oinezkoen kaleetatik
22:00 Disko Festa Sound Solobarriako karpan
22:30 Lehian Erromeria Arizgoitiko plazan
00:30 Dantzaldia Pozokoetxeko parkean: Gard3n
Urriak 12, igandea
09:00 Txupina udaletxetik
09:30-13:30 Maratoi solidarioa Artunduagako pistan CTNNB1 elkartearen alde
09:30 Mahai-teniseko txapelketa herrikoia eta federatua Urbi kiroldegian
10:00 Gaiteroak
10:00 Petanka txapelketa Artunduagako bolatokian
10:00 Calva txapelketa Artunduagako bolatokian
11:00 Kuadrilla Txikien X. Txapelketa Arizgoitiko plazan
11:00 Azoka solidarioa Solobarriako inguruetan Gaizka Hernandezen alde (Hauspoak)
11:00 Edurre MotorDay Solidarioa Bizkotxalden Laia Arteagaren alde (Edurre)
11:00 Banakako Hiru Tabloi txapelketa herrikoia Artunduagako bolatokian
11:00 Banakako eta bikotekako Leongo boloen txapelketa Artunduagako bolatokian
12:00 Eskualde osoko txistularien elkarretaratzea. Orkestra zuzendaria: Danbolin Txistulari Elkartea
12:00 Herri Kirolen erakustaldia Pozokoetxeko parkean
12:00-15:00 + 17:00-22:00 III. GaragarDay Mojaparte parkean
12:00 Erraldoi eta Buruhandien kalejira Arizgoitiko plazatik
12:00 Kontzertuak Mojaparten: Txotx Txalaparta + Erraturie
15:00 XXX. Indaba-jan herrikoia Solobarriako karpan
17:00 Motoen VIII. Topaketa Pozokoetxeko parkean
18:00 Basauriko San Fausto Milia Begiralekuetan
18:00 Kuadrillen arteko XIII. Poker txapelketa Urbiko Lagunaken lonjan
18:30 Txiki Festa San Isidro plazan
18:30 Kalejira Adiskideak Fanfarrearekin
18:30 Festibas jaialdia Mojaparten: Trendkill + Ragebeat + En mala hora
18:30 Kalejira Etxebarria Aita-Seme Trikitilariekin
19:00 XVII. Hirugihar-jan solidarioa Arizgoitiko plazan Laia Arteagaren alde (Ontzak)
19:00 Saltxikerrada, saltxitxa-jan solidarioa Mojaparten Laia Arteagaren alde (Txikerrak)
19:00 Txitxarrilloa Solobarriako karpan: Ekhy taldea
19:30 Zurraren Grand Prixa Pozokoetxeko parkean
22:30 Kontzertua Arizgoitiko plazan: Sua
Urriak 13, astelehena. San Fausto eguna
09:00 Txupina udaletxetik
10:00 Dultzaineroen kalejira
11:00-14:00 + 16:00-18:00 Umeentzako tailerrak Pedro Lopez Cortazar plazan
11:00-14:00 + 16:30-19:00 Artisau erakusketa Begiralekuetan
11:30 Prozesioa eta lore eskaintza San Fausto kaletik
12:00 Kuadrilletako hildakoen meza San Pedro elizan
12:00 Kalejira Danbolin Txistulari Elkartearekin
12:45 Eguzkidantza Edurre Dantza Taldearen eskutik Arizgoitiko plazan
13:15 Santua San Fausto kalera itzultzeko prozesioa
13:45 Aiara Banda San Fausto kalean
14:00 Kuadrillen argazki ofiziala Bizkotxalden, jaitsierako hurrenkeraren arabera
15:00 Kuadrillen bazkaria Bizkotxalden
16:00 Kuadrillen arteko XI. Irrintzi txapelketa Bizkotxalden
17:30 Kuadrillen arteko Sokatira txapelketa Arizko Ikastolan + Txapel jaurtiketa
18:30 Kalejira Etxebarria Aita-Seme Trikitilariekin
19:30 Aiara Banda Solobarriako karpan
19:30 Euskal erromeria Mojaparten
20:30 Txorizo-tripontziak Arizgoitiko plazan
21:00 Danborrada lonjarik lonja Arizgoitiko plazatik
22:00 Kontzertua Arizgoitiko plazan: Javier Ojeda
Urriak 14, asteartea. Txikien eguna
09:00 Txupina udaletxetik
09:30 Txikien plenoa udaletxean
10:00 Haizedoinu Gaiteroak
10:30 Erraldoi eta Buruhandien kalejira Arizgoitiko plazatik Soloartera
11:00 Alkate txikien hitzaldia eta txupin txikia Soloarte ikastetxean
11:00-14:00 + 16:00-18:00 Haurrentzako parkea Soloarte ikastetxean
11:15 Haurrentzako tailerrak eta marrazki lehiaketa Soloarte ikastetxean
12:00 Dultzaineroen kalejira
12:00 San Fausto Nekazariaren omenezko meza Arizko ermitan
13:00 Lore-eskaintza Eskarabilerari eta Manuela Eguigureni
14:30 Emakumeen XXI. Bazkari herrikoia Solobarriako karpan
17:00 VI. Eskubaloia Kalean txapelketa Bizkotxaldeko kantxetan
17:00 Pasabolo txapelketa Artunduagako bolatokian
18:00 Kuadrillen arteko XVIII. Abarka jaurtiketa Pozokoetxeko parkean
18:30 Umeentzako askaria Soloarte ikastetxean
18:45 Antzerkia Soloarteko Ahateen parkean: ‘A su servicio’
19:00 Kalejira Adiskideak Fanfarrearekin
19:00 Txitxarrilloa Mojaparten: Jamaica taldea
19:00 Labeldun txahalaren dastaketa Arizgoitiko plazan
19:00 Dantza emanaldia Biarte Dantza Eskolako ikasleekin Arizgoitiko plazan
19:00 Muskuilu-jan solidarioa Basatiak kuadrillaren lonjan Laia Arteagaren alde (Basatiak)
19:30 Euskal erromeria Pozokoetxeko parkean
20:00 Kuadrillen arteko Zapitxoaren jokoa Bizkotxalden
21:15 Suzko zezena Arizgoitiko plazan
22:00 Bakarrizketak Arizgoitiko plazan: Aroa Berrozpe + Sergio Arrispide + Gurutze Beitia
Urriak 15, asteazkena
09:00 Txupina udaletxetik
10:00 Dultzaineroen kalejira
12:00 Txanpi solidarioa Solobarriako karpan Laia Arteagaren alde (Mozkorrak)
12:00 Danbolin Txistulari Elkartearen kalejira
14:00 Karparamartxoa Solobarriako karpan
15:30 Buruhandien lehiaketa Solobarriako karpan
16:30 Zurra-tripontzien txapelketa Solobarriako karpan
17:00 Mami-jan txapelketa Solobarrian
17:00 Kuadrilla Txikien 3×3 Saskibaloi txapelketa Bizkotxaldeko kantxetan
17:00 Bihotz-biriketako bizkortze tailerra Bizkotxalden
17:00 X. Esku Pilota Txapelketa Arina Soloarteko frontoietan
17:30 Txikien danborrada Ogeta Bat kuadrillako lonjatik
18:00 Kuadrillen arteko 3×3 Saskibaloi txapelketa Bizkotxaldeko kantxetan
18:00 Txikitxef sukaldaritza tailerrak San Isidro plazan
18:30 Kalejira Gazte Leku Fanfarrearekin
19:00 Kuadrillen arteko Zurrakapote txapelketa Solobarriako karpan
19:00 Zezen mekanikoaren txapelketa herrikoia eta kuadrillen artekoa Solobarriako karpan
19:00 Txorizo-jan solidarioa Solobarriako karpan Laia Arteagaren alde (Alaiak)
19:00 Pintxo solidarioa Mojaparte plazan Laia Arteagaren alde (Urbiko Lagunak)
19:00 Basauriko Emakumezkoen Futbol Selekzioa vs Sestao River Neskak Soloarteko futbol zelaian
19:00 Txitxarrilloa Mojaparte plazan: Trio Sua
19:30 Kuadrillen arteko Zurrakapote Txikiaren txapelketa Solobarria karpan
19:30 Kuadrillen arteko XI. Bizikleta Motelen lasterketa Mojaparten
19:30 Euskal erromeria Pozokoetxeko parkean
20:00 Kuadrillen arteko Zaku lasterketa Mojaparte plazan
21:00 Kontzertua Arizgoitiko plazan: Andoni Ollokiegi
22:30 Zikiñik Bez erromeria Arizgoitiko plazan
Urriak 16, osteguna. Jubilatuen eguna
09:00 Txupina udaletxetik
10:00 Haizedoinu Gaiteroak
10:30 Igel-toka txapelketa herrikoia Arizgoitiko plazan
12:00 Triki-poteoa Haizedoinu Gaiteroekin
14:00 Jubilatuen bazkaria Solobarriako karpan eta zaharren egoitzetan
17:30 Txikientzako tailerrak Pozokoetxeko parkean
18:30 Tortilla lehiaketa Solobarrian
18:30 Txitxarrilloa Mojaparten: Pergola taldea
19:00 Zurrakapote dastatze herrikoia Solobarriako karpan
19:00 Sardina-jan solidarioa Arizgoitiko plazan Laia Arteagaren alde (Zoroak)
19:30 Odoloste-jan solidarioa San Pedro plazan Laia Arteagaren alde (Itsaslapurrak)
19:30 Orkresta Elektrotxaranga poinezkoen kaleetatik, Bentatik eta Solobarriatik
19:45 Tortillak aurkeztea
20:00 Bingo solidarioa Solobarriako karpan Laia Arteagaren alde (Zigorrak)
20:00 Heavy Eguna Basatiak kuadrillaren lonjan
21:30 Sanwich-jan solidarioa Arizgoitiko plazan Laia Arteagaren alde (Ogeta Bat)
21:30 Kontzertua Arizgoitiko plazan: La Decada Prodigiosa
22:00 Zurra-pong txapelketa Solobarriako karpan
Urriak 17, ostirala. Herriko artisten eguna
09:00 Txupina udaletxetik
10:00 Dultzaineroen kalejira
12:00 Danbolin Txistulari Elkartearen kalejira
14:00 Poteo-sesioa DJ Landarekin Begolako Andra Mari kalean
17:30 Gimnasia Erritmikoko erakustaldia Solobarriako karpan: Punteras kluba
17:30 XVI. Tiragoma txapelketa Pozokoetxeko parkean
17:30 Zurezko jolasak Pedro Lopez Cortazar plazan
18:00 Sagardo Fest solidarioa Arizgoitiko plazan Laia Arteagaren alde (Basajaunak)
18:00 Galaecia Folk kalejira Begiralekuetatik eta oinezkoen kaleetatik
18:00 Aulkiaren jokoa Bizkotxalden
18:30 Kalejira Etxebarria Aita-Seme Trikitilariak
19:00 Txokolatada solidarioa San Pedro plazan Laia Arteagaren alde (Txanogorritxu)
19:00 Kantu-poteoa Kilometro Kantu taldearekin Galizia kaletik
19:00 Joko solidarioa Bizkotxalden Laia Arteagaren alde (Laguntasunak)
19:00 Txitxarrilloa Mojaparten: Amigos del Swing
19:30 Dantza tailerra Solobarriako karpan Be Move Dance Studio Eskolaren eskutik
19:30 Kale-antzerkia Begoñako Andra Mari kalean: Basauriko Kreatiba Antzerki Eskola
20:00 Kuadrillen arteko XI. Futbolin txapelketa Nai Lua Tetegian
21:00 Mata-porroi txapelketa Basajaunaken lonjan
22:00 Su artifizialak Artunduagatik: Pirotecnia Zaragozana
22:30 Kontzertua Arizgoitiko plazan: Chicos de Barrio
23:30 Tributu kontzertua Arizgoitiko plazan: Buen Castigo (Fito y Fitipaldis)
00:00 Markelinbo txapelketa Renfeko plazan
00:30 Dantzaldia Pozokoetxeko parkean: La Reina Show
Urriak 18, larunbata
09:00 Txupina udaletxetik
09:30 Baserriko produktuen XXXVI. Erakusketa Uribarri kalean + Herri Kirolen erakustaldia Mojaparten
10:00 Haizedoinu Gaiteroak
11:00 Tuta txapelketa Artunduagako bolatokian
11:00-14:00 + 16:00-18:00 Txikientzako Herri Kirolak Bizkotxalden
11:00-14:00 + 16:00-18:00 Trenen zirkuitua Bizkotxalden
11:00-14:00 + 16:00-18:00 Joku erraldoiak eta oreka tailerrak Bizkotxalde parkean
11:30 Paella txapelketa herrikoia eta kuadrillen artekoa Solobarriako karpan
12:00 Kalejira Danbolin Txistulari Elkartearekin
12:00 Eskualdeko dantza taldeen alardea Arizgoitiko plazan
12:00 Apar festa Pozokoetxeko parkea
12:00 Ekialdeko Go jokoa ikasteko tailerra San Jose ikastetxean
12:00 Aldibereko Xake-joko partidak 20 tabloietan San Jose ikastetxean
12:30 XIII. Skate txapelketa Enbarkan
12:30 Gilda-jan herrikoia Uribarri kalean
13:30 Paellak aurkeztea
13:30 Kontzertua Begoñako Andra Mari kalean: Bohemios Autorizados
16:00 XXXII. San Fausto Halterofilia Txapelketa Bizkotxaldeko kantxetan
17:00 Partxis azkarra Basatiak kuadrillaren lonjan
18:00 Diskofesta San Isidro plazan txikientzat
18:30 Kalejira Etxebarria Aita-Seme Trikitilariekin
19:00 Txitxarrilloa Mojaparten: Dantza Alai
19:00 Kalejira Sama Siku Fanfarrearekin Arizgoititik
19:30 Txistorra-jan solidarioa San Pedro plazan Laia Arteagaren alde (Aldatxa)
19:30 Janari pikante I. Txapelketa Mozkorraken lonjan
20:00 Kantaldia Solobarriako karpan
21:00 ‘Ulterior Bidaia Handia’ kalejira Begiralekuetan eta oinezkoen kaleetan
23:00 Kontzertua Arizgoitin: Despistaos
00:30 Dantzaldia Pozokoetxeko parkean: Jaguar
Urriak 19, igandea
09:00 Txupina udaletxetik
09:30 XLV. Artisautza Azoka Uribarri kalean + Herri Kirolen erakustaldia Mojaparten
10:00 Dultzaineroen kalejira
11:00-14:00 + 16:00-18:00 Txiki-Gazte parkea Bizkotxalden
11:30-14:00 + 16:00-18:00 Txu-txu tren egokitua Begiralekuetatik
11:30 I. Patata gisatua …rekin lehiaketa Solobarriako karpan
12:00 Kalejira Danbolin Txistulari Elkartearekin
12:00 Bolo txapelketa Artunduagako bolatokian
12:00 Bakailao dastaketa solidarioa San Isidro plazan
12:30 Pilotari profesional ohien partidak Artunduagako frontoietan: Mikel Goñi, Ladis Galartza, Xala, Pascual
13:00 Basauriko Musika Eskolako ikasleen emanaldia Pozokoetxeko parkean
13:30 Patata gisatuak aurkeztea
17:00 Txitxarrilloa Mojaparten: Orquesta Maran
17:00 Pasabolo txapelketa Artunduagako bolatokian
19:15 Jaien amaiera Arizgoitiko plazan: sari banaketa eta Eskarabilerari agurra
☉ Basauri
MAZ Basaurik agortu ditu Leon Benavente eta Toundra ikusteko sarrerak, hilabete lehenago
Azaroaren 7an Leon Benavente eta Toundra Social Antzokian ikusteko sarrera guztiak saldu dituzte. Azaroaren 8ko kontzertuetarako sarrerak oraindik salgai daude
Azaroaren 7tik 8ra izango da MAZ Basauri jaialdia. Hamahirugarren edizioko programa pasa den astean publikatu zuten eta dagoeneko ostiralerako sarrerak agortu dituzte.
Hain zuzen ere, Leon Benavente eta Toundra Social Antzokian ikusteko sarrera guztiak saldu dituztela adierazi dute antolatzaileek, jaialdia hasi eta hilabete lehenago.
Leon Benaventek berriz sarrerak agortzea lortu du MAZ Basaurira egiten duten bigarren bisitan, 2017ko edizioan lortu eta zortzi urtera.
Hala ere, gogorarazi dute oraindik ere sarrerak salgai daudela larunbateko jardunaldirako Los Punsetes, Triangulo de Amor Bizarro eta Edgar Allan Pop ikusteko.
MAZ Basauri 2025
Azaroak 6, osteguna
Marienea
18:00 ‘Emakumeak eta industria musikala’ hitzaldia
Azaroak 7, ostirala
Social Antzokia. Sarrerak agortuta.
21:00 Ateak irekitzea
21:30 Toundra
23:30 Leon Benavente
01:00 Bukaera
Azaroak 8, larunbata
Txiki MAZ: kokapena aurrerago zehaztuko dute
11:30 Reyes Torio & Mr Chase (DJ saioa eta ikastaroa)
12:00 J.M. Brutal (antzerkia)
13:00 Reyes Torio & Mr Chase (DJ saioa eta ikastaroa)
13:30 Maialen Ibarra (kontzertua)
14:15 Bukaera
MAZ kalean: kokapena aurrerago zehaztuko dute
17:30 Ben Santana
18:15 Monday Potions
19:15 Rubia
20:15 Bukaera
Social Antzokia
20:30 Ateak irekitzea
21:00 Edgar Allan Pop
22:15 Triangulo de Amor Bizarro
23:25 Los Punsetes
01:05 Bukaera
☉ Basauri
Bideoa | San Migeleko jaiak bukatuta, 2026an zer antolatu behar du Mikelats Kultur Elkarteak herritarren ustetan?
Amaitu dira San Migeleko jaiak. Herritarrek atseden hartu behar dute orain, baita Mikelats Kultur Elkarteko kideek ere. Baina 2026ko jaiei begira, ideia berriak eman dizkiete auzotarrek Mikelatsekoei: datorren urteko jaietan antolatu beharko liratekeen proposamenak egin dituzte GEURIAko mikroen bidez! Entzun, entzun gazteen ekarpenak!
☉ Basauri
Bideoa | Erromeria gaueko ordu txikiak arte ala txosnagunea: zer nahiago dute San Migeleko herritarrek jaietan?
San Migeleko jaien bigarren asteburuari gogotsu ekingo diote herritarrek. Ostiral eta larunbat gauean kontzertuak eta erromeriak egongo dira, eta txosnagunea ere topera egongo da. Baina herritarrek zer nahiago dute: erromeria gaueko ordu txikiak arte ala txosnagunea?
Gauetan ondo pasa, bai, baina askok ibuprofenoa behar dute hurrengo egunean jaiarekin jarraitzeko. Zein da zure sekretua ajearen kontra? Entzun herritarren erantzunak!
Ane Legarreta galdakoztarrak +Musicas saria irabazi du grabaketa klasikorik onenari ESAS sarearekin
Ugaoko Jute fabrika ohian lan egindako emakumeen inguruko liburua salgai ipini dute Janen
Boogie Riders, Uda eta Chuleria Joder! taldeek Arrigorriagako ‘Vispera del Cambio de Hora Fest’ jaialdian hartuko dute parte
Argazkiak | Galdeketa Usansolon: zein tren-konexio nahi duten bozkatzen ari dira herritarrak
Argazkiak | Kuadrillen arteko XIX. Olinpiadak San Migeleko jaietan: tranpak, algarak eta… larrugorritan!
Argazkiak | Playback lehiaketak giro aparta sortu du San Migeleko jaietan
Bideoa | Uxue Oleagordia: «Herriko erromeriak aukera aparta dira ikasitakoa praktikan jartzeko»
Usansolo erdigunerako geltoki propioa aldarrikatu dute galdeketan parte hartu duten herritarren % 94,7ak
