☉ Etxebarri
Egitaraua / Kuadrillen arteko olinpiada, kirola eta musika, Etxebarriko jaietan
Etxebarriko jaiak izango dira uztailaren 22tik 31ra bitartean. Jai Batzordeak 70 jarduera baino gehiago antolatu ditu, hala nola, kuadrillen arteko lehiaketak, frontenis txapelketa, gastronomia lehiaketak eta dastaketak, herri bazkaria, umeentzako jarduerak, erromeriak, dantzaldiak eta kontzertuak.
Etxebarriko jaiak 2022 / Programa
Uztailak 22-31
Uztailak 19, asteartea
19:00 Bikotekako Frontenis txapelketako kanporaketak frontoian
Izen-ematea: uztailaren 18ra arte frontoian
Baldintza: gutxienez bikoteko partaide bat etxebarritarra izatea
__
Uztailak 22, ostirala
18:30 Poteo musikatua herrian zehar
20:00 Kuadrillen eta herritarren jaitsiera San Esteban elizatik udaletxera
20:30 Pregoia eta txupinazoa udaletxeko plazan
23:00 Erromeria udaletxeko plazan: Erruki taldea
00:00 Suzko zezena
Uztailak 23, larunbata
10:00 Spinning maratoia udaletxeko plazan: 45 minutuko bi txanda. Izen-ematea: Cimen (2. solairuan) uztailaren 15etik aurrera, 10:00etatik 14:00etara
11:00-14:00 Paella lehiaketa. Izen-ematea 09:30etik aurrera udaletxeko plazan. Batzordeak mahaiak banatuko ditu 11:00ak arte
17:00 Pilota erakustaldia frontoian
17:00-21:30 Hirugihar-jana San Esteban etorbidea 5 kalean
17:30-19:00 Kuadrillen ginkana udaletxeko plazan
17:30 Tute eta Briska txapelketa Etxebarri Behekoa Jubilatuen egoitzan
18:30 Luntxa eta dantzak Etxebarri Behekoa jubilatuen egoitzan
19:00 Kontzertua udaletxeko plazan: Kuttune
20:00 Paella lehiaketako irabazleen berri ematea udaletxeko plazan
20:30 Garagardo-estropada Patxi Bengoa 6 plazan
23:00 Berbena udaletxeko plazan: Remix
Uztailak 24, igandea
12:30 Euskal erromeria parte-hartzailea udaletxeko plazan: Kittu
14:00 Makarroi-jan herrikoia udaletxeko plazan (3 euro)
17:30 Profesionalen esku pilota partiduak (Master Caixabank Liga):
– Arteaga II-Uriondo vs Alberdi-Morgaetxebarria
– Ezkurdia-Mariezkurrena vs Irribarria-Albisu
– Sarrerak 10-15 euroan salgai uztailaren 11tik aurrera frontoiko tabernan eta entradasfronton.com webgunean
18:00 Musika Festa udaletxeko plazan: Piratak
18:00 Mariatxiak Egetiaga Uribarri 10 kalean: Los Gavilanes Mariachis Juvenil
19:30-21:30 Patata tortilla lehiaketa Amezola kalean. Izen-ematea 19:00etatik aurrera udaletxeko plazan. Jai Batzordeak mahaiak utziko ditu 20:30ak arte
20:00 Kontzertu parte-hartzailea Irudi tabernaren aurrekaldean: Oier Asla
23:00 Disko Festa udaletxeko plazan
Uztailak 25, astelehena
11:00 Etxebarri Basket 3×3 txapelketa Bekosolon. Izen-emateak uztailaren 24a baino lehen: betibatera@gmail.com / 644 112 394 (Whatsapp)
12:30 Xaibor Disko Festa udaletxeko plazan
16:30 Mus txapelketa Beti Batera elkartearen egoitzan
18:00 Kutxa dorreen jokoa udaletxeko plazan. Izen-ematea 17:00etatik aurrera txosnan
18:00 Dardo txapelketa Patxi Bengoa 6 plazan
19:00 Kontzertua Egetiaga Uribarri 10 kalean: Nerbio Bulkada
20:30 Odolki- eta txorizo-jana udaletxeko plazan (1 euro)
Uztailak 26, asteartea
*Barrakak prezio herrikoietan
11:00 Bilbainadak eta mexikanadak Bizipoz Eguneko zentroan: Iñaki Basabe
11:30 Aurpegi margoketa tailerra Uribarribarri 6 kalean
17:00 Bikotekako Frontenis txapelketako finalerdiak frontoian
18:00 Ipuin-konatalariak eta tailerrak ingelesez udaletxeko plazan (3-11 urte)
19:30 Zumba-jaia udaletxeko plazan
20:00 Bikotekako Frontenis txapelketako finala frontoian
20:30 Kontzertua Egetiaga Uribarri 10 kalean: Lost Peachers Blues Band Orhella
Uztailak 27, asteazkena
12:00 Haurrentzako Heziki jolasak udaletxeko plazan (5-10 urte)
17:30 Haur-ginkana udaletxeko plazan (4-8 urte)
17:30 Arku tiroketa erakustaldia Kukullaga Behekoa ikastetxean
18:00 Gazte-ginkana Patxi Bengoa plazan (9-12 urte)
19:30 Antzerkia udaletxeko plazan: ‘Elkartasun jantokia’, Irrien Lagunak (4-8 urte)
20:00 Taloa doan + potea Batzokian
20:00 Kontzertua Egetiaga Uribarri 10 kalean: Falling Black
Uztailak 28, osteguna
12:00-14:00 / 16:00-19:00 Puzgarriak frontoian
18:00 Mini-Moltó motor lasterketa. Izen-emateak 17:00etatik aurrera udaletxeko plazan
18:30 Txokolatada udaletxeko plazan
19:15-20:15 Apara jaia eta ur-guda Taberna Zaharra plazan
20:00 Kontzertua Egetiaga Uribarri 10 kalean: Sourthbound Rock
20:00 Kontzertua Patxi Bengoa plazan: Stand Bye
21:30 Udako zinema udaletxeko plazan: Bumblebee
Uztailak 29, ostirala
11:30 Aurpegi margoketa tailerra Uribarribarri 6 kalean
17:30 Zirku tailerra frontoian (5-13 urte): 45 minutuko hiru txanda
19:30 Kontzertua Foruak 1o kaleko plazan: Sapo y El Sello
20:00 Magia ikuskizuna udaletxeko plazan: Omar magoa
20:00 Oroitzapenezko futbol partidua frontoian
20:30 Jalapeño lehiaketa Patxi Bengoa 6 plazan
22:30 IV. Mugi Etxebarri Festibala udaletxeko plazan: Unkommonsense + Oferta Especial + Balkan Bomba
00:00 Suzko zezena
Uztailak 30, larunbata
Mozorro eguna: Munduko herriak
11:00-14:00 Sukalki lehiaketa. Izen-ematea 09:30etik aurrera udaletxeko plazan. Jai Batzordeak mahaiak utziko ditu 11:00ak arte
17:30 VI. Sokatira txapelketa frontoian. Izen-emateak 16:30etik aurrera txosnan
19:00-20:00 Photocalla udaletxeko plazan
19:00 Txorizo-jana Patxi Bengoa plazan
20:00 Sukalki lehiaketako irabazleen berri ematea udaletxeko plazan
20:00 Kontzertua Kafe Antzokian: Los Primos
23:00 Berbena udaletxeko plazan: La Estampida
00:00 Suzko zezena
Uztailak 31, igandea
12:30 Ipuin-kontalariak udaletxeko plazan
13:00 Arepas tailerra udaletxeko plazan
15:00 Herri bazkaria frontoian (12 euro). Txartelak salgai jarriko dituzte (kartelak jarriko dituzte herrian)
20:00 Olinpiadetako lehiaketen sari banaketa udaletxeko plazan
20:30 Saltxitxa-jana udaletxeko plazan
23:00 Jaien amaiera udaletxeko plazan
☉ Etxebarri
Etxebarrik Basque Country Bikers motozaleen bigarren edizioa hartuko du herriko jaietan
Momentura arte edukiaren % 44a bete dute eta motorren mundua maite dutenak bertan parte-hartzera gonbidatu dituzte
Lehenengo edizioaren arrakasta ikusita, Basque Country Riders motozaleen bigarren edizioa hartuko du Etxebarrik uztailaren 25ean, herriko jaietan.
Lehen ekitaldia 2023an antolatu zuten eta aurtengoan parte hartzeko izen-emateak zabaldu dituzte motozaleen taldetik. Guztira 120 lagunentzako lekua egongo da. 15 euroren truke parte hartzaileek Lanyard bat, kamiseta bat, gosaria, bazkaria, azkaria eta lehiaketetan parte hartzeko aukera izango dute, besteak beste.
Interesdunek 688 696 969 telefono zenbakira whatsappa bidali beharko dute. Momentura arte edukiaren % 44a bete dute: “Leku barik lotuko zara? Izena eman!”, azaldu dute antolakuntza taldetik.
Egitaraua | Basque Country Bikers 2025
Uztailak 25, ostirala
09:00 Gosaria
11:00 Ibilbidea
13:00 Poteoa
15:00 Bazkaria, frontoia + zezen mekanikoa
16:30 Moto-jolasak
17:45 Zozketak
18:30 Rock kontzertua: ‘Apaga y vámonos’
20:00 Saltxitxada
☉ Etxebarri
Jon Fernandez etxebarritarra Silver WBC nazioarteko txapeldun da pisu superarinean, polemikaz beterik
Hirugarren erasoaldian epaileak gelditzeko agindua eman ondoren, Nuñez panamarrak legez kanpoko bi kolpe eman zizkion Jonferri eta deskalifikatu zuten. Erabakia “bidegabea” dela salatu dute panamarrek
Jon Fernandez etxebarritarra pisu superarineko Silver WBC nazioarteko txapeldun da.
Borrokaldia ekainaren 15ean izan zen Bilboko Miribillan, Ricardo “El Cientifica” Nuñez panamarraren kontra (WBC munduko rankingeko bigarrena).
Eta borrokaldian polemika izan da nagusi. Izan ere, hirugarren erasoan Jonathan Guggenheim epaileak Nuñez deskalifikatu zuen eta horregatik eman zioten zilarrezko gerrikoa etxebarritarrari.
Hain zuzen ere, epaileak gelditzeko agindua eman ondoren, Nuñezek legez kanpoko bi kolpe eman zizkion Jonferri, eta belarri batean ebakia eragin zion.
Irudiek baieztatu egiten dute kolpeak gelditzeko aginduaren ondorengoak izan zirela. Hala ere, Nuñezen taldeak WBCri errekurtsoa aurkeztu nahi dio emaitza aldatzeko eskatzeko, “bidegabea” dela iritzita. Mauricio Sulaiman WBCko presidenteak Bilbon gertatutakoari buruzko txosten bat eskatu du, egoera posibleak aztertzeko.
☉ Etxebarri
Mirador proiektuko 51 etxebizitza babestu eta tasatu esleitu gabe geratu dira, Etxebarrin
Iaz egin zuten zozketaren ostean, oraindik babes ofizialeko 17 etxebizitza eta 34 etxebizitza tasatu daude eskuragarri
San Antonio auzoan, Institutu berriaren ondoan, 95 etxebizitza eraikitzen ari dira: babes ofizialeko 60 etxebizitza eta udal-tasazioko 35.
Iaz etxebizitzak esleitzeko zozketa egin zuten, eta orain, merkaturatze-fasea amaituta, gaur gaukoz 44 etxebizitza saldu dituzte eta 51 etxebizitza esleitu gabe geratu direla jakinarazi du Etxebarriko Udalak.
Datuak datu, babes ofizialeko 60 etxebizitzatik 43 saldu dituzte eta 17 geratzen dira salgai, eta 35 etxebizitza tasatuetatik bakarra saldu dute, eta hortaz, 34 etxebizitza tasatu daude saltzeke.
“Hori dela eta, bai bere garaian zozketan ez parte hartzea erabaki zuten pertsonek, bai, inskribatuta egon ez arren, Babes Ofizialeko Etxebizitza bat eskuratzeko baldintzak betetzen dituztenek, orain eskuragarri dauden etxebizitzetako bat eskura dezakete”, diote udal ordezkariek.
Horrelakoak izango dira Mirador proiektuko etxebizitzak // Etxebarriko Udala
Iruñalan higiezinen agentzia kuadeatzen ari da Mirador proiektuko merkaturatzea. Interesdunek 607 701 875 eta 629 538 101 telefono zenbakietan eta info@irunalan.com helbide elektronikoan jaso dezakete informazioa.
220 izen-emate
Etxebizitzak esleitzeko zozketa iaz egin zuten. Eta zozketa antolatzeko, Etxebarrin erroldatutako eta etxebizitza-eskatzaile gisa inskribatutako pertsonen zerrenda eskatu zion Udalak Etxebideri.
Ondoren, haietako bakoitzarekin harremanetan jarri ziren parte hartzeko interesa baieztatzeko. Izena eman zuten 220 pertsonetatik 153k berretsi zuten parte hartzeko borondatea, eta esleipen-prozesuan sartu ziren.
Etxebarriko Udalak gogorarazi du etxebizitza eskuratzea “funtsezkoa” dela udalerri bidezkoagoa, inklusiboagoa eta jasangarriagoa eraikitzeko: “Eta aukera honek irekita jarraitzen du Miradorean etorkizuna bilatzen ari direnentzat”, diote.
☉ Etxebarri
Aurrekontu parte-hartzaileen prozesua egingo dute aurten Etxebarrin
Etxebarriko Udalak 150.000 euro bideratuko ditu, partaidetza-prozesu baten bidez, herritarrek zehazteko zein esku-hartzeri eman lehentasuna
Etxebarriko Udalak 2024ko kontuen itxiera egin zuen maiatzean du eta 544.873 euroko superabita izan du: iaz 16,1 milioi euroko diru-sarrerak zenbatu dituzte eta gastuak 15,6 milioi izan dira.
Gauzak horrela, superabit hori aurreko urteetako gerakinera gehitu du Udalak.
Guztira 6,4 milioi euroko diruzaintzako gerakina du Udalak. Eta zenbateko horretatik 4,5 milioi dagoeneko “konprometituta” dagoela zehaztu dute udal ordezkariek.
Besteak beste, liburutegi berriaren obra Euskaltzaleak plazan eraikitzeko, San Esteban eta Barrondo kaleak berrurbanizatzeko, bidegorria Aldundikaren bizikleta-pistarekin lotzeko, futbol zelaian galdara berria jartzeko eta Mirador proiektuan etxebizitzak erosteko eta alokairura bideratzeko.
Gauzak horrela, Udalak 1,9 milioi eurokoa da Udalak erabilgarri izango duen gerakina.
“Erabilgarri dagoen soberakin horrekin 2025erako erronka eta konpromiso berriei aurre egin behar zaie”, esan zuen Iker Lopez alkateak.
Erronka eta konpromiso berri horiek dira: San Antonio 8-20 berrurbanizatzea, futbol zelaiko instalazioak eraberritzeko 0 fasea martxan jartzea eta aldagailu inklusiboa eta komun publikoa L1 eta L2 metroaren inguruan eraikitzea. Proiektu hauek epe ertainera eta luzera begirakoak dira.
Gainera, berrikuntza bezala, aurrekontu parte-hartzaileak sustatu nahi ditu aurten Etxebarriko Udalak.
“Askoz gehiago dira Etxebarriko pertsona eta kolektiboen eskaerak eta beharrak, eta, horregatik, 150.000 euro inguruko kopurua bideratu nahi dugu, partaidetza-prozesu baten bidez, herritarrek esku-hartzeen artean lehentasuna zeini eman beharko litzaiokeen zehaztu dezaten”, dio Lopezek.
Hasi dira San Antonioko jaiak Etxebarrin! Ekainaren 6an, ostiralez, txupinazoa eta kuadrillen jaitsiera izan da eta bertan egon gara GEURIAtik! Ikusi argazkiak hemen!
Sidenorrek salmentak eten ditu Israelekin, BDZ mugimenduaren eta sindikatuen kritiken ostean
Igerilekuen ondoan dagoen sarbidea zabalik mantenduko dute Ugaon, larrialdi zerbitzuen sarrera errazteko
Etxebarrik Basque Country Bikers motozaleen bigarren edizioa hartuko du herriko jaietan
Argazkiak | Iratxo eta sorginek San Juan sua piztu dute Arrigorriagan
Argazkiak | San Juan bezperako kantuak, erritualak eta konjuruak, Galdakaon
Argazkiak | Biarte Dantza Eskolak piztu du San Juan sua Pozokoetxen, Basaurin
Monografikoa | Etxe (eta) Bizitzak | Beñat Garcia Salcedo: «Etxea dena da guretzat, lantokia, eta gauden tokian egonda baita paradisua ere»
Bideoa | Iskander Sagarminaga: “Manhattaneko hogei zubiak zeharkatuko ditut; oso froga esanguratsua da, leku oso berezian”
