Sareak
[the_ad_group id="3890"]

☉ Basauri

18 urteko gazte bat atxilotu dute Basaurin, 72 urteko emakume bati bitxiak indarrez lapurtzeagatik

Ustezko lapurrak bitxiak irentsi egin zituen. Domina eta urrezko katea trakean zeuzkanez, ospitalera eraman behar izan zuten ateratzeko

|

udaltzaingoaren autoa Basaurin // Basauriko Udala

Basauriko Poliziak 18 urteko gizon bat atxilotu du asteburu honetan, 72 urteko emakume bati aldean zeramatzan domina eta urrezko katea indarrez lapurtzeagatik. Andrea bere txakurrarekin Ibaigane kaletik paseoan zebilela, gaztea hurbildu eta tiraka kendu zizkion bitxiak.

Lapurrak alde egin zuen. Baina biktimak udaltzainei deitu zien, eta gaztearen deskripzio zehatza eman ahal izan zien agenteei. Horrela, Eleuterio Villaverde kaleko tren geltokian zegoen patruila batek emakumeak emandako datuekin bat zetorren gazte bat atzeman zuen. Gerora, biktimak berak identifikatu zuen ustezko lapurra.

Atxiki zutenean, baina, bitxiak ez zeramatzan aldean, eta ingurumarietan ere aurkitu ez zituztenez, gazteak irentsi egin zituelako susmoa izan zuten agenteek. Lehen eginbideak martxan jarri bitartean, ustezko lapurrak hainbat aldiz eztul egin zuela nabaritu zuten udaltzainek, eta Bilboko guardiako epaitegian jazotakoa azaldu ondoren, mediku azterketa bat eskatu zuten gaztearentzako.

Orduan, Galdakao-Usansoloko ospitalera lekualdatu zuten, eta ZIUko zerbitzu medikuak baieztatu zuen susmoa. Domina eta katea atxilotuaren trakean zeuden, eta bere bizitza “arriskuan” jartzen zuetenez, “objketuak premiaz aterateko beharra” ikusi zuten espezialistek. Basurtuko ospitalera eraman zuten ustezko lapurra, anbulantzia medikalizatu batean, eta bertan atera zizkioten eztarrian zeuzkan bitxiak.

Interbentziorik behar izan ez zuenez, alta jaso zuen gazteak. Basauriko Poliziaren egoitzara eraman zuten, eta izapideak egin eta gero, Bilboko guardiako epaitegiaren esku utzi zuten.

Bi lapurreta, asteburu berean

Baina gaztearena ez da Basaurin asteburuan zehar gertatutako atxiloketa bakarra izan. Udaltzainak 40 urteko beste gizon bat atxilotu du ustez Urbiren inguruko lonja bateko sarrerako panela hautsi eta barrura indarrez sartzeagatik.

Auzotar batek goizaldean deitu zuen jazotakoaren berri emateko: lonjen inguruan hainbat gizon ikusi zituela azaldu zien agenteei, eta hauek, aipatutako gizona atxilotzeaz gain, gertatutakoaren zerikusia izan zezaketen beste 5 lagun identifikatu zituzten.

☉ Basauri

Argazkiak / Etxegarai eta Sofia Taramona garaile, Basauriko ikastetxeen arteko Esku Pilota Txapelketan

|

Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa izan da eta Etxegarai, Sofia Taramona, Basozelai-Gaztelu eta Soloarte ikastetxeetako LH5 eta LH6 mailetako ikasleek jokatu dute (Basauriko Lehen Hezkuntzako bederatzi ikastetxeak zeuden gonbidatuta parte hartzera). LH5 mailan nesketan Etxegarai eta mutiletan Sofia Taramona izan dira txapeldun eta LH6n Sofia Taramona (LH6n mistoa izan da txapelketa).

Osorik irakurri

☉ Basauri

Bideoa / Jon (Los Gambas): “Playbackean pailazoarena egitea da gehien gustatzen zaiguna”

|

San Migeleko jaietan Playback lehiaketa antolatu dute eta txapeldun izan da Los Gambas kuadrilla. Jon Salguero eta Maialen Barredo Los Gambas kuadrillako kideekin berba egin dugu.

Osorik irakurri

☉ Basauri

Argazkiak / San Migeleko jaietako Playback lehiaketan ere txapeldun Los Gambas kuadrilla

|

San Migeleko jaietan Playback lehiaketa antolatzen du Mikelatsek. Aurten lau kuadrillak hartu dute parte: Los Gambas (txapeldunak), Uholdeak, Los Tenderetes eta Las Maris (aurten La Mari).

Osorik irakurri

☉ Basauri

Basauriko ikastetxeen arteko Esku Pilota txapelketa jokatuko da San Migeleko jaietan

Urriaren 6an, igandez, izango da txapelketa eta Basauriko Lehen Hezkuntzako bederatzi ikastetxeak gonbidatu ditu Bidebieta Pilota Taldeak

|

Lehen Hezkuntzako 5. eta 6. mailako ikasleei dago zuzenduta txapelketa // Geuria

Basauriko ikastetxeen arteko Esku Pilota txapelketa jokatuko da San Migeleko jaietan, urriaren 6an. Bidebieta Pilota Klubak antolatuta, aurtengoa hirugarren edizioa da, eta urtero bezala, Basauriko Lehen Hezkuntzako bederatzi ikastetxeak gonbidatu dituzte: Etxegarai, Soloarte, Sofia Taramona, Basozelai-Gaztelu, Bizkotxalde, Arizko Ikastola, Kareaga Goikoa, San Jose eta Basauri Ikastetxea.

Lehen Hezkuntzako 5. eta 6. mailako ikasleei dago zuzenduta txapelketa: “Partida laburrak izango dira, sei edo zazpi puntura. Bikote bakoitzak bi partida jokatuko ditu, eta ligaxka formatuan kanporaketak egongo dira, 5. mailako eta 6. mailako txapeldunak izan arte”, azaldu dio GEURIAri Mikel Karrillo Bidebideta Pilota Klubeko ordezkariak.

Txapelketa 10:00etan hasiko da 5. mailakoekin, eta 12:00etan 6. mailakoekin. “Espero dugu ikastetxe guztiak animatzea. Umeek oso ondo pasatuko dute eta gainera esku pilota eta kirola sustatzeko aukera ezin hobea da”, dio Karrillok.

Osorik irakurri

☉ Basauri

Etxe Maitiako azterketa “deialdi bakar gisa” tipifikatuta dagoela dio Basauriko Udalak

Azterketa beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezakeela argudiatu du Basauriko Udalak

|

Etxe Maitiako udal egoitza // Basauriko Udala

Basauriko Etxe Maitia Udal Egoitzako Erizaintzako Laguntzaile lanposturako EPErako azterketa erditze egunean egitea beste aukerarik eman ez ziotela salatu du basauriar batek.

Basauriko Udalak adierazi duenez, prozesu horren azterketa “deialdi bakar gisa” tipifikatuta dago: “Hau da, hautagai guztiek egun berean egin behar dute proba bera. Pertsona batek beste data batean egitea edo beste azterketa bat egitea baimenduz gero, berdintasun-printzipioa urratu eta hautagai guztientzat diskriminazioa eragin dezake, emakume erreklamatzailearentzat barne, izangai guztiak ez baitziren parametro berberekin baloratuko”, diote udal ordezkariek.

“Epaimahaiak, Osakidetzak aplikatzen duen protokolo bera jarraituz, azterketa ospitalean bertan egiteko aukera eskaini zion emakumeari, baina berak uko egin zion, eta sine die atzeratzeko eskatu zion, azterketa egiteko moduan egon arte”, diote.

“Ebazpen loteslea”

Enplegua egonkortzeko Etxe Maitiako epaimahaia organo “burujabea eta autonomoa” dela gogorarazi du Basauriko Udalak: “Eta mota horretako prozesuak arautzeko orduan dagoen ordenamendu juridikoan oinarritutako ebazpenak emateko balio du”, diote.

“Politikoen jarraibideen mende ez dauden profesional teknikoek osatutako organoa da. Enplegatu Publikoaren Oinarrizko Estatutuaren Legeak 2007an erabaki zuen ordezkari politiko edo sindikal bakar batek ere ezin zuela parte hartu horrelako epaimahai batean, prozesuaren objektibotasuna, inpartzialtasuna eta profesionaltasun teknikoa zaintzeko. Hori dela eta, gobernu-organoek ezin diete jarraibiderik eman hautaketa-epaimahaiei, ezta beren erabakietatik aldendu ere. Administrazio-errekurtsoren bat jarriz gero bakarrik berrikusi ahal izango dira, administrazio-prozedura erkidearen araudiaren bidez”, azaldu dute udal ordezkariek.

Ildo horretan, epaimahaiak ematen duen edozein ebazpen organo politikoentzat loteslea dela adierazi dute Basauriko udal arduradunek, eta gai horri buruzko informazio zehatza Etxe Maitia Egoitzaren hurrengo Kontseilu Errektorean emango duela adierazi dute.

Osorik irakurri