→Arrigorriaga

Langabetuentzako doako euskara klaseak eskainiko ditu Arrigorriagako Udal Euskaltegiak

Izen-ematea irailaren 1etik 23ra bitartean egin daiteke, A1, A2, B1, B2 zein C1 mailetan. Matrikulazioa irailak 1 eta 10 artean egiten dutenei ere 50 euroko deskontua egingo diete.

Arrigorriagako Udal Euskaltegia // Arrigorriagako Udala

Arrigorriagako Udal Euskaltegiak 2022-2023 ikasturterako matrikulazio epea zabaldu du. Izen-ematea irailaren 1etik 23ra bitartean egin daiteke, A1, A2, B1, B2 zein C1 mailetan.

Urtero bezala, langabetuentzako klaseak doakoak izango dira, eta matrikulazioa irailak 1 eta 10 artean egiten dutenei ere 50 euroko deskontua egingo diete. Bestalde, HABEk emandako diru laguntza gehigarriez ere baliatu daitezke ikasleak. Matrikula arruntaren prezioak 165 eurotik 330 eurora artekoak dira, eta birmatrikularenak, 148 eurotik 297 artekoak, astero jasotzen diren klase orduen arabera.

  • Astean bi egun edo bost ordu (guztira 165 orduko ikastaroa): 165 euro matrikula arruntarekin eta 148,50 euro birmatrikularekin
  • Astean hiru egun edo 7,5 ordu (guztira 250 orduko ikastaroa): 250 euro matrikula arruntarekin eta 225 euro birmatrikularekin
  • Astean lau egun edo 10 ordu (guztira 330 orduko ikastaroa): 330 euro matrikula arruntarekin eta 297 euro birmatrikularekin
  • Autoikaskuntza klaseak: 190 euro matrikula arruntarekin eta 171 euro birmatrikularekin

16 urtetik gorako edonork eman dezake izena ikastaroetan. Halere, matrikula egiten den lehen aldia izanez gero, derrigorrezkoa izango da maila proba egitea, ikasleak ondoen egokitzen zaion ikastaroa aukeratu ahal izateko.

Izen-ematea

Inskripzioa egiteko, euskaltegiaren webguneko inprimakia bete eta euskaltegian bertan entregatu edo bulegoa@arrigorriagakoeuskaltegia.eus helbidera bidali beharko da. Informazio gehiago behar izanez gero, arreta zerbitzua zabalik dago 08:00etatik 15:00etara eta 16:00etatik 18:00etara (iraileko bigarren hamabostaldian).

Gora

Geuria Laguntzaileak Geuria Laguntzaileak