☉ Basauri
Unai Lopez: «Kulturismo naturalak eta konbentzionalak diziplina bera eskatzen dute, baina bereizten gaituen bakarra laguntza exogenoak dira»
Unai Lopez Iriarte basauriarrak Kulturismo Naturalaren Munduko Txapelketan parte hartuko du azaroan Dubain. Espainiako Txapelketan sailkatu ondoren, ilusioz, umiltasunez eta diziplinarekin ekingo dio bere lehen mundialari
Norbaitek kulturismo hitza entzuten duenean, burura etortzen zaion lehenengo gauza gorputz hipermuskulatuak, muturreko errutinak eta ezinezko dietak dira.
Hala ere, estereotipo horren atzean, dirudiena baino askoz ere bertsio gizatiarragoa, hurbilagoa eta zorrotzagoa dago: kulturismo naturala, iraunkortasunean, elikadura orekatuan eta exogenorik gabe oinarritzen den diziplina.
Kulturismo naturalaren mundu horretan Unai Lopez Iriarte (Basauri, 1994) nabarmentzen da.
Sidenorreko mantentze-lanetako teknikaria eta online entrenatzailea izateaz gain, Unaik Dubain ospatuko den kulturismo naturalaren Munduko Txapelketarako sailkapena lortu du.
Ez du osperik ez dominarik bilatzen —anbizioa falta ez bazaio ere—, baizik eta sakrifizioarekin, koherentziarekin eta familiaren laguntzarekin lasterbiderik gabe urrun irits daitekeela erakustea.
Kulturismo naturaleko atleta, Dubaiko Munduko Txapelketarako sailkatuta zaude! Zorionak! Noiz da txapelketa? Txapelketa azaroaren 15ean eta 16an izango da. Egun batzuk barru hara joango gara esperientzia bizitzera! Oso pozik nago!
Zer espero duzu Munduko Txapelketaz? Nire lehen mundiala da, eta gozatzea besterik ez dut buruan, baina, nire nortasunagatik, nire onena ematera joango naiz, gerra ematera, eta ahalik eta sailkapenik onena lortzeko ahaleginduko naiz.
Nola jaso zenuen Munduko Txapelketarako sailkatu zinen albistea eta zer esan nahi du zuretzat mundu mailan lehiatzeak? Espainiako Txapelketan jakin nuen sailkatu nintzela Munduko Txapelketa jokatzeko. Aurtengo eta iazko lanaren ondorio izan da. Nire ahalegin eta inguru hurbilaren saria da.
Ezagutzen ez dutenentzat, zer da kulturismo naturala? Kulturismo naturala, kulturismo konbentzionala bezala, gainontzeko atletekin eszenatokian posatzen eta alderatzen saiatzen da.
Eta zertan bereizten da kulturismo konbentzionaletik? Gaur egun eztabaida handia dago gai honekin, baina bi modalitateek dedikazio eta diziplina bera eskatzen dute. Bereizten gaituen gauza bakarra laguntza exogenoak dira.
Nola hasi zen zure harremana kirol honekin? Crossfitetik nentorren. Belaunetan lesio garrantzitsu bat izan nuen, boxeatzen hasi nintzen eta, gimnasioa itxi zutenean, Basauriko beste gimnasio batean entrenatzen hasi nintzen.
Munduko txapelketa baterako prestaketa ez da erraza izango. Egia esan, gehiago kostatzen ari zait. Denboraldia irailean hasi nuen, baina prestaketa maiatzetik dator. Oso gantz maila baxuarekin nago aspalditik, eta dena gogorrago ari da izaten.
Nolakoa da zure egunerokoa entrenamenduetan? Entrenamenduei dagokienez, duela hilabete batzuetatik hona ez ditut aldatu. Egia da errendimendua jaitsi egin dudala, baina saio bakoitzean % 110 ematen saiatuko gara, eta hori egoera edozein dela ere ez da aldatzen.
Arlo fisikoaz gain, mentalki ere prestatzen zara? Fisikoa bera da prestatzeko errazena, lesioak kenduta. Benetan zaila dena arlo mentala da, batez ere bizimodu normala egiten saiatu nahi baduzu. Hori da: etxean ez isolatzea, zure lagunekin eta familiarekin harremanetan jarraitzea eta eurekin ahalik eta gehien disfrutatzea. Jakina, antsietate edo larritasun uneak badaude, baina une horietan egin dudan lan guztia dut gogoan, baita nire emaztea eta gurasoak, eta noski, ni neu; hortzak estutzen ditut aurrera egiteko.
Kulturismo naturalaren bide honetan zein izan da erronkarik handiena? Emozioak kudeatzea, zalantzarik gabe. Une batzuetan gauza asko molestatu egiten dizute, ez duzu maitekor egoteko gogorik, jendeari gustatzen zaizuna jaten ikusten diozu… Baina hau nire bigarren urtea da lehiatzen, eta dena askoz gehiago kontrolatzen ikasi dut.
Emaitzez haratago, zer eskaintzen dizu kulturismoak? Egunerokotasunean errutinak ematen dizkit —lehen nahiko zoroa nintzen—, nire helburuak betetzean gogobetetzea, eta norberaren hobekuntza fisikoa eta mentala eskaintzen dizkit. Baina, batez ere, nire pasioaz gozatzeko aukera ematen dit nire hurbilekoekin. Lehiatzen naizenean, egun batzuk lehenago familian joaten gara, eta hori da onena.
Zeintzuk dira zure helburuak etorkizunerako? Senar hobea izatea, aita ona izatea —urtarrilean aita izango naiz— eta kirol mailan aurrera egiten jarraitzea bizitzak uzten didan arte, betiere nire familian eragin negatiboa ez badu.
Zer mezu helarazi nahi diezu kulturismo naturalean hasten ari diren gazteei? Pazientzia izan dezatela. Benetan balio duten gauzak ez dira lortzen goizetik gauera. Euren buruarengan sinets dezatela, nahiz eta jendeak merezimendua kentzen saiatu. Ez diezaietela kasurik egin esames eta txutxumutxuei, eta borroka dezatela euren ametsen alde. Hori litzateke zabaldu nahi dudan mezua.
☉ Basauri
Iñaki Artola pilotariak eta Iker Iriarte botilleroak hitzaldia eskainiko dute bihar Basaurin
‘Kirolarien psikologia’ hitzaldia eskainiko dute bihar, azaroak 27, Artunduagako pilotalekuan. Sarrera doakoa izango da
Esku Pilota profesionalaz berriro gozatzeko aukera izango da Basaurin. Aurten ere Basaurik pilota profesionalaren aldeko apustua egin du eta Binakako Txapelketaren jardunaldietako bat jokatuko da Artunduagako frontoian azaroaren 28an, ostiralez.
Peio Etxeberria lau t’erdiko txapeldunak jokatuko du Beñat Rezustarekin batera, eta aurkari izango dituzte Javi Zabala (lau t’erdiko txapeldunordea) eta Julen Marija.
Bigarren mailako partida ere jokatuko da Artunduagan Peña II-Salaverri eta Zubizarreta III-Aranguren bikoteen artean.
Partida profesionalen aitzakian, Bidebieta Pilota Elkarteak bihar, azaroak 27, 18:45ean jarduera bat antolatuko du Artunduagako pilotalekuan: Iñaki Artola pilotariaren eta Iker Iriarte botilleroaren hitzaldia, hain zuen.
“Iñaki Artola pilotari profesionala eta Iker Iriarte bere botileroa Artunduagara etorriko dira, nahi duten pilotari eta familia guztiekin arratsalde atsegin bat pasatzera”, diote. Hitzaldia euskaraz izango da eta ordu eta erdi inguru iraungo du.
☉ Basauri
Musika, kirola eta umorea Basaurin, Euskararen Nazioarteko egunaren harira
Ekintzak azaroaren 27tik abenduaren 12ra luzatuko dira, eta besteak beste, ‘Miñan’ antzezlana, PlayBack lehiaketa, hitzaldi musikatuak edo Baskot gaua antolatu dituzte
Basauriko Udalak Euskararen Egunaren bueltan antolatutako ‘Euskararen bide berriak’ ekintza sorta aurkeztu du. Azaroaren 27tik abenduaren 12ra bitartean, musika, antzerkia, kirola eta euskal kultura izango dira ardatz nagusiak, basauriarrei zuzendutako hamaika jarduerarekin.
Musika eta lehiaketei dagokionez, Playbacka izango da protagonistak: Laugarren Playback Herri Lehiaketa (8-12 urte) azaroaren 28an izango da Solobarrian.
Urtero bezala, Hitzaldi Musikatuak ere antolatu dituzte: Abenduaren 2an, Udal Musika Eskolako ikasleen emanaldi bereziarekin batera, Alex Sardui (Gatibu / Exkixu) eta Maitane Iruiñ (Mirua) artistek hitzaldi musikatuak eskainiko dituzte Social Antzokian. Sarrerak doan jaso daitezke Musika Eskolan eta Social Antzokian.
Bada, antzerkia, kirola eta umorea era ez dira faltako, eta protagonismo handia izango du azaroaren azken astetik aurrera: Azaroaren 28an, ‘Miñan’ antzezlana taularatuko da Social Antzokian. Bestalde, azaroaren 30ean, ‘Bertso garbitzailea’ umore-ikuskizuna egingo da Basozelaiko Zortziko plazan, familia osoarentzat.
Kirolari dagokionez, azaroaren 27an, Iñaki Artola pilotari profesionalak eta Iker Iriarte bere botilleroak ‘Kirolarien psikologia’ hitzaldia emango dute Artunduagako frontoian. Egun bi geroago, azaroaren 29an, larunbatez, egun osoko plan zabala antolatu da: Eguerdian, Emoiok herriko trikitilari taldearen kalejira izango da, eta 12:30ean Solobarrian ‘Txakolin eta Gazta dastaketa’ (izen-ematea beharrezkoa da). Gauean, 21:30etatik aurrera, Oihan Vega DJaren euskarazko musika saioak jarriko du jai-giroa Solobarrian.
Eta bukatzeko, Euskararen Nazioarteko Egunean, abenduaren 3an, ‘Basauriko Umeak Kantari’ ekintza egingo da herrian zehar. Azkenik, abenduaren 12an, Bolintxu AEK-k kudeatutako ‘Baskot Gaua’ euskal jaia ospatuko da San Jose ikastetxean, txano eta kapela bereziekin (gaia: Korrika).
☉ Basauri
Basauriko Guraso Elkarteak: “Hezkuntza Sailak ez digu eskola-sukaldearen inguruko bileraren berririk eman”
Basauriko guraso elkarteekin bilduko direla zehaztu dute Hezkuntza Sailetik, “egindako aurrerapenak partekatzeko eta hurrengo urratsak azaltzeko”
Eusko Jaurlaritzak eskola-sukaldea martxan jarriko du Basaurin inguruko bederatzi ikastetxe publikori zerbitzu emateko.
Ekainean eman zuen horren berri, eta asmoa zen eskola-sukalde hori ikasturte honetarako prest egotea, baina oraindik ez da proiektua gauzatu.
Ildo horretan, eta Basozelai-Gaztelu ikastetxeko jantokian pasa den astean ikasle baten babarrun-platerean zizare bat agertu ostean, Basauriko sei ikastetxe publikoetako guraso elkarteek euren “kezka eta ezinegona” adierazi dute eskola-jantokien egungo egoeragatik.
Bizkotxalde, Sofia Taramona, Basozelai-Gaztelu, Arizko Ikastola, Kareaga Goikoa eta Etxegarai ikastetxeetako guraso elkarteek salatu dutenez, Eusko Jaurlaritzak “ez du oraindik ekainean iragarri zuen promesa bete”.
Itxaronaldia “luzea” dela adierazi dute Basauriko guraso elkarteek, “proiektuaren egoerari eta ezaugarri zehatzei buruzko berririk gabe”, diote, eta gaineratu dute: “Haurrek atzerapen hori jasaten jarraitzen dute”.
Gurasoen kexak publiko egin ostean, Eusko Jaurlaritzako Hezkuntza Sailak berretsi du Basaurin eskola-sukaldea martxan jartzeko bere “konpromiso irmoa”.
“Hilabeteak daramatzagu lanean irtenbide onenaren bila Basauriko ikastetxeetan kalitatezko jantoki zerbitzua bermatzeko”, adierazi dute Hezkuntza Saileko ordezkariek.
Basaurin dagoeneko “hainbat alternatiba tekniko” aztertu dituztela esan dute, “herriko hezkuntza-zentroen beharrei eraginkortasunez erantzuten dien proiektu bat definitzeko”.
Era berean, Basauriko guraso elkarteekin bilduko direla zehaztu dute Hezkuntza Sailetik, “egindako aurrerapenak partekatzeko eta hurrengo urratsak azaltzeko”.
Basauriko guraso elkarteko ordezkariekin harremanetan jarri da GEURIA, eta adierazi dute oraindik ez dutela bilera horren berririk: “Bilera guk eskatu genuen, baina oraindik ez digute erantzunik eman”.
Basauriko Udalak, bere aldetik, guraso elkarteen eskaerei babesa eman die, eta “behar horiek dagozkien erakundeei helarazteko egindako lan bateratua eta etengabea” azpimarratu dute.
“Eusko Jaurlaritzarekin etengabeko harremana mantentzen dugu proiektuaren berri izateko, eta esan digute proiektua aurrera doala”, diote udal ordezkariek.
Ildo horretan, Basauriko Udalak adierazi du proiektu hau “ahalik eta azkarren” gauzatu dadin eta, “kalitatezko zerbitzu baten adibide izan dadin”, beharrezkoa den guztian laguntzeko eta lankidetzan aritzeko prest dagoela.
☉ Basauri
Basaurin eskola-sukaldea martxan jartzeko “konpromiso irmoa” berretsi du Eusko Jaurlaritzak
Basauriko guraso elkarteekin bilduko direla zehaztu dute Hezkuntza Sailetik, “egindako aurrerapenak partekatzeko eta hurrengo urratsak azaltzeko”
Basozelai-Gaztelu ikastetxeko jantokian pasa den astean ikasle baten babarrun-platerean zizare bat agertu ostean, Basauriko sei ikastetxe publikoetako guraso elkarteek euren “kezka eta ezinegona” adierazi dute eskola-jantokien egungo egoeragatik.
Bizkotxalde, Sofia Taramona, Basozelai-Gaztelu, Arizko Ikastola, Kareaga Goikoa eta Etxegarai ikastetxeetako guraso elkarteek salatu dutenez, Eusko Jaurlaritzak “ez du oraindik ekainean iragarri zuen promesa bete”: Basaurin eskola-sukalde bat martxan jartzea, inguruko bederatzi ikastetxe publikori zerbitzu emateko, hain zuzen.
Jaurlaritzaren asmoa zen eskola-sukalde hori martxan egotea ikasturte honetan, baina oraindik ez da proiektua gauzatu.
Itxaronaldia “luzea” dela adierazi dute Basauriko guraso elkarteek, “proiektuaren egoerari eta ezaugarri zehatzei buruzko berririk gabe”, diote, eta gaineratu dute: “Haurrek atzerapen hori jasaten jarraitzen dute”.
Gurasoen kexak publiko egin ostean, Eusko Jaurlaritzako Hezkuntza Sailak berretsi du Basaurin eskola-sukaldea martxan jartzeko bere “konpromiso irmoa”.
“Hilabeteak daramatzagu lanean irtenbide onenaren bila Basauriko ikastetxeetan kalitatezko jantoki zerbitzua bermatzeko”, adierazi dute Hezkuntza Saileko ordezkariek.
Basaurin dagoeneko “hainbat alternatiba tekniko” aztertu dituztela esan dute, “herriko hezkuntza-zentroen beharrei eraginkortasunez erantzuten dien proiektu bat definitzeko”.
Era berean, Basauriko guraso elkarteekin bilduko direla zehaztu dute Hezkuntza Sailetik, “egindako aurrerapenak partekatzeko eta hurrengo urratsak azaltzeko”.
Basauriko guraso elkarteko ordezkariekin harremanetan jarri da GEURIA, eta adierazi dute oraindik ez dutela bilera horren berririk: “Bilera guk eskatu genuen, baina oraindik ez digute erantzunik eman”.
Basauriko Udalak, bere aldetik, guraso elkarteen eskaerei babesa eman die, eta “behar horiek dagozkien erakundeei helarazteko egindako lan bateratua eta etengabea” azpimarratu dute.
“Eusko Jaurlaritzarekin etengabeko harremana mantentzen dugu proiektuaren berri izateko, eta esan digute proiektua aurrera doala”, diote udal ordezkariek.
Ildo horretan, Basauriko Udalak adierazi du proiektu hau “ahalik eta azkarren” gauzatu dadin eta, “kalitatezko zerbitzu baten adibide izan dadin”, beharrezkoa den guztian laguntzeko eta lankidetzan aritzeko prest dagoela.
☉ Basauri
Basauriko guraso elkarteek salatu dute ez dagoela udal-sukaldearen proiektuaren inguruko berririk
“Epe laburrean benetako aldaketa aldarrikatzen jarraituko dugu, eta familia guztiak animatzen ditugu jantokien eredua behingoz alda dadin exijitzera”, diote
Basozelai-Gaztelu ikastetxeko jantoki zerbitzuan ikasle baten babarrun-platerean zizare bat agertu zela salatu zuen pasa den astean guraso elkarteak.
Gertakari horren aurrean, Basauriko sei ikastetxe publikoetako guraso elkarteek euren “kezka eta ezinegona” adierazi dituzte eskola-jantokien egungo egoeragatik.
“Zerbitzu honen azpikontratazioak gertakari onartezinak eragiten ditu oraindik ere: menu ez osasungarriak, kalitate eta kantitate txikikoak; osagai izoztu eta aurreprestatuekin egindako elaborazioak eta janari ultra prozesatua; entregak ez betetzeagatik termoetan denbora gehiegi ematen duten janariak: ikastetxeen errealitatearekin bat ez datozen ratioak dituzten langile gutxiegi; eta langileen ordezkapen falta… Horrek guztiak gure seme-alaben beharrak betetzen ez dituen elikadura eta behar bezala eman ezin den zerbitzua eragiten ditu”, salatu dute Bizkotxalde, Sofia Taramona, Basozelai-Gaztelu, Arizko Ikastola, Kareaga Goikoa eta Etxegarai ikastetxeetako guraso elkarteek.
Era berean, Eusko Jaurlaritzak ekainean iragarri zuen promesa ikasturte honen hasieran Basaurin eskola-sukaldea martxan jarriko zuela adierazten zuena kritikatu dute guraso elkarteek.
“Alderdi guztiei gogorarazi nahi diegu oraindik gauzatu gabe dagoela iragarri zuten promesa jangela-sistema aldatzekoa eta udal-sukalde bat ezartzekoa”, diote.
Itxaronaldia “luzea” dela adierazi dute, “proiektuaren egoerari eta ezaugarri zehatzei buruzko berririk gabe”, diote, eta gaineratu dute: “Haurrek atzerapen hori jasaten jarraitzen dute”.
“Onartezina gure haurren ongizatea gutxiesten jarraitzea. Epe laburrean benetako aldaketa aldarrikatzen jarraituko dugu, eta familia guztiak animatzen ditugu jantokien eredua behingoz alda dadin exijitzera”, diote.
Iñaki Artola pilotariak eta Iker Iriarte botilleroak hitzaldia eskainiko dute bihar Basaurin
Bideoa | Palestina, Irlanda, Kurdistan, Italia, Gales eta Euskal Herriko musikariek kontzertua emango dute Galdakaon
Galdakao-Usansolo ospitaleko aparkalekua handitzeko lanak 2026an hasiko ditu Eusko Jaurlaritzak
Ehun pertsona baino gehiago elkartu dira Ugaon, indarkeria matxistaren aurkako eguneko elkarretaratzean
Argazkiak | ‘Erreakzioari erantzun feminista’ lemapean manifestazioa egin dute azaroaren 25ean Galdakaon
Argazkiak | Indarkeria matxistak isilarazi dituen emakumeak oroitu dituzte gaur Basaurin
Bideoa | “Indarkeria matxistari aurre egiteko beharrezkoa da patriarkatuaren irakurketa estruktural bat egitea”
Bideoa | Izaro abeslariaren ‘Libre’ kantatu dute Basaurin, A25aren testuinguruan
