Sareak
[the_ad_group id="3890"]

☉ Basauri

Basauriko Udaltzaingorako enplegu eskaintza martxoaren 26ra arte egongo da zabalik

|

basauri udaltzaingoa 2015

Basauriko Udalak Enplegu Publikorako Eskaintza (EPE) deitu du, Udaltzaingoko oinarrizko eskalako lau lanpostu berri betetzeko, txanda librean eta oposizio sistemaren bidez. Estatuko Aldizkari Ofizialak adierazi duenez, martxoaren 26ra arte aurkeztu ahal izango dira eskabideak Herritarrei Informazioa eta Arreta emateko Bulegoan dagoen Erregistro Orokorrean, Basauriko udaletxean bertan. Era berean, Estatuko administrazio orokorraren, autonomia erkidegoaren edota toki administrazioaren edozein administrazio organoren aurrean ere aurkeztu ahal izango dira, aldez aurretik horri buruzko hitzarmena sinatuta baldin badago organo horiekin.

Guztira derrigorrezko lau proba gainditu beharko dituzte parte hartzaileek. Lehen proba egiteko data, ordua eta tokia, gutxienez zazpi egun lehenago iragarriko dira Bizkaiko Aldizkari Ofizialean (BAO) eta Basauriko Udalaren webgunean. Gainontzeko proben deialdiak, gutxienez 72 ordu lehenago iragarriko dira, Basauriko Udalaren iragarki-tauletan zein udal webgunean.

BALDINTZA ESPEZIFIKOAK

Hautagaiak onartuak izan daitezen honako baldintza hauek bete behar dituzte: – Aurretiaz eskabidea aurkeztea – Espainiako nazionalitatea izatea – 18 urte beteta izatea – Gutxieneko altuera 1,65 metro gizonezkoetan eta 1,60 emakumezkoetan izatea – Eskola Graduatuaren edo baliokidearen jabe izatea – Osasun-arrazoiengatik baztertuta izateko egoeran ez egotea – Doluzko delituengatik zigortuta egon ez izana edo herri administrazioaren zerbitzutik baztertuta ez izana – Arau-hauste larriengatik Euskal Herriko Poliziaren edozein hautaketa-prozesutik kanpo geratu ez izana – A2 eta BTP gidabaimenak edukitzea eta indarrean egotea – Bigarren hizkuntza eskakizuna edukitzea – Lortu nahi duten lanpostuari dagozkion betebeharrak onartzea.

☉ Basauri

Sanfaustoetan 16.300 euro bildu dituzte Basauriko kuadrillek Aneren eta Gaizkaren alde

Iazko zifra gainditu dute. Ane Etxebarriaren alde antolatutako ekimen solidarioetan guztira 13.700 bildu dituzte, eta Hauspoak kuadrillak Gaizkarentzako 2.600 euro jaso ditu

|

Herriko Taldeakeko 16 kuadrillek antolatu dituzte ekimen solidarioak sanfaustoetan // Herriko Taldeak

Basauri herri solidarioa da eta San Fausto jaietan ere hori erakutsi du herriak. Aurten bi umerentzako bildu dute dirua Basauriko jaietan: Ane Etxebarria eta Gaizka Hernandez.

Jaietan zehar antolatu dituzten ekimen solidarioetan guztira 16.300 euro bildu dituzte Herriko Taldeakeko 16 kuadrillek, iaz baino 2.800 euro gehiago. Zehazki, Anerentzat 13.697,58 euro batu dituzte eta Gaizkarentzat 2.600 euro.

Ane 9 urteko sanmigeldarra da, Zigorrak kuadrillakoa, eta oraindik diagnostikorik ez duen afektazio neurologikoa du. Baldintza horrek bere neurogarapenari eragiten dio, maila motorrean, kognitiboan eta hizketaren mailan. Egunero joaten da Hezkuntza Bereziko ikastetxe batera, eta, gainera, hainbat terapia jasotzen ditu bere bizi-kalitatea hobetzen eta ahalik eta ahalmen handiena garatzen laguntzeko.

Bestetik, Gaizkak 10 urte ditu eta Angelman sindromea du. Urtero Hauspoak kuadrillak Elkartasun Azoka eta zozketa antolatzen ditu sanfaustoetan bere alde.

Osorik irakurri

☉ Basauri

Eskarabilera Zestoan agertu da, hegaldia hasi eta ordu batzuetara!

Eskarabilerak atzo galdu zuen burua, baina ordu batzuk bakarrik: Zestoan agertu da gaur goizean!

|

Zestoako mendi batean topatu dute gaur goizean aurtengo Eskarabilera // Herriko Taldeak

Agertu da aurtengo Eskarabileraren burua! Ez du ezta egun oso bat pasa zerutik bueltaka: atzo 21:00ak inguru hasi zuen hegaldia eta gaur bertan agertu da Zestoan (Gipuzkoa).

“Hegaldi laburra izan da aurtengoa, atzo Aldatxa kuadrillak zeruratutako Eskarabilera gaur goizean agertu da Zestoako mendi batean!”, adierazi dute Herriko Taldeaketik sare sozialetan.

Aldatxa kuadrilla arduratuko da Eskarabileraren burua berreskuratzeaz. Oraindik ez dute zehaztu noiz, baina bidaia prestatu beharko du Basozelaiko kuadrillak!

Osorik irakurri

☉ Basauri

Bideoa / Agur, Eskarabilera! 2025era arte agurtu dute jaietako ikurra Basaurin

|

Bukatu dira Basauriko jaiak. Eskarabilerari agur esan diote Arizgoitiko plazan batu diren ehunka herritarrek. Aurten Trastorna2 tokiko taldeak jarri du agurrerako soinua: Exkixuren ‘Agur’.

Osorik irakurri

☉ Basauri

Bideoa / Zein izan da aurtengo zurrakapoterik onena Basauriko jaietan? Eta txarrena? Herritarrek erantzun dute!

|

Basauriko jaietako edaberik magikoena da: zurrakapotea. Herriko Taldeakeko kuadrilla guztiek bere zurrakapotea prestatzen dute eta egunero doan eskaintzen dute euren lonjetan.

Basauriarrek ondo baino hobeto ezagutzen dute zein den zurrarik onena eta zein txarrena, eta horregatik GEURIAko mikrofonoa kalera atera eta inkesta egin dugu, Alaiak kuadrillak urtero jaietan antolatzen duen dastatze itsu-itsuan.

Osorik irakurri

☉ Basauri

Bideoa / Basauriko jaietako Goitibehera lasterketako pilotuekin berba egin dugu!

|

Bigarren urtez jarraian Goitibehera lasterketa izan da Basauriko jaietan. Euskal Inertzia Kopak eta Herriko Taldeakek antolatu dute batera jarduera: kuadrillen arteko txapelketa izateaz gain, pilotu profesionalak ere ikusi ahal izan ditugu Basozelaitik maldan beheran.

Kuadrillen arteko txapelketan irabazle izan da Ontzak, bigarren Basatiak eta hirugarren Zoroak.

GEURIAn Basauriko pilotu batzuekin berba egiteko aukera izan dugu, baita boluntarioekin ere! Aupa Gaizka, Unai, Iratxe eta Lorea, eta Jokin!

Osorik irakurri