☉ Galdakao
Galdakaoko Andra Mari Dantza Taldea bihar Euskalduna Jauregian
Bilboko Txistulari Banda eta Galdakaoko Andra Mari Taldeak musika eta dantza ikuskizuna eskainiko dute urtarrilaren 28an Bilboko Euskalduna Jauregian. Ikuskizuna 20:00etan hasiko da eta sarrera librea izango da.
Bihar, urtarrilak 28, Euskalduna Jauregiko kontzertu programak Bilboko Udal Txistulari Banda eta Galdakaoko Andra Mari Dantza Taldea elkartuko ditu. Hitzordua 20:00etan izango da Euskaldunako A1 aretoan. Euskal Herriko herri eta probintzia desberdinetako dantzen doaneko erakustaldia izango da, tartean Soinu zaharrak, auritzeko ingurutxoa, Nafarroa eta Luzaideko dantzak eta baita Gipuzkoa eta Bizkaikoak ere.
Andra Mari Dantza taldeak, bere jaiotzatik dantza eta euskal dantzen ikasketa eta erakusketan konpromiso sendoa hartu izan du. 1955etik gaur egunera arte, Andra Mari Dantza Taldeak Europako zein mundu guztiko beste hainbat aberrietara zabaldu izan du euskaldunon kultura tradizionala parte hartu duen Jaialdi Internazional guztietan.
Berbalagun taldeak martxan dira Galdakaon eta Basaurin! Gaur bertan ikasturte berria aurkeztu dute Galdakaoko Ganbara tabernan.
Bertan izan da GEURIA eta Xabi Olea eta Blanca Merino Galdakaoko berbalagunekin berba egiteko aukera izan dugu! Aupa zuek!
☉ Galdakao
Tokiko produktuak goi-mailako sukaldaritzara eramateko jardunaldiak antolatu dituzte Galdakaon
KM0 Jardunaldi Gastronomikoak antolatu dituzte Galdakaon urriaren 15etik 17ra bitartean.
Ekimenak tokiko produktuak goi-mailako ostalaritzara eraman nahi ditu, “sukaldaritza sortzaile, berritzaile eta ausart baten aldeko apustua eginez, sustraiak ahaztu gabe eta lehengai nagusi gisa gertuko eta kalitateko produktua aldarrikatuz”, diote udal ordezkariek.
Jardunaldiak Galdakaoko Ostalaritza Eskolan izango dira, 17:00etatik 20:00etara.
Galdakaoko Udalak eta Ostalaritza Eskolak antolatu dituzte jardunaldiok, “tokiko jarduera ekonomikoa sustatzeko konpromisoaren ildotik”.
Erakustaldi praktikoak
Jardunaldien helburua da diziplina anitzeko prestakuntzaren bidez Galdakaon ostalaritza sektore indartsuagoa eta nabarmenagoa ezartzea.
Horretarako erakustaldi praktikoak eta hitzaldiak antolatu dituzte. Hizlariak “lehen mailakoak” izango dira: Beñat Ormaetxea Jauregibarria jatetxeko eta Palacio Arriluze hoteleko nagusia; Jon Bastante Berrizko Ibarra Baserriko barazki ekoizlea; Jose Pablo Larrea Baserria Km0 kooperatibako bozeramailea; eta Gari Rios Itsasmendi upategiko zuzendari teknikoa.
Muguru parkeko jolasak berrituko ditu Galdakaoko Udalak. “Denboraren eta erabileraren ondorioz hondatu eta apurtu egiten dira zabuak eta berritzeko beharra sortzen zaie”, diote udal arduradunek.
Zehazki, zabuak margotuko dituzte, zorua aldatuko dute eta txirrista berria jarriko dute.
Lanak hilabetez luzatuko dira, eta konponketa lanek irauten duten bitartean jolas parkea ezingo da erabili.
Galdakaoko Udalak 88.000 euro bideratuko ditu lan horietara.
☉ Galdakao
Garapen jasangarriaren alde gazteen pentsamendu kritikoa sortzea bilatuko dute Galdakaon
Ekoizpen eta kontsumo arduratsua, pobrezia desagerraraztea, desberdintasunak murriztea, kalitatezko hezkuntza eta helburuak lortzeko aliantza landuko dituzte Gazte Plazaren bidez
Garapen jasangarrirako helburuak gazteei ezagutarazi eta horietako batzuen inguruan sakontzeko jarduerak antolatu dituzte Galdakaon urriaren 17tik 22ra bitartean.
Gazte Plaza ekimenaren bidez, ekoizpen eta kontsumo arduratsua, pobrezia desagerraraztea, desberdintasunak murriztea, kalitatezko hezkuntza eta helburuak lortzeko aliantzak bezalako gaiak landuko dituzte gazteek.
Ardanza parkean jarriko duten karpan erakusketa bat egongo da, 12:00etatik 19:00etara bitartean. Karpa zabalik egongo da edozein herritarrentzat; hala ere, 12:15etik 16:00etara bitartean DBHko 3. eta 4. mailako ikasleak bertaratuko dira.
Gainera, bisita gidatuak, tailerrak, ihes-gela eta orientazio saioak ere antolatuko dituzte. “Jokoaren bidez Garapen Jasangarrirako Helburuei buruzko ezagutza areagotzeko, hainbat ihes-gela saio egingo dira. Saio horiek ordubetekoak izango dira, zazpi proba izango dituzte eta eskola ordutegitik kanpo egingo dira”, diote udal ordezkariek.
“Gazte Plazan proiektua gazteen artean pentsamendu kritikoa sortzeko beharrari lotutako ekimena denez, Garapen Jasangarrirako Helburuak gaurkotasuneko gaiekin lotuko dira, parte-hartzaileek jarrera desberdinak landu ditzaten”, diote.
Ildo horretan, orientazio saioa egingo dute herriko kaleetatik: “Gazteak taldeka banatu, eta, Gazte Plazatik abiatuta, herriko espazio eta dinamikak ezagutuko dituzte hainbat proben bidez. Horrela, hiri eta kolektibo inklusiboak, seguruak, erresilienteak eta jasangarriak nolakoak diren hausnartzeko aukera izango dute”, diote.
Gazte Plaza 2024
Urriak 17, osteguna
09:00-13:30 UN Etxeko tailerrak
09:30-11:30 Plazatik kaleetara jarduerak
12:00-19:00 Karpako erakusketaren irekiera
17:00-20:00 GJHen Ihes-gela
Urriak 18, ostirala
09:00-13:30 UN Etxeko Tailerrak
09:30-11:30 Plazatik Kaleetara jarduera
12:00-19:00 Karpako erakusketa ibiltariaren irekiera ordutegia
17:00-20:00 GJHen Ihes-gela
Urriak 19, larunbata
12:00-19:00 Karpako erakusketa ibiltariaren irekiera ordutegia
17:00-20:00 GJHen Ihes-gela
Urriak 20, igandea
12:00-19:00 Karpako erakusketa ibiltariaren irekiera ordutegia
Urriak 21, astelehena
09:00-11:00 UN Etxeko Tailerrak
12:00-19:00 Karpako erakusketa ibiltariaren irekiera ordutegia
Urriak 22, asteartea
12:00-19:00 Karpako erakusketa ibiltariaren irekiera ordutegia
Galdakao Gogora elkarteak irteera bat antolatu du Gurseko kontzentrazio-esparrua ezagutzeko. Urriaren 26an, larunbatez, izango da irteera: “Gurseko kontzentrazio zelaia bisitatuko dugu, baita ondoan dagoen Navarrens herria ere”, diote Galdakao Gogoratik.
Irteera 09:00etan izango da Galdakaoko udaletxetik, eta “iluntze aldera” itzuliko dira. Irteerara joan nahi duenak izena eman behar du urriaren 20a baino lehen galdakao.oroimena@gmail.com helbide elektronikora idatzita, eta 25 euro ordainduko ditu.
“Euskal Herritik nahiko gertu dagoen kontzentrazio zelaia izanik, aukera paregabea da zuzenean esparrua ezagutzeko. Izan ere, 1939. eta 1946. urteen artean, bertako barrakoietatik 64.000 preso pasa ziren, euretatik 6.555 euskaldunak, eta batzuk galdakoztarrak”, diote.
Irteera honen jatorria Galdakao Gogorak maiatzean antolatu zuen berbaldian dago: “Jabi Bilbaok hitzaldia eman zuen aurtengo jardunaldietan eta irteera honetan ere gurekin izango dugu, zelaiaren inguruko zehaztasunak azaltzeko”, diote.
Irteerari buruzko argibideak eta informazioa jasotzeko 667 488 691 eta 695 787 349 telefono zenbakiak jarri dituzte herritarren eskura.
Agirre Lehendakaria parkeko jolasgunea naturalizatzeko proposamena lehenetsi dute herritarrek Arrigorriagan
Jon Atxutegi: “Eusko Legebiltzarraren aurrean ere argi utzi dugu Usansolo erdigunean nahi dugula geltokia”
Bideoa / “Gustura egoten gara Berbalagun taldeetan; jende jatorra gara!”
Argazkiak / Sanfaustoetako goitibehera jaitsierak askotariko ibilgailu eta gidariak ekarri ditu Basaurira
Argazkiak / Ontzak izan da azkarrena Basauriko jaietako Mami-jan txapelketan
Argazkiak / Jo eta su aritu dira herriko taldeak sanfaustoetako sokatira txapelketan
Bideoa / “Gustura egoten gara Berbalagun taldeetan; jende jatorra gara!”
Bideoa / Martxan dira Galdakaoko eta Basauriko Berbalagun taldeak!
