Martxoa hasita, Korrikaren lekukoa prest dago Euskal Herritik eskutik eskura igarotzeko. Eta, dinamika hori jarraiki, eskutik eskura lan egiten du ere aurtengo Korrikako omenduak: Errigora egitasmoak, hain zuzen.

Euskara, elikadura-burujabetza eta auzolana bultzatzeko sortu zen duela urteak Errigora, Ager zonaldetik —hau da, Nafarroa hegoalde eta erdialdetik— Euskal Herriko bazter guztietara heltzeko.

Eta, gaur, Errigorak aurkezpena egin du Galdakaoko Torrezabal Kultur Etxean, kanpaina berriaren nondik norakoak azaltzeko.

Jone Gil Landaburu Errigorako kidea izan da aurkezpenean, eta berarekin berba egin dugu.

Martxoa hasita, Korrikaren lekukoa prest dago Euskal Herritik eskutik eskura igarotzeko. Eta, dinamika hori jarraiki, eskutik eskura lan egiten du ere aurtengo Korrikako omenduak: Errigora egitasmoak, hain zuzen.

Euskara, elikadura-burujabetza eta auzolana bultzatzeko sortu zen duela urteak Errigora, Ager zonaldetik —hau da, Nafarroa hegoalde eta erdialdetik— Euskal Herriko bazter guztietara heltzeko.

Eta, gaur, Errigorak aurkezpena egin du Galdakaoko Torrezabal Kultur Etxean, kanpaina berriaren nondik norakoak azaltzeko.

Jone Gil Landaburu Errigorako kidea izan da aurkezpenean, baina egitasmoaren berri emateko laguntza artistikoa izan du: Asisko Urmeneta irudigilearena, alegia.

Galdakaoko Udal Euskaltegiko eta AEK Euskaltegiko ikasleak bertaratu dira aurkezpenera, eta Urmenetaren irudiak ikusteaz eta azalpenak entzuteaz gain, galdera bati erantzun diote: ‘Zergatik eragin behar dugu herritarrok gure elikaduran?’.

Galdakao eta gero, aurkezpen marrazkituak egingo ditu Errigorak Bilbon, Iruñean, Donapaleun, Amurrion eta Oiartzunen. Herri guztietan galdera bera egingo dute eta ondoren, erantzunak aztertuko dituzte.

Galdakaon, gaurko aurkezpenaz gain, martxoaren 11n (17:15ean) eta 12an (10:00etan eta 17:30ean) Errigora produktuen dastaketa antolatu dute, doan, AEK Euskaltegian.

Estatu osoko jatetxeak eta mapak biltzen dituen Repsol gidaren Eguzki sariak banatu zituzten otsailaren 16an Tarragonan.

Eta guztira 83 eguzki berri eman zituzten, tartean, Zuriñe Garcia sukaldari galdakoztarraren El Paladar jatetxeari eguzki bat eman diote. 2022an zabaldu zuen Garciak jatetxea Portugaleten.

“Puente Colgante hoteleko ingurune pribilegiatu batean, sukaldariak euskal sustraiko sukaldaritza eguneratua garatzen du, bere esperientziaren eta errezeta-liburu autoktonoaren ezagutzaren isla. Tradizioaren eta berrikuntzaren arteko etengabeko oreka da El Paladarren proposamena, eta hurbiltasun-produktuan oinarritzen da, errespetuz eta inguruneko zaporeetan, plater atsegin, sakon eta aldi berean atseginei forma ematen dietenak, sukaldari bizkaitarraren nortasuna modu sotilean adierazteko gai direnak”, adierazi dute Repsol gidatik.

Garciaren El Paladar jatetxeaz gain, Hego Uribe eskualdean beste bi jatetxek dituzte Repsol eguzkiak, biak Galdakaon: Andra Mari (bi eguzki) eta Aretxondo (eguzki bat). Gainera, Galdakaoko Petit Komité jatetxea ere gomendatu egiten du Repsol gidak.

Espainiako Pista Estaliko Txapelketa jokatu da asteburuan Valentzian, eta bertan zilarra lortu zuen Aitana Rodrigo Rodriguez galdakoztarrak 60 metroko lasterketan.

Rodrigok 7,35eko marka egin zuen eta Jaël Bestué bartzelonarraren atzetik (7,19) bukatu zuen lasterketa.

Txapelketa berean parte hartu zuen Xabier Capetillo Landajo usansolotarrak eta bosgarren bukatu zuen 200 metroko lasterketan.

Gogoratzearren, Rodrigok Euskadiko errekorra hautsi zuen duela aste batzuk.

Ezbeharra gaur arratsaldean gertatu da, 19:15ak aldera, Lehendakari Agirre kalean. Bederatzi Zaurituak Galdakaoko eta Gurutzetako ospitalera eraman dituzte.

Segurtasun Sailak jakinarazi dutenez, Ibiltoki tabernako sabai faltsua bat-batean erori eta orduan gertatu da istripua.

Ertzaintza eta suhiltzaileak gertaeraren tokian izan dira azken orduetan, ingurua segurtatzen eta istripua zerk eragin duen ikertzen. Momentuz, ez da zaurituen egoerari buruzko xehetasun gehiagorik eman.

Albistea eguneratzen ari gara.