☉ Arrigorriaga
Kirola protagonista izango da Arrigorriagako jaietan
Besteak beste, Larunbe, Olaizola II , Bengoetxea VI eta Aretxabaleta pilotariak arituko dira Arrigorriagako udal kiroldegian.
Ekintza guztien artean, eskupilotako Bizkaiko Txapelketaren VII. edizioa da nabarmentzekoa. Uztailaren 20an, ostiralez, punta puntako pilotariak arituko dira Arrigorriagako frontoian. Besteak beste, Larunbe, Olaizola II , Bengoetxea VI eta Aretxabaleta izango dira Arrigorriagako udal kiroldegian.
22:00etatik aurrera izango da hori eta ETBk zuzeneko emanaldia egingo du Arrigorrigatik. Hiru partida izango dira guztira: lau t’erdian Arteagak Lasoren kontra jokatuko du, buruz burukoan Bakaikoa eta Urretabizkaia arituko dira eta bikotekako partidan Olaizola II-ak eta Aretxabaletak Bengoetxea VI eta Larunbe bikotea izango dute aurrez aurrez.
Hori pilotari profesionalei dagokienez. Izan ere, hurrengo egunean, hilaren 21ean (larunbata), benjamin eta benjamin aurreko mailako pilota-partidak jokatuko dira anbulatorioko pilotalekuan, Arguia Pilota Eskolak antolatuta. Horrez gain, hilaren 22an, benjamin aurreko, benjamin eta kadete mailako partidak jokatuko dira udal-pilotalekuan.
ESKALADA ETA URPEKARITZA IKASTAROAK
Hilaren 21ean, larunbatez, xakeko taldekako partida laburren txapelketa eta haurrentzako xake txapelketa jokatuko dira, udaletxeko arkupeetan. Patinajea ere protagonista izango da larunbatean, XI. Hiri Ibilbidea antolatu baitute. Taekwondoari dagokionez, haur eta gazteentzako ate irekien jardunaldia egingo da kiroldegian, 11:00etatik aurrera.
Egun berean, urpekaritza eta eskalada ikastaroak egingo dira udal kiroldegian, 11:00etatik aurrera biak. Lehena kanpoko igerilekuan izango da eta bigarrena eskalada-horman.
Igandean, Madalena Egunean, txirrindularitzaren eta Herri Kirolen txanda izango da. XII. Txirrindulari Bira antolatu dute aurten: udaletxeko plazan hasi (11:30) eta amaitu da. Arratsaldean Bizkaiko Herri Kirolen Liga ospatuko da eta Ondarroako Herri Kirol Taldea izango da Lehendakari Agirre parkean.
Bukatzeko, ez dira faltako, urtero legez, futbol, saskibaloi eta padel txapelketa herrikoien finalak.
Programa osorik irakurtzeko: ARRIGORRIAGAKO JAIAK 2018-PROGRAMA
☉ Arrigorriaga
Argazkiak / Jasokak herri kirolak jaiaren erdigunean jarri ditu beste urtebetez
Indartsu, osasuntsu eta indarberrituta dago Arrigorriagako Jasoka Herri Kirol taldea. Gaurko erakustaldian partaide denak herrikoak edo Zaratamoak izan dira
Urtero izaten dute euren lekua herri kirolek Arrigorriagako Madalenetan. Are gehiago, urtea joan eta urtea etorri sona handiagoa hartzen ari den ekitaldia da, Jasoka taldeak gero eta partaide gehiago dituelako, bai herrikoak bertakoak edo bai ingurukoak (gaurkoan Zaratamokoak).
GEURIA Argala plazan egon da partaideekin batera, eta parte hartzaileek indar eta abilezia erakustaldi aparta eskaini diote bertaratu diren herritarrei.
☉ Arrigorriaga
Bideoa / Artista handiak direla erakutsi dute Arrigorriagako Gazteek Playback lehiaketan
Zazpi talde (gehi azken orduko partaide bat) eta zazpi abesti Arrigorriagako Txosnagunea dantzan jartzeko. Larunbatean Gazte Kuadrillak Olinpiada berezi bezain dibertigarrian murgildu baziren, atzo “kantuaren” eta dantzaren tartea heldu zen, Gazteen Play Back lehiaketan. Maila handia erakutsi zuten partaide guztiek, bertaratutakoen gozagarri, eta epaimahaiko kideek zail izan zuten azken erabakia. Lehia estuaren ondoren, Ladys kuadrillak lortu zuen sari nagusia.
GEURIA bertan egon zen, eta Laura Martin jai batzordeko kide eta epaimahaikide zorrotzarekin hitz egiteko aukera izan genuen.
☉ Arrigorriaga
Argazkiak / Herriko eta atzerriko tradizioak uztartu dituzte Arrigorriagako Madalena egunean
Berezia da Madalena eguna herritar askorentzat, familiarekin batu, aspaldi ikusi gabeko lagunekin topo (eta topa egin), urteroko hitzordu eta usadioak berritu, eta falta direnak gogoratzeko aukera ematen baitu uztailaren 22ak
Mistela eta Madalena banaketa, meza, txistulariak, Akordei Orkestraren kontzertua, Folklore Jaialdia, Gazteen Play Back lehiaketa… aspaldiko tradizioak, berriagoak, herrikoak eta atzerrikoak uztartu dituzte gaur Arrigorriagan.
Berezia da Madalena eguna herritar askorentzat, familiarekin batu, aspaldi ikusi gabeko lagunekin topo (eta topa egin), urteroko hitzordu eta usadioak berritu, eta falta direnak gogoratzeko aukera ematen baitu uztailaren 22ak.
GEURIA Arrigorriagan egon da goizean goizetik, jai giroan murgilduta.
Teilatu zati bat erori da gaur arratsaldean Martiartu auzoan, Arrigorriagan, Bizkaiko suhiltzaileek adierazi dutenez.
GEURIA Martiartura bertaratu da eta teilatuaren zati txiki bat erori da. Lekukoek adierazi dutenez, trasteleku batzuen gainean erori da teilatu zatia eta ez du zauriturik eragin.
Eraikinaren balorazioa egin dute suhiltzaileek eta enpresa pribatu batek konponduko du teilatua, etxebizitza jabegoak ordainduta.
Gazteen eguna izan zen atzo Arrigorriagako jaietan. Bazkaria izan ostean eta bingo musikatuaren ondoren, dagoeneko ezinbesteko hitzordua bilakatu den Gazte Olinpiadak egin zituzten.
Aurten 42 kuadrillak hartu dute parte. Jon Ander Paredes Gazte Olinpiadako partaidearekin berba egin dugu!
SEPESek La Basconia garatzeko Plan bereziak aurkeztu dizkio Basauriko Udalari
Arandiako zubiaren eta Leitokiko eskolen arteko tartea berrituko dute Ugaon
Programa / Zaratamoko jaiak 2024
Argazkiak / Jasokak herri kirolak jaiaren erdigunean jarri ditu beste urtebetez
Argazkiak / Herriko eta atzerriko tradizioak uztartu dituzte Arrigorriagako Madalena egunean
Argazkiak / Harrobia osasuntsu dagoela erakutsi dute Bengoentxeko goitibehera lasterketan
Bideoa / Drift ikuskizunak abiadura biziak eta adrenalina ekarri ditu Etxebarriko jaietara
Basauriko Bidebieta Pilota Eskola Katalunian jokatu den Eskolarteko Topaketetan izan da
