☉ Hego Uribe
Euskaraldia ekimenean herriek izena eman dezaten epea zabaldu dute
Herriek apirilaren 8ra arte dute Euskaraldia 11 egun euskaraz ekimenean izena emateko epea. Norbanakoen izen-ematea irailean zabalduko dute.
Herriek apirilaren 8ra arte dute Euskaraldia 11 egun euskaraz ekimenean izena emateko epea. Norbanakoen izen-ematea irailean zabalduko dute
Euskaraldia 11 egun euskaraz ekimenean izena emateko epea zabalik dago herrientzat, apirilaren 8ra arte. 2018ko azaroaren 23tik abenduaren 3ra bitartean ospatuko da ekimena Euskal Herri osoan eta helburu nagusia izango da aldi berean euskararen aktibazioa bultzatzea lurralde osoan.
Euskaraldia iazko azaroan publikoki aurkeztu zutenetik, egitasmoa herrietan aurkeztu eta lanari ekin ahal izateko batzordeak sortzen ari dira, udalerri bakoitzeko erakunde publikoen, euskalgintzako eragileen zein elkarteen artean elkarlana sustatzeko. Ekimeneko antolakuntzatik diotenez, “komenigarria da apirilaren 8a baino lehen herrien izen-ematea egitea, baina ez da beharrezkoa batzordea sortua egotea izena eman ahal izateko“.
Herriz herri batzordeak sortzen eta antolatzen hasiak direla nabarmendu du Miren Dobaran Eusko Jaurlaritzako Hizkuntza Politikarako sailburuordeak. Esate baterako, Hego Uribe eskualdean Arrigorriagan. Azken bi urteetan egindako aktibazio ekimenari jarraipena emango dio aurtengo Euskaraldiak. Horrela azaldu dute Karmelo Aiesta Euskarak 365 egun batzordeko kideak eta Sonia Rodriguez Arrigorriagako Udaleko euskara zinegotziak.
Ahobizi eta belarriprestak
11 egun euskaraz ekimeneko ardatz nagusiak izango dira ahobiziak eta belarriprestak. Egitasmoaren protagonistak herritarrak izango dira eta hizkuntzaren jakintza mailari lotutako bi rolen arabera parte hartu ahal izango dute. Herritarrek eurek ere izena eman beharko dute Euskaraldian parte hartzeko. Irailaren 20an irekiko dute epea herritarrek izena eman dezaten.
Herriek izena emateko lehen fasea otsailaren 21ean aurkeztu dute Donostiako Koldo Mitxelena Kulturunean eta bertan izan dira: Arrate Illaro Euskaltzaleen Topaguneko kidea eta Euskaraldiaren koordinatzailea; Miren Dobaran Eusko Jaurlaritzako Hizkuntza Politikarako sailburuordea; eta baita dagoeneko izena eman eta martxan diren bi herrietako ordezkariak ere: Sonia Rodriguez Arrigorriagako Udaleko euskara zinegotzia eta Karmelo Aiesta Arrigorriagako Euskarak 365 Egun batzordeko kidea; Nekane Iribar Zarauzko Udaleko euskara zinegotzia eta Maite Egiguren euskaltzalea. Bertan izan dire baita ere, Mikel Arregi Euskararen Nafar Institutuko zuzendaria; Josu Labaka Udalerri Euskaldunen Mankomunitateko (UEMA) zuzendaria; Aitor Aldasoro Eudeleko ordezkaria; eta Elena Laka Euskaltzaleen Topaguneko lehendakaria.
☉ Hego Uribe
ZOZKETA | Bizkaiko Bertsolari Txapelketaren finalerako sarrera bikoitza irabazi gura duzu?
Galdakaotik pasa eta gero, Bizkaiko Bertsolari Txapelketaren finala heldu da: Abenduaren 20an, Bilbon, Casillan, 17:00etatik aurrera.
Onintza Enbeita, Jone Uria, Xabat Galletebeitia, Oihana Bartra, Aitor Etxebarriazarraga, Aitor Bizkarra, Gorka Pagonabarraga eta Txaber Altube izango dira finalean arituko diren bertsolariak.
Geuriak sarrera bikoitz bat zozketatzen ari da Instagram sare sozialean.
☉ Hego Uribe
Gurpildun aulkiak edo taka-takak dohaintzan emateko kanpaina martxan jarri dute Hego Uriben
Herritar guztiei dei egin diete material horiek egoera onean emateko, mailegu solidarioetan berrerabiltzeko
Mugitzeko zailtasunak edo mendekotasuna duten pertsonei behar dituzten baliabideak errazteko helburuz Laguntza Teknikoen Bankuak (BAT) egiten duen material bilketarekin bat egin dute Arrigorriagako, Etxebarriko eta Ugaoko udalek, Galdakako Erabide Emakume Elkarteak eta Domus VI adinekoen egoitzek (Aperribai eta Arrigorriaga).
Modu horretan, gurpildun aulkiak, ohe artikulatuak, etxeko garabiak, taka-takak, makuluak, mugimendu sentsoredun alarmak edo antzeko gailuak erabilerarik gabe dituzten herritarrei dohaintzan emateko deia egin dute, horien beharra dutenek berrerabil ditzaten.
Kanpaina honen helburua da herritarren zahartze-testuinguruan laguntza-baliabide horiek gero eta gehiago behar izateari erantzutea, herritar guztiei dei eginez produktu horiek egoera onean emateko, mailegu solidarioetan berrerabil ditzaten.
Dohaintza egiteko, 944 409 116 telefono zenbakira deitu edo bat@bultzatu.org helbide elektronikora idatzi behar dute herritarrek. Ondoren, materiala entregatzeko edo jasotzeko modurik egokiena zein den zehaztuko dute.
“Puntu bat hurbil badago, non entregatu behar den adieraziko da, bestela, edo produktua handia bada, etxez etxeko bilketa antolatuko da kanpaina amaitzean”, diote antolatzaileek.
☉ Hego Uribe
Araban gertatutako lurrikara Hego Uriben ere sentitu da
Ugaon, San Migelen eta Basaurin ere nabaritu zen lurrikara, maila txikiago batean, Espainiako Intitutu Geografikoak zehaztu duenez
Abenduaren 7tik 8ra bitarteko gauean, 00:10ean, lurrikara gertatu zen Iruña Okan, Araban.
Dardara Richter eskalako lau gradukoa izan zen, eta Espainiako Institutu Geografikoak adierazi duenez, Bizkaiko 15 puntutan ere sentitu zen. Tartean, Hego Uribe eskualdean.
Iturri berak publikatutako maparen arabera, Ugaon, San Migelen eta Basaurin ere nabaritu zen lurrikara, maila txikiago batean.
Hain zuzen ere, Hego Uribe eskualdean sentitutako dardara bigarren mailakoa izan zen Richter eskalan.
☉ Hego Uribe
JAITSI | Olentzerori eta Mari Domingiri idazteko 2025eko gabon gutuna!
Olentzeroren eta Mari Domingiren etxeko helbidea duen gutun berria prestatu dugu GEURIAn! Jaitsi, inprimatu, idatzi, bidali eta zuzen-zuzen helduko zaie!
Olentzeroren eta Mari Domingiren etxeko helbidea duen gutun berria prestatu dugu GEURIAn, Irrimarrako Karmele Gorroño ilustratazaile galdakoztarraren eskutik!
Jaitsi, inprimatu, idatzi, bidali eta zuzen-zuzen helduko zaie!
Paperezko edizioan argitaratu dugu gutuna, baina ezin baduzu paperezkoa hartu, hemen dituzu digitalean: orrialde bat bi aldeetatik inprimatu, marretatik moztu eta hortxe gabon-gutuna. Eta gogoratu, oparirik ederrenak, ondoan ditugunak!
 |
👉 Jaitsi! 👈 |
Hona hemen beste aukera batzuk:
 |  |
👉 Jaitsi! 👈 | 👉 Jaitsi! 👈 |
☉ Hego Uribe
Txulalai haur musika taldeak disko berria aurkeztuko du Durangoko Azokan
‘Boom Boom’ du izena diskoak eta abenduaren 5ean kaleratuko dute Durangoko Azokarekin bat eginez
Mikel Leibar, Argiñe Belakortu eta Iñigo Agirrezabala Galdakaoko eta Usansoloko lagunek Txulalai haur musika talde berria eratu zuten iaz, Kantu Kolore taldea desegin ostean.
Eta iaz euren lehen diskoa argitaratu eta gero (‘Zure ametsak’), abenduaren 5ean bigarren lana kaleratuko dute: ‘Boom Boom’.
Disko berriak 11 abesti ditu eta 2 eta 12 urte bitarteko gaztetxoentzat dago zuzenduta. Lehenengo singlearen izena da ‘Txiza eta kaka’.
“Oraingo honetan txikienek adibidez komunera joateko kanta edukiko dute, eta lateralitatea eta pentsamendua lantzeko ere bai. Nagusiagoek, ordea, enpatia, bullying-a eta maitasuna lantzeko kantak izango dituzte besteak beste”, diote.
Durangoko Azokan aurkeztuko dute diskoa eta Gabonetan ikuskizun berria plazaratuko dute.
Gazteen alokairua bultzatzeko Mirador proiektuko 14 etxebizitza erosteko aukera onartu du Etxebarriko Udalak
‘Battle Oilar’, film-laburrak bertso bihurtuko dituen ekintza dakar Umorea Labur jaialdiak
Bazkarian beste zomorro bat agertu dela salatu dute Basozelai-Gaztelu ikastetxeko gurasoek
Argazkiak | Galdakaoko Mintzodromoak 120 lagun batu ditu gaur Kurtzeko frontoian
Argazkiak | Gatibuko Alex Sardui eta Mirua taldeko Maitane Iruiñ Basauriko Musika Eskolaren ekitaldian izan dira
